ഇന്നിങ്​സ്​ തോല്‍വിയുടെ മാനക്കേട്​ രവിചന്ദ്രന്‍ അശ്വിനിറങ്ങി മാറ്റിയെഴുതുമെന്ന ആരാധകരുടെ കണക്കുകൂട്ടല്‍ തെറ്റിച്ച്‌​ അവസാന ഇലവനില്‍ നിന്ന്​ പുറത്തായതില്‍ അരിശവും നിരാശയും പങ്കുവെച്ച്‌​ സമൂഹ മാധ്യമത്തില്‍ പോസ്റ്റിട്ട്​ ശശി തരൂര്‍ എം.പി. ടീം മാനേജ്​മെന്‍റ്​ കളിക്കുമുമ്ബ്​ പുറത്തുവിട്ട അവസാന പട്ടികയില്‍ ഫാസ്റ്റ്​ ബൗളര്‍മാരായ ഉമേഷ്​ യാദവിനെയും ഷാര്‍ദുല്‍ താക്കൂറിനെയും വിളിച്ചപ്പോള്‍ സ്​പിന്നര്‍ അശ്വിന്‍ പുറത്തായി. ആകെ അവശേഷിച്ച സ്​പിന്നറാക​ട്ടെ അത്​ രവീന്ദ്ര ജഡേജയും. കഴിഞ്ഞ കളികളില്‍ കാര്യമായി തിളങ്ങാനാകാതെ പോയ ജഡേജക്ക്​​ പകരക്കാരനായി അശ്വിന്‍ എത്തുമെന്നായിരുന്നു നേരത്തെ വാര്‍ത്തകള്‍. എന്നാല്‍, അവസാന പട്ടികയായപ്പോഴാണ്​ താരം പുറത്തുതന്നെയെന്ന്​ ഉറപ്പായത്​. ഇതില്‍ രോഷമറിയിച്ചാണ്​ തരൂരിന്‍റെ പോസ്റ്റ്​. മികച്ച ഫോമിലായിട്ടും പരമ്ബരയില്‍ ഇതുവരെ അശ്വിന്​ അവസരം ലഭിച്ചിട്ടില്ല.

''ഇംഗ്ലണ്ടിലെ ഏറ്റവും മികച്ച സ്​പിന്‍ സൗഹൃദ മൈതാനത്ത്​ അവര്‍ അശ്വിനെ മാറ്റിനിര്‍ത്തിയത്​ വിശ്വസിക്കാനാകുന്നില്ല. ഈ ടീം അവിശ്വസനീയം. ഏറ്റവും മികച്ച അഞ്ചു ബൗളര്‍മാരെ തെരഞ്ഞെടുക്കൂ. അതില്‍ ഒന്നാമനോ രണ്ടാമനോ ആയി അശ്വിനുണ്ടാകും. ഓവലില്‍ താരത്തെയും ഷമിയെയും ഒഴിവാക്കിയത്​ തോല്‍വി ആഗ്രഹിക്കുന്നതുപോലെയായി' എന്നായിരുന്നു ട്വീറ്റ്​.

ഇതിനു താഴെ പ്രതികരണവുമായി എത്തിയവര്‍ കോഹ്​ലിയെ മാറ്റി ഇന്ത്യയെ രക്ഷിക്കണമെന്നു വരെ ​ട്വീറ്റിട്ടു. എന്നാല്‍, ഇംഗ്ലണ്ടും നാലു ഫാസ്റ്റ്​ ബൗളര്‍മാരെ വെച്ചാണ്​ കളിക്കുന്നതെന്നും അശ്വിനെ വിളിക്കാത്തത്​ വിഷയമാക്കേണ്ടതില്ലെന്ന്​ പ്രതികരിച്ചവരുമുണ്ട്​.