കഴിഞ്ഞ ദിവസം ഒന്നാം ട്വന്‍റി20യില്‍ ആസ്​ട്രേലിയയെ വീഴ്​ത്തിയത്​ വെറും ഭാഗ്യത്തിന്‍റെ കടാക്ഷമല്ലെന്ന്​ തെളിയിച്ച്‌​ ബംഗ്ലാദേശിന്​ വിജയത്തുടര്‍ച്ച. ആദ്യം മുസ്​തഫിസുര്‍ റഹ്​മാന്‍ പന്തുകൊണ്ടും പിന്നാലെ ആതിഫ്​ ഹുസൈന്‍ ബാറ്റ്​ കൊണ്ടും മിടുക്ക്​ കാട്ടിയതോടെ രണ്ടാം ട്വന്‍റി20യില്‍ ഓസീസിനെ അഞ്ചു വിക്കറ്റിന്​ തകര്‍ത്ത്​ ബംഗ്ല കടുവകള്‍ അഞ്ച്​ മത്സരങ്ങളടങ്ങിയ പരമ്ബരയില്‍ 2-0ത്തിന്​ മുന്നിലെത്തി.

11.2 ഓവറില്‍ 67ന്​ അഞ്ച്​ എന്ന നിലയില്‍ പരുങ്ങിയ ബംഗ്ലദേശിനെ അഞ്ച്​​ ബൗണ്ടറിയും ഒരു സിക്​സും സഹിതം പുറത്താകാതെ 37 റണ്‍സ്​ നേടിയ ആതിഫാണ്​ വിജയ തീരമണച്ചത്​. ഓസീസ്​ ഉയര്‍ത്തിയ 122 റണ്‍സ്​ വിജയലക്ഷ്യം ആതിഥേയര്‍ 18.4 ഓവറില്‍ മറികടന്നു. വിക്കറ്റ്​ കീപ്പര്‍ നൂറുല്‍ ഹസന്‍ (22*) ആതിഫിന്​ മികച്ച പിന്തുണയേകി.

നേരത്തെ മൂന്ന്​ വിക്കറ്റ്​ വീഴ്​ത്തിയ മുസ്​തഫിസുറിന്‍റെയും രണ്ടു വിക്കറ്റ്​ പിഴുത ഷരീഫുല്‍ ഇസ്​ലാമിന്‍റെയും മികവിലാണ്​ ബംഗ്ലാദേശ്​ ഓസീസിനെ ഏഴിന്​ 121 എന്ന സ്​കോറില്‍ ഒതുക്കിയത്​. ടോസ്​​ നേടി ബാറ്റിങ്​ തെരഞ്ഞെടുത്ത സന്ദര്‍ശകര്‍ക്കായി മിച്ചല്‍ മാര്‍ഷലിന് (45)​ മാത്രമാണ്​ തിളങ്ങാനായത്​. ചൊവ്വാഴ്ച നടന്ന മത്സരത്തില്‍ 23 റണ്‍സിന്​ വിജയിച്ചാണ്​ ബംഗ്ലാദേശ്​ ആസ്​ട്രേലിയക്കെതിരായ ആദ്യ വിജയം കൊണ്ടാടിയത്​. പരമ്ബരയിലെ അടുത്ത മത്സരം വെള്ളിയാഴ്ച നടക്കും.