പ്ലേ ഓഫ്​ സാധ്യതക്ക്​ ജയം നിര്‍ണായകമായ മത്സരത്തില്‍ ഡല്‍ഹി കാപ്പിറ്റല്‍സിന്​ മുന്നില്‍ മുട്ടുമടക്കി മുംബൈ ഇന്ത്യന്‍സ്​​. ബാറ്റിങ്ങില്‍ വീണ്ടും അമ്പേ പാളിയതാണ് ചാമ്ബ്യന്‍മാരായ​ മുംബൈക്ക്​ വിനയായത്​. ആദ്യം ബാറ്റ്​ ചെയ്​ത മുംബൈ ഉയര്‍ത്തിയ 129 റണ്‍സ്​ 19.1 ഓവറില്‍ ഡല്‍ഹി കാപ്പിറ്റല്‍സ്​ മറികടക്കുകയായിരുന്നു. ആദ്യമൊന്ന്​ വിറച്ചെങ്കിലും 33 റണ്‍സെടുത്ത ശ്രേയസ്​ അയ്യറും 20 റണ്‍സെടുത്ത രവിചന്ദ്രന്‍ അശ്വിനും ചേര്‍ന്ന്​ ഡല്‍ഹിയെ വിജയതീരമണയിക്കുകയായിരുന്നു. 77 റണ്‍സിന്​ അഞ്ചുവിക്കറ്റ്​ നഷ്​ടപ്പെട്ട ഡല്‍ഹി ഒരു ഘട്ടത്തില്‍ പരാജയം മണത്തിരുന്നു.

ജയത്തോടെ 18 പോയന്‍റുമായി ഡല്‍ഹി പോയന്‍റ്​ പട്ടികയിലെ രണ്ടാം സഥാനം അരക്കിട്ടുറപ്പിച്ചപ്പോള്‍ തോല്‍വിയോടെ മുംബൈയുടെ ​​േപ്ല ഓഫ്​ പ്രവേശനം കഷ്​ടത്തിലായി. 12 മത്സരങ്ങളില്‍ നിന്നും പത്തുപോയന്‍റുള്ള മുംബൈക്ക്​ ഇനിയുള്ള രണ്ട്​ മത്സരങ്ങളും വിജയിച്ചാലും ​േപ്ല ഓഫ്​ പ്രവേശനം ഉറപ്പില്ല. മറ്റുടീമുകളുടെ പ്രകടനം കൂടി പരിഗണിച്ചാവും ​േപ്ല ഓഫ്​ പ്രവേശനം.

മൂന്നു പേരെ വീതം പുറത്താക്കിയ ആവേശ്​ ഖാനും അക്​സര്‍ പ​േട്ടലുമാണ്​ മുംബൈയുടെ നടുവൊടിച്ചത്​.ടോസ് നഷ്ടപ്പെട്ട് ആദ്യം ബാറ്റ് ചെയ്​ത മുംബൈ ഇന്ത്യന്‍സിന് ഓപ്പണര്‍മാരെ പെ​ട്ടെന്നു തന്നെ നഷ്ടമായിരുന്നു. ഏഴു റണ്‍സെടുത്ത രോഹിത് ശര്‍മയെ ആവേശ് ഖാനും 19 റണ്‍സെടുത്ത ക്വിന്‍റണ്‍ ഡിക്കോക്കിനെ അക്‌സര്‍ പട്ടേലുമാണ്​ മടക്കിയത്​. മികച്ച സ്​കോര്‍ പ്രതീക്ഷിച്ച മുംബൈക്ക്​ തുടക്കം തന്നെ പ്രഹരം ഏല്‍പിക്കാന്‍ ഡല്‍ഹി ബൗളര്‍മാര്‍ക്കായി.

സൂര്യകുമാര്‍ യാദവ്​ പിടിച്ചു നില്‍ക്കാന്‍ ശ്രമിച്ചെങ്കിലും (33) അക്​സര്‍പ​േട്ടല്‍ മുംബൈയുടെ ആ പ്രതീക്ഷയും തകര്‍ത്തു കളഞ്ഞു. പിന്നാലെ സൗരഭ്​ തവാരി(15), കീരണ്‍ പൊള്ളാര്‍ഡ്​(6), ഹാര്‍ദിക്​ പാണ്ഡ്യ(17), നദാന്‍ കോള്‍ട്ടര്‍ നീല്‍(1), ജയന്ത്​ യാദവ്​(11) എന്നവരെല്ലാം പുറത്തായി. ക്രുണാല്‍ പാണ്ഡ്യ(13)യും ബുംറയും(1) പുറത്താകാതെ നിന്നു.