കുഞ്ഞിന്റെ ജീവന് രക്ഷപ്പെടുത്തിയ രണ്ട് ഇന്ത്യക്കാര്ക്ക് സിംഗപ്പുരിന്റെ ആദരം
കുഞ്ഞിന്റെ ജീവന് രക്ഷിച്ച രണ്ട് ഇന്ത്യക്കാര്ക്ക് സിംഗപ്പൂരില് ധീരതയ്ക്കുള്ള പുരസ്കാരം. ഫ്ലാറ്റിന്റെ മൂന്നാം നിലയിലെ കൈവരിയില് നിന്ന് താഴേക്കു വീഴാന് പോയ കുട്ടിയെ രണ്ട് ഇന്ത്യക്കാര് ചേര്ന്ന് രക്ഷപ്പെടുത്തുകയായിരുന്നു. എസ് ഷണ്മുഖനാഥന് (35), പി മുത്തുകുമാര് (25) എന്നിവര്ക്കാണ് സിംഗപ്പുരിന്റെ ആദരം ലഭിച്ചത്.
സിംഗപ്പുര് സിവില് ഡിഫന്സ് ഫോഴ്സിലെ ജീവനക്കാരാണ് ഇവര്. ഐപാഡില് കളിച്ച് കൊണ്ടിരിക്കേ കുട്ടിയുടെ കൈയില് നിന്നും ഐപാഡ് താഴേക്ക് വീഴുകയായിരുന്നു. ഐപാഡ് എടുക്കാനുള്ള ശ്രമത്തിനിടെയാണ് കുട്ടി അപകടത്തിലായത്.കുട്ടിയുടെ കഴുത്ത് ജനലിന്റെ അഴിയില് കുടുങ്ങിപ്പോയത് രക്ഷാപ്രവര്ത്തനത്തെ നല്ല പോലെ ബാധിച്ചു.പേടിച്ചരണ്ട കുട്ടിയുടെ നിലവിളി കേട്ടാണ് എസ്സിഡിഎഫ് ജീവനക്കാര് സ്ഥലത്ത് എത്തിയത്.
പുറത്തെ പൈപ്പ് വഴി മുകളിലേക്ക് കയറി കുഞ്ഞിനെ രക്ഷിക്കാന് ഷണ്മുഖനാഥന് ശ്രമിച്ചു. എന്നാല് കമ്പികള്ക്കിടെയില് തല കുടുങ്ങിയ നിലയിലായിരുന്നതിനാല് ഒറ്റയ്ക്കുള്ള ശ്രമം വിഫലമായി. ഇതിനെ തുടര്ന്ന് മുത്തുകുമാറും മുകളിലെത്തി. അല്പ്പസമയത്തിനുള്ളില് ഇരുവരും ചേര്ന്ന് കുഞ്ഞിനെ രക്ഷപ്പെടുത്തി.
വിവരമറിഞ്ഞെത്തിയ മറ്റ് ഉദ്യോഗസ്ഥര് മൂവരെയും ഏണി വഴി താഴെയിറക്കുകയും ചെയ്തു. കുട്ടിക്ക് പരിക്കുകളൊന്നും ഏറ്റിട്ടില്ലെന്നും മുഖത്ത് ചെറിയ പാടുകള് മാത്രമേ സംഭവിച്ചിട്ടുള്ളുവെന്നും ഉദ്യോഗസ്ഥര് അറിയിച്ചു. ഷണ്മുഖനാഥന് നാലു വര്ഷമായും മുത്തുകുമാര് മൂന്ന് വര്ഷമായും സിംഗപ്പൂരില് ജോലി ചെയ്യുകയാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha