പശ്ചിമബംഗാളില് സി.പി.എം മരണക്കിടക്കയില്; യുവാക്കള്ക്ക് അംഗത്വം വേണ്ട; പാര്ട്ടിക്ക് ആശങ്ക; നേതാക്കള് ബി.ജെ.പിയില് ചേര്ന്നപ്പോള് അണികള് പാര്ട്ടി വിട്ടു; അവര് തൃണമൂല് കോണ്ഗ്രസിലും ബി.ജെ.പിയിലും അഭയം നേടി; ബംഗാളില് ഇനി സി.പി.എം?
തുടര്ച്ചയായി 34 വര്ഷം ഭരിച്ചിട്ടും ഇന്ന് പശ്ചിമ ബംഗാളില് സി.പി.എം ഏറെ കുറെ അപ്രസക്തമാണ്. 2011 സി.പി.എമ്മിനെ പരാജയപ്പെടുത്തി തൃണമൂല് കോണ്ഗ്രസ് അധികാരത്തില് വന്ന ശേഷം അവര് തൃണവത്കരക്കപ്പെടുകയാണ്. നിലനില്പ്പിനായി അവര് ആദ്യം കോണ്ഗ്രസിനെയും ഇപ്പോള് ബി.ജെ.പിയെയും ആശ്രയിക്കുകയാണവര്. ഇതിനിടെയാണ് സി.പി.എമ്മിനെ കൂടുതല് ആശങ്കപ്പെടുത്തുന്ന വാര്ത്തകള് പശ്ചിമബംഗാളില് നിന്നും പുറത്ത് വരുന്നത്. പശ്ചിമബംഗാള് സി.പി.എം. ഘടകത്തില് യുവജനങ്ങളുടെ അംഗത്വനിരക്ക് ആശങ്കാജനകമാം വണ്ണം കുറയുന്നതായിയാണ് പാര്ട്ടിയുടെ വിലയിരുത്തല്. അംഗത്വ പുനര് നിര്ണയത്തിനുശേഷം അയച്ച കത്തിലാണ് പാര്ട്ടി ഈ വിഷയം ഏറെ പ്രാധാന്യത്തോടെ പരാമര്ശിച്ചിരിക്കുന്നത്.
അഞ്ചുവര്ഷം മുമ്പ് നടന്ന കൊല്ക്കത്ത പഌനത്തില് യുവാക്കളുടെയും വനിതകളുടെയും അംഗത്വം മൊത്തം അംഗബലത്തിന്റെ 20ഉം 25ഉം ശതമാനമായി ഉയര്ത്തണമെന്ന് നിശ്ചയിച്ചിരുന്നു. മൂന്നുവര്ഷത്തിനകം ഇത് നടപ്പാവണമെന്നും നിഷ്കര്ഷിച്ചിരുന്നു. എന്നാല്, ഇക്കാര്യത്തില് പുരോഗതിയൊന്നും ഉണ്ടായിട്ടില്ലെന്നു മാത്രമല്ല യുവജനങ്ങളുടെ അംഗസംഖ്യ കുറയുകയുമാണ്. 2020ലെ അംഗത്വ പുനര്നിര്ണയ പ്രകാരം ബംഗാള് സി.പി.എമ്മിന്റെ അംഗസംഖ്യ 1,60,485 ആണ്. കഴിഞ്ഞ വര്ഷത്തെക്കാള് 7,500 അംഗങ്ങള് കുറവ്. യുവാക്കളുടെ അംഗത്വം ആകെ അംഗസംഖ്യയുടെ 7.68 ശതമാനം ആണ്. കഴിഞ്ഞവര്ഷം ഇത് 9.09 ശതമാനം ആയിരുന്നു.
യുവജനങ്ങളുെട വന്തോതിലുള്ള കുറവ് പരിഹരിക്കാന് സംഘടനയുടെ എല്ലാ ഘടകങ്ങളും ബദ്ധശ്രദ്ധരാവണമെന്ന് പാര്ട്ടി കത്തില് ചൂണ്ടിക്കാണിക്കുന്നു. കോവിഡ്, അംഫന് ചുഴലിക്കാറ്റ് തുടങ്ങിയവയുമായി ബന്ധപ്പെട്ട് പാര്ട്ടി നടത്തിയ ദുരിതാശ്വാസ പ്രവര്ത്തനങ്ങളില് അസംഖ്യം യുവജനങ്ങള് സഹകരിച്ചിരുന്നു. എന്നാല്, ഇവരാരും പാര്ട്ടി അംഗത്വമെടുക്കുന്നില്ല. ഇക്കാര്യം നേതാക്കള് അടിയന്തരമായി ശ്രദ്ധിക്കണമെന്ന് കത്തില് പറയുന്നു. യുവാക്കളെ ആകര്ഷിക്കാന് കൂടുതല് പോരാട്ടവീര്യമുള്ള പ്രക്ഷോഭങ്ങള് സംഘടിപ്പിക്കണമെന്നും ഇതില് വീഴ്ച വന്നാല് ബി.ജെ.പി.സാഹചര്യം മുതലെടുക്കുമെന്നും പാര്ട്ടി വിലയിരുത്തുന്നു.
കഴിഞ്ഞ ലോക്സഭാ തെരഞ്ഞെടുപ്പില് സി.പി.എം നടത്തിയത് നിലനില്പ്പിനായുള്ള പോരാട്ടമാണ്. കേരളത്തില് കോണ്ഗ്രസുക്കാര് ബി.ജെ.പിയിലേക്ക് വോട്ട് മറിച്ചുവെന്ന് ആരോപിച്ച സി.പി.എം ബംഗാളില് ബി.ജെ.പിക്കൊപ്പം നിന്നാണ് മത്സരിച്ചത്. അത്രമാത്രം തകര്ന്ന അവസ്ഥയിലായിരുന്നു അവര്. തൃണമൂല് കോണ്ഗ്രസ് അധികാരത്തില് ഇരിക്കുന്ന സംസ്ഥാനത്ത് ബിജെപിയാണ് ഇപ്പോള് പ്രധാന പ്രതിപക്ഷം. സി.പി.എമ്മിലെ കൂടുതല് നേതാക്കളും 2019ലെ തെരഞ്ഞെടുപ്പില് തൃണമൂലിലോ ബി ജെ പിയിലോ ചേരുകയും ചെയ്തു. ഇതോടെ 2014 തിരഞ്ഞെടുപ്പിലുണ്ടായിരുന്ന രണ്ടു സീറ്റും നഷ്ടമായി സംപൂജ്യരായ സി.പി.എം ബംഗാളില് നില്ക്കുകയാണ്. നേതാക്കള് തന്നെ വിട്ടുപോകുമ്പോള് പിന്നെ എന്തു അണികള്. നിലനില്പ്പിനായി അവരും പാര്ട്ടി വിട്ടു. ഇതോടെ ബംഗാളിലെ സി.പി.എം മരണക്കിടക്കയിലാകുയും ചെയ്തു. ഇനി ഒരു ഉണര്ന്ന് എഴുന്നേല്പ്പ് പ്രതീക്ഷിക്കുന്നത് തന്നെ വിദൂര സാധ്യത മാത്രമായി ഒതുങ്ങുകയുമാണ്.
https://www.facebook.com/Malayalivartha