ഓവല്‍ ടെസ്റ്റില്‍ ഇന്ത്യന്‍ ബാറ്റിങ്ങിന്‍റെ ഉയിര്‍ത്തെഴുന്നേല്‍പ്പ്​. നാലാംദിനം ഒടുവില്‍ വിവരം ലഭിക്കു​േമ്ബാള്‍ എട്ടുവിക്കറ്റിന്​ 411 റണ്‍സെന്ന കരുത്തുറ്റ നിലയിലാണ്​ ഇന്ത്യ. ഏകദിന ശൈലിയിലുള്ള അര്‍ധ സെഞ്ച്വറി പിന്നിട്ട് ഒരിക്കല്‍ കൂടി ഞെട്ടിച്ച​ ഷര്‍ദുല്‍ ഠാക്കൂറും (60) പരമ്ബരയില്‍ ആദ്യമായി ഫോമിലെത്തിയ ഋഷഭ്​ പന്തുമാണ്​ (50) ഇന്ത്യ​ന്‍ ഇന്നിങ്​സിന്​ ഇന്ധനം നല്‍കിയത്​. ഇന്ത്യക്ക്​ ഇതിനോടകം 315 റണ്‍സ്​ ലീഡായി. മാന്യമായ ലക്ഷ്യമുയര്‍ത്തി വിജയത്തിലേക്ക്​ പന്തെറിയാനാകും ഇന്ത്യന്‍ ശ്രമം.

മൂന്ന്​ വിക്കറ്റിന്​ 270 റണ്‍സ്​ എന്ന നിലയില്‍ ബാറ്റിങ്​ തുടങ്ങിയ ഇന്ത്യക്ക്​ നാലാം ദിനം ആദ്യം നഷ്​ടമായത്​ രവീന്ദ്ര ജദേജയെയാണ് (17)​. തൊട്ടുപിന്നാലെ അജിന്‍ക്യ രഹാനെ റണ്‍സൊന്നുമെടുക്കാതെ മടങ്ങി. ഇരുവരെയും ​ക്രിസ്​ വോക്​സ്​ വിക്കറ്റിന്​ മുന്നില്‍ കുടുക്കുകയായിരുന്നു. വൈകാതെ വിരാട്​ കോഹ്​ലിയും (44) പുറത്തായത്​ ആശങ്കയായെങ്കിലും ഋഷഭ്​ പന്തും ഷര്‍ദുല്‍ ഠാക്കൂറും ചേര്‍ന്ന്​ ഇന്ത്യയെ എടുത്തുയര്‍ത്തുകയായിരുന്നു.

ആത്മവിശ്വാസത്തോടെ ബാറ്റേന്തിയ ഠാക്കൂറിന്‍റെ ബാറ്റില്‍ നിന്നും ഏഴ്​ ബൗണ്ടറികളും ഒരു സിക്​സും പിറന്നു. പക്വതയോടെ ബാറ്റേന്തിയ പന്ത്​ 106 പന്തില്‍ നിന്നാണ്​ അര്‍ധ സെഞ്ച്വറി പിന്നിട്ടത്​. ഒടുവില്‍ ഷര്‍ദുല്‍ ഠാക്കൂറിനെ ജോ റൂട്ടും പന്തിനെ മുഈന്‍ അലിയും പുറത്താക്കുകയായിരുന്നു.