വിദേശത്തെ ഡേറ്റിംഗ് വെബ്‌സൈറ്റില്‍ മലയാളി പെണ്‍കുട്ടികളുടെ ചിത്രങ്ങളും അശ്ലീല പോസ്റ്റുകളും കൊണ്ട് നിറയുന്നു. ഫെയ്‌സ് ബുക്കിലേയും വാട്‌സ് ആപ്പിലേയുമൊക്കെ പ്രൊഫൈലിലെ ഫോട്ടോകളാണ് സൈറ്റില്‍ ദുരുപയോഗിക്കപ്പെടുന്നത് എന്ന് സൈബര്‍ സെല്‍ അന്വേഷണത്തില്‍ വ്യക്തമായി. ഇതോടെ ലോകത്തെമ്പാടുമുള്ള മലയാളി പെണ്‍കുട്ടികള്‍ ആശങ്കയിലാണ്.
കോഴിക്കോട് സ്വദേശിനിയായ യുവതിയുടെ പരാതിയിലാണ് ഞെട്ടിക്കുന്ന വിവരങ്ങള്‍ സൈബര്‍ സെല്ലിന് ലഭിച്ചത്. ഫ്‌ളിംഗ് എന്ന പേരിലുള്ള അശ്ലീല വെബ്‌സൈറ്റിലാണ് കോഴിക്കോട് സ്വദേശിനിയായ പെണ്‍കുട്ടിയുടെ ചിത്രം പ്രത്യക്ഷപ്പെട്ടത്. പെണ്‍കുട്ടിയുമായി ഫോണില്‍ സംസാരിക്കാനും സമയം ചെലവിടാനും അവസരമെന്നാണ് ചിത്രത്തിനു താഴെ വിവരണവുമുണ്ട്. പെണ്‍കുട്ടിയുടെ പരിചയക്കാരാണ് ഇത് കണ്ട് വിവരം പെണ്‍കുട്ടിയെ അറിയിച്ചത്. സ്വന്തം ചിത്രം മോര്‍ഫ് ചെയ്ത് മാറ്റിയതുകണ്ട പെണ്‍കുട്ടി ഞെട്ടിത്തെറിച്ചു പോയി. ഉടന്‍ ബന്ധുക്കള്‍ക്കൊപ്പം കോഴിക്കോട്ടെ സൈബര്‍ സെല്ലിന് പരാതി നല്‍കുകയായിരുന്നു. 

പരാതി സ്വീകരിച്ച ശേഷം ഫോട്ടോ പോസ്റ്റ് ചെയ്തത് ആരാണെന്ന് കണ്ടെത്താനായി വെബ്‌സൈറ്റ് ഉടമകള്‍ക്കു പൊലീസ് ഇമെയില്‍ അയച്ചു. പക്ഷേ, മറുപടി വന്നില്ല. ഇമെയില്‍ അയച്ച ആ ദിവസംതന്നെ പരാതിക്കാരിയുടെ ഫോട്ടോ സൈറ്റില്‍ നിന്നും അപ്രത്യക്ഷമായി. ഫ്‌ളിംഗ് സൈറ്റില്‍ കയറി പ്രത്യേക യൂസര്‍നെയിമും പാസ്‌വേര്‍ഡും ഉപയോഗിച്ചു വിശദമായി പരിശോധിച്ച സൈബര്‍ സെല്‍ ഉദ്യോഗസ്ഥരും ഞെട്ടി. സൈറ്റില്‍ ഒട്ടേറെ മലയാളി പെണ്‍കുട്ടികളുടെ ചിത്രങ്ങള്‍. ചിലരൊക്കെ സ്‌കൂള്‍ യൂണിഫോമില്‍ നില്‍ക്കുന്നു

ഇത്തരം സൈറ്റുകളുടെ നിയന്ത്രണം മിക്കപ്പോഴും വിദേശങ്ങളിലാണ്. കേരള പൊലീസിന്റെ അന്വേഷണം പലപ്പോഴും പാതിവഴിയില്‍ മുടങ്ങുന്നതിന്റെ കാരണവും അതുതന്നെ. ഫോട്ടോകള്‍ അശ്ലീല സൈറ്റുകളില്‍ പ്രത്യക്ഷപ്പെടുന്നതിന് പിന്നില്‍ ഒരു മലയാളിയെങ്കിലും ഉണ്ടെന്നാണ് സൈബല്‍ സെല്ലിന്റെ അനുമാനം.
വാട്‌സ്ആപ്പ് പ്രൊഫൈലുകളിലും ഫേസ്ബുക്ക് അക്കൗണ്ടുകളിലും പോസ്റ്റ് ചെയ്യുന്ന ഫൊട്ടോകളാണ് തിരച്ചടിയാകുന്നത്. ദുരുപയോഗം ഒഴിവാക്കാന്‍ ഫൊട്ടോകള്‍ പബ്ലിക് ആക്കരുതെന്നാണ് സൈബര്‍ സെല്ലിന്റെ ഉപദേശം. ആവശ്യമായ മുന്‍കരുതല്‍ സ്വീകരിച്ചില്ലെങ്കില്‍ പണി കിട്ടുമെന്ന് സാരം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha