ഇന്ത്യയുടെ വിധി ഇപ്പോള് ന്യൂസിലന്ഡിന്റെ കൈകളിലാണ്....അവര് നാളത്തെ മത്സരത്തില് തോറ്റാല് അതു വലിയ ബഹളങ്ങള്ക്കു കാരണമാകും....ഇന്ത്യ ഫൈനലിലെത്തണമെന്നാണ് തന്റെ ആഗ്രഹമെന്ന് അക്തര്
ട്വന്റി 20 ക്രിക്കറ്റ് ലോകകപ്പില് ഇന്ത്യയുടെ സെമിഫൈനല് പ്രവേശനം ന്യൂസിലന്ഡ്-അഫ്ഗാനിസ്ഥാന് മത്സരത്തെ ആശ്രയിച്ചു നില്ക്കുന്ന സാഹചര്യത്തില് ന്യൂസിലന്ഡ് ടീമിന് മുന്നറിയിപ്പുമായി പാകിസ്താന് മുന് താരം ഷോയ്ബ് അക്തര്. ന്യൂസിലന്ഡ് അഫ്ഗാനിസ്താനോടു തോല്ക്കുകയും അതുവഴി ഇന്ത്യ സെമിഫൈനലില് കടക്കുകയും ചെയ്താല് പാകിസ്താന്കാര് അതു ക്ഷമിക്കില്ലെന്നുഗ വലിയ ബഹളം ഉണ്ടാകുമെന്നും അക്തര് പറഞ്ഞു.
''ഇന്ത്യയുടെ വിധി ഇപ്പോള് ന്യൂസിലന്ഡിന്റെ കൈകളിലാണ്. . അഫ്ഗാനിസ്താനെക്കാള് മികച്ച ടീമാണ് ന്യൂസിലന്ഡ്. അവര് നാളത്തെ മത്സരത്തില് തോറ്റാല് അതു വലിയ ബഹളങ്ങള്ക്കു കാരണമാകും. തോല്വിയേക്കുറിച്ച് ഒട്ടേറെ ചോദ്യങ്ങളുയരും. നിലവിലെ സാഹചര്യത്തില് ന്യൂസിലന്ഡിന്റെ കാര്യത്തില് പാകിസ്താന്കാര് വൈകാരികമായി പ്രതികരിക്കും. ഇക്കാര്യത്തില് വിവാദങ്ങള്ക്കൊന്നും ഞാനില്ല''- അക്തര് പറഞ്ഞു.
അതേസമയം, ഇന്ത്യ ഫൈനലിലെത്തണമെന്നാണ് വ്യക്തിപരമായി തന്റെ ആഗ്രഹമെന്നും അക്തര് കൂട്ടിച്ചേര്ത്തു. ''ഇന്ത്യ ഫൈനലില് എത്തണമെന്നാണ് എന്റെ വ്യക്തിപരമായ ആഗ്രഹം. അവിടെ വച്ച് പാകിസ്താന് വീണ്ടും ഇന്ത്യയെ തോല്പിക്കാനാകുമല്ലോ. അതൊരു നല്ല മത്സരമായിരിക്കും''- അക്തര് പറഞ്ഞു.
ലോകകപ്പിലെ ആദ്യ രണ്ടു മത്സരങ്ങളില് പാക്കിസ്താനോടും ന്യൂസിലന്ഡിനോടും തോറ്റ ഇന്ത്യ അടുത്ത രണ്ടു മത്സരങ്ങളില് അഫ്ഗാനും സ്കോട്ട്ലന്ഡിനുമെതിരേ മികച്ച ജയം നേടി. എന്നാല് സെമി സാധ്യത നിലനില്ക്കണമെങ്കില് നാളെ നടക്കുന്ന മത്സരത്തില് അഫ്ഗാന് ന്യൂസിലന്ഡിനെ തോല്പിച്ചേ മതിയാകൂ എന്ന സ്ഥിതിയിലാണ് ഇന്ത്യ.
https://www.facebook.com/Malayalivartha
