സോഷ്യല്‍ മീഡിയാ രംഗത്ത് തരംഗമായിരിക്കുന്ന വാട്‌സ്ആപ്പിനെ ഉപഭോക്താവിന് കൂടുതലായി പ്രയോജനപ്പെടുത്താന്‍ സഹായിക്കുന്നതരത്തിലുള്ള ആപ്ലിക്കേഷന്‍ രംഗത്തെത്തി.\'ഒജിവാട്‌സ്ആപ്പ്\' എന്ന ഈ സ്മാര്‍ട്ട് ആപ്പ് ഒരു ആണ്‍ട്രോയിഡ് ഫോണില്‍ ഒന്നില്‍ കൂടുതല്‍ വാട്‌സ്ആപ്പ് അക്കൗണ്ടുകള്‍ ഉപയോഗിക്കാന്‍ നിങ്ങളെ സഹായിക്കും. നിലവില്‍ ഒരു സ്മാര്‍ട് ഫോണില്‍ ഒരു വാട്‌സ്ആപ്പ് അക്കൗണ്ട് എന്ന രീതിയാണ് ഇതോടെ പഴങ്കഥയാകുന്നത്. ഇത് യാതാര്‍ത്ഥ്യമാക്കാന്‍ താഴെപ്പറയുന്ന നടപടിക്രമങ്ങള്‍ മാത്രം നിങ്ങള്‍ പിന്തുടര്‍ന്നാല്‍ മതി. അവ എന്തൊക്കെയെന്ന് ശ്രദ്ധിക്കുക.
ആദ്യമായി നിങ്ങളുടെ നിലവിലെ വാട്‌സ്ആപ്പ് അക്കൗണ്ടിന്റെ ബാക്ക്അപ് ഫയലുകള്‍ സേവ് ചെയ്യുക( വാട്‌സ്ആപ്പില്‍ നിലവിലുള്ള വിവരങ്ങള്‍ നഷ്ടപ്പെടേണ്ട എന്ന് കരുതുന്നവര്‍ മാത്രം). തുടര്‍ന്ന് നിങ്ങളുടെ ഫോണ്‍ സെറ്റിങിലെത്തി വാട്‌സ്ആപ്പ് ക്ലിയര്‍ ഡേറ്റ എന്നതിലെത്തി വാട്‌സ്ആപ്പിന്റെ എല്ലാ വിവരങ്ങളും നീക്കം ചെയ്യുക(ഈ സമയവും വാട്‌സ്ആപ്പ് നിങ്ങളുടെ ഫോണില്‍ നിന്നും അണ്‍ഇന്‍സ്റ്റാള്‍ ആയിരിക്കില്ല).
തുടര്‍ന്ന് ഫോണിലെ ഫയല്‍ മാനേജറിലും തുടര്‍ന്ന് വാട്‌സ്ആപ്പിന്റെ ഫയല്‍ ഫോള്‍ഡറുകളിലുമെത്തി \'വാട്‌സ്ആപ്പ് ഡയറക്ടറി\' എന്നത് \'ഒജിവാട്‌സ്ആപ്പ്\' എന്ന് പുനര്‍ നാമകരണം ചെയ്യുക. ഇതിനുശേഷം നിങ്ങളുടെ പഴയ വാട്‌സ്ആപ്പ് അണ്‍ഇന്‍സ്റ്റാള്‍ ചെയ്യുക.
ഇനി നിങ്ങള്‍ \'ഒജിവാട്‌സ്ആപ്പ്\' ഇന്‍സ്റ്റാള്‍ ചെയ്യുക(ഗൂഗിള്‍ പ്ലേസ്‌റ്റോറുകളില്‍ ഈ ആപ്പ് ലഭ്യമാണ്). തുടര്‍ന്ന് നിങ്ങളുടെ പഴയ വാട്‌സ്ആപ്പിന്റെ ഫോണ്‍ നമ്പര്‍ ഒജിവാട്‌സ്ആപ്പില്‍ നല്‍കുക. ഇനി ഔദ്യോഗിക വാട്‌സ്ആപ്പിന്റെ സോഫ്‌റ്റ്വെയര്‍ ഒരിക്കല്‍ക്കൂടി ഇന്‍സ്റ്റാള്‍ ചെയ്യുക. എന്നാല്‍ ഈ വാട്‌സ്ആപ്പില്‍ നിങ്ങള്‍ നല്‍കേണ്ടത് നിങ്ങളുടെ പുതിയ വാട്‌സ്ആപ്പ് അക്കൗണ്ടിനായുള്ള നമ്പരായിരിക്കണം. ഇതോടെ നിങ്ങളുടെ ഒറ്റ ആണ്‍ട്രേയിഡ് ഫോണില്‍ രണ്ട് വാട്‌സ്ആപ്പ് അക്കൗണ്ടുകള്‍ ഉപയോഗിക്കാവുന്നതാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha