ഏഷ്യകപ്പ് ക്രിക്കറ്റ് ടൂര്ണമെന്റില് ഹോങ്കോങ്ങിനെതിരെ ഇന്ത്യ ഇന്ന് ആദ്യ കളിക്കിറങ്ങും
ഇന്ത്യ ഇന്ന് ഏഷ്യ കപ്പ് ക്രിക്കറ്റ് ടൂര്ണമന്റെില് ആദ്യ കളിക്കിറങ്ങും. ഗ്രൂപ് റൗണ്ടിലെ തങ്ങളുടെ ആദ്യ മത്സരത്തില് ഇന്ത്യ ചൊവ്വാഴ്ച കുഞ്ഞന്മാരായ ഹോങ്കോങ്ങിനെയാണ് നേരിടുക. ഏറെ നാളുകള്ക്കുശേഷം ക്രിക്കറ്റ് പ്രേമികള് കാത്തിരിക്കുന്ന ഇന്ത്യപാകിസ്താന് മത്സരം ബുധനാഴ്ചയാണ്. വിശ്രമം നല്കിയ വിരാട് കോഹ്ലിക്കു പകരം നായകക്കുപ്പായമണിയുന്ന രോഹിത് ശര്മക്കും കൂട്ടര്ക്കും അസോസിയേറ്റ് രാജ്യങ്ങളുമായി മികച്ച റെക്കോഡുള്ളതിനാല് തന്നെ ഹോങ്കോങ്ങിനെതിരായ മത്സരം കടുപ്പമേറില്ലെന്നു വേണം കരുതാന്.
ഹോങ്കോങ്ങാവട്ടെ, ആദ്യ കളിയില് പാകിസ്താനോട് തകര്ന്നാണ് വരുന്നത്. അടുത്തടുത്ത ദിവസങ്ങളില് രണ്ടു മത്സരങ്ങള് കളിക്കാനുള്ള ഇന്ത്യക്ക് ടീം കോംബിനേഷന് ഉറപ്പുവരുത്തുകയെന്നതാണ് പ്രധാന വെല്ലുവിളി. മധ്യനിരയുടെ സ്ഥിരതയില്ലായ്മയാണ് ഏറെ നാളായി ഇന്ത്യയെ അലട്ടുന്നത്. അടുത്ത വര്ഷം നടക്കുന്ന ലോകകപ്പിനുമുമ്പ് മധ്യനിര ശക്തിപ്പെടുത്തേണ്ടതുണ്ട്. കോഹ്ലിയുടെ അഭാവത്തില് മൂന്നാം നമ്പറില് ആരിറങ്ങുമെന്നത് നിര്ണായകമാവും. ലോകേഷ് രാഹുല്, മനീഷ് പാണ്ഡെ, കേദാര് ജാദവ്, അമ്പാട്ടി റായുഡു, ദിനേശ് കാര്ത്തിക് എന്നിവരില് ആര്ക്കൊക്കെ അവസരം ലഭിക്കുമെന്ന് പറയാനാവില്ല. ഓപണിങ്ങില് രോഹിത് ശര്മ, ശിഖര് ധവാന്, മധ്യനിരയില് എം.എസ്. ധോണി എന്നിവര് മാത്രമാണ് സ്ഥാനമുറപ്പുള്ളവര്.
ചെറിയ ഇടവേളക്കുശേഷം ജസ്പ്രീത് ബുംറഭുവനേശ്വര് കുമാര്, കുല്ദീപ് യാദവ്യുസ്വേന്ദ്ര ചഹല് ബൗളിങ് ദ്വയങ്ങള് വീണ്ടും ആക്രമണത്തിനെത്തും. പാകിസ്താന്റെ മുന്നില് 116 റണ്സിന് മുട്ടുമടക്കിയ ഹോങ്കോങ് ബാറ്റ്സ്മാന്മാര്ക്ക് ഈ ബൗളര്മാര്ക്കു മുന്നില് എത്രസമയം പിടിച്ചുനില്ക്കാനാകുമെന്നതാണ് കാര്യം. മുമ്പ് ചാമ്പ്യന്സ് ട്രോഫി ഫൈനലില് ഇന്ത്യയെ കീഴടക്കിയ പാകിസ്താനും അപരിചിതരാണ് കൈക്കുഴ സ്പിന്നര്മാരായ കുല്ദീപും ചഹലും. പരിക്കു മാറി തിരിച്ചെത്തുന്ന ഭുവിക്കും മികച്ച പ്രകടനത്തിനാണ് സാധ്യതയുള്ളത്.
https://www.facebook.com/Malayalivartha