ടി20 ലോകകപ്പ് രണ്ടാം സെമിഫൈനലില്‍ അപകടകാരികളായ പാകിസ്താനെ 5 വിക്കറ്റിന് തകര്‍ത്ത് ഓസ്‌ട്രേലിയ ഫൈനലില്‍.ഫൈനലില്‍ ന്യൂസീലന്‍ഡ് ആണ് ഓസ്‌ട്രേലിയയുടെ എതിരാളികള്‍.ടോസ് നഷ്ടപ്പെട്ട് ആദ്യം ബാറ്റ് ചെയ്ത പാകിസ്ഥാന്‍ നിശ്ചിത ഓവറില്‍ 4 വിക്കറ്റ് നഷ്ടത്തില്‍ 176 റണ്‍സ് നേടിയപ്പോള്‍ ഓസ്‌ട്രേലിയ 1 ഓവറും 5 വിക്കറ്റുകളും ബാക്കിനില്‍ക്കെ ലക്ഷ്യം മറികടന്നു.

നിര്‍ണായകമായ അവസാന ഓവറുകളില്‍ കത്തിക്കയറിയ മാര്‍ക്കസ് സ്റ്റോയ്‌നിസും, മാത്യു വെയ്‌ഡുമാണ് ഓസീസിന് ജയം സമ്മാനിച്ചത്. സ്റ്റോയ്‌നിസ് 31 പന്തില്‍ 40 റണ്‍സ് നേടിയപ്പോള്‍ വെയ്ഡ് 17 പന്തില്‍ 41 റണ്‍സാണ് നേടിയത്. ഓപ്പണര്‍ ഡേവിഡ് വാര്‍ണര്‍ 30 പന്തില്‍ 49 റണ്‍സ് നേടി മികച്ച തുടക്കമാണ് സമ്മാനിച്ചത്.

ബൗളിങ്ങില്‍ പാകിസ്താന് വേണ്ടി 4 ഓവറില്‍ 26 റണ്‍സ് വഴങ്ങി 4 വിക്കറ്റ് വീഴ്ത്തിയ ഷദാബ് ഖാന്റെ പ്രകടനം പാഴായി. ടോസ് നഷ്ടപ്പെട്ട് ആദ്യം ബാറ്റ് ചെയ്ത പാകിസ്താന്‍ നിശ്ചിത ഓവറില്‍ 4 വിക്കറ്റ് നഷ്ടത്തില്‍ 176 റണ്‍സാണ് പടുത്തുയര്‍ത്തിയത്.

52 പന്തില്‍ നിന്ന് നാലു സിക്‌സും മൂന്ന് ഫോറുമടക്കം 67 റണ്‍സെടുത്ത മുഹമ്മദ് റിസ്വാനാണ് പാകിസ്താന്റെ ടോപ് സ്‌കോറര്‍.മുഹമ്മദ് റിസ്വാന്‍, ഫഖര്‍ സമാന്‍, ക്യാപ്റ്റന്‍ ബാബര്‍ അസം എന്നിവരുടെ ഇന്നിങ്‌സുകളാണ് പാകിസ്താനെ മികച്ച സ്‌കോറിലെത്തിച്ചത്.ഫക്കര്‍ സമാന്‍ 32 പന്തില്‍ 3 ഫോറും, 4 സിക്സറുമടക്കം 55 റണ്‍സുമായി പുറത്താകാതെ നിന്നു.ഓപ്പണര്‍മാരായ ബാബര്‍ അസമും മുഹമ്മദ് റിസ്വാനും ചേര്‍ന്ന് മികച്ച തുടക്കമാണ് നല്‍കിയത്.10 ഓവറില്‍ ഇരുവരും ചേര്‍ന്ന് 71 റണ്‍സ് കൂട്ടിച്ചേര്‍ത്തു. ഓസീസിനായി സ്റ്റാര്‍ക്ക് 2 വിക്കറ്റ് വീഴ്ത്തി.