അനുഷ്‌കയെ കുറിച്ച് ഗാവസ്‌കറിന്റെ പരാമര്‍ശം വിവാദമാകുന്നു
ഐ.പി.എല്ലില്‍ റോയല്‍ ചലഞ്ചേഴ്സും പഞ്ചാബ് കിങ്സ് ഇലവനും തമ്മിലുള്ള മത്സരത്തിനിന്റെ കമന്ററി പറയുന്നതിനിടെ വിരാട് കോഹ്ലിയുടെ ഭാര്യ അനുഷ്‌ക ശര്‍മയെ ഗാവസ്്കര്‍ പരാമര്‍ശിച്ചിരുന്നു. ഇതെ കുറിച്ച് ക്രിക്കറ്റ് ഇതിഹാസമായ ഗാവസ്‌കറിന്റെ പരാമര്‍ശം നിലവാരം കുറഞ്ഞതാണെന്ന് അനുഷ്‌ക ഇന്‍സ്റ്റാഗ്രാമില്‍ കുറിച്ചിരുന്നു. കോഹ്ലിയെ വിമര്‍ശിക്കാനാണെങ്കില്‍ പല വാക്കുകളും കിട്ടും. അതിന് ഭാര്യയുടെ പേര് ഉപയോഗിക്കുന്നത് ശരിയല്ലെന്നും അനുഷ്‌ക കുറിച്ചു.
സാമൂഹികമാധ്യമങ്ങളില്‍ വിവാദം കത്തിപ്പടരുകയും ഇരു പക്ഷത്തുമായി ആരാധകര്‍ നിലയുറപ്പിക്കുകയും ചെയ്തു. പിന്നാലെ ഗാവസ്‌കര്‍ ഒരു ദേശീയ മാധ്യമത്തില്‍ തന്റെ പ്രതികരണവും നല്‍കി. കമന്ററിക്കിടെ പറഞ്ഞതു വസ്തുതയാണ്. അനുഷ്‌ക ശര്‍മയെ ഒരു വിവാദത്തിലേക്കും വലിച്ചിഴച്ചിട്ടില്ലെന്നും പരാമര്‍ശിച്ചത് വസ്തുതയുടെ ഔചിത്യം മാത്രം ആണെന്നുമുള്ള പ്രതികരണവുമായി സുനില്‍ ഗവാസ്‌കര്‍ രംഗത്ത്.
ലോക്ക്ഡൗണില്‍ തുടര്‍ച്ചയായ പരിശീലനം നടത്താനുള്ള അവസരം കോഹ്ലി അടക്കമുള്ള താരങ്ങള്‍ക്കു ലഭിച്ചില്ല. അനുഷ്‌കയാണ് വിരാടിനു പന്തെറിഞ്ഞു കൊടുത്തത്. ഈ വസ്തുത കമന്ററിക്കിടെ പറയുക മാത്രമാണ് താന്‍ ചെയ്തതെന്നും ഗാവസ്‌കര്‍ വിശദീകരിച്ചു. ഐപിഎല്‍ കമന്ററിയിലും അല്ലാതെയും ഒരിക്കല്‍ പോലും താന്‍ വിരാടിന്റെ പരാജയങ്ങള്‍ക്ക് അനുഷ്‌കയെ കുറ്റപ്പെടുത്തിയിട്ടില്ല.
ക്രിക്കറ്റ് താരങ്ങളുടെ കൂടെ അവരുടെ ഭാര്യമാര്‍ വിദേശ പരമ്പരകളില്‍ ഒന്നിച്ച് പോകുന്നതിനോട് പരസ്യമായി പിന്തുണ പ്രഖ്യാപിച്ച വ്യക്തി കൂടിയാണ് താനെന്ന് സുനില്‍ ഗവാസ്‌കര്‍ പറഞ്ഞു. തന്റെ ക്രിക്കറ്റ് കരിയറില്‍ ഇത് പ്രാവര്‍ത്തികമാക്കിയിട്ടുമുണ്ടെന്ന് അദ്ദേഹം ഓര്‍മ്മിപ്പിക്കുകയും ചെയ്തു.
https://www.facebook.com/Malayalivartha
