വനിത ക്രിക്കറ്റ് ടെസ്റ്റില് ആസ്ട്രേലിയക്കെതിരെ ചരിത്ര വിജയം സ്വന്തമാക്കി ഇന്ത്യ
വനിത ക്രിക്കറ്റ് ടെസ്റ്റില് ആസ്ട്രേലിയക്കെതിരെ ചരിത്ര വിജയം സ്വന്തമാക്കി ഇന്ത്യ. എട്ടു വിക്കറ്റിനാണ് ഇന്ത്യയുടെ ജയം. 75 റണ്സ് വിജയലക്ഷ്യവുമായി രണ്ടാം ഇന്നിങ്സ് ബാറ്റിങ് തുടങ്ങിയ ഇന്ത്യ 18.4 ഓവറില് രണ്ടുവിക്കറ്റ് നഷ്ടത്തില് ലക്ഷ്യം കാണുകയും ചെയ്തു.
38 റണ്സെടുത്ത സ്മൃതി മന്ദാനയാണ് ടോപ് സ്കോറര്. ഓസീസ് വനിതകള്ക്കെതിരെ ഇന്ത്യയുടെ ആദ്യ ടെസ്റ്റ് വിജയമാണിത്.നാലാം ദിനം അഞ്ചിന് 233 റണ്സെന്ന നിലയില് രണ്ടാം ഇന്നിങ്സ് ബാറ്റിങ് പുനരാരംഭിച്ച ഒസീസിന് 28 റണ്സ് ചേര്ക്കുന്നതിനിടെ മുഴുവന് വിക്കറ്റും നഷ്ടമാവുകയായിരുന്നു.
നാല് വിക്കറ്റ് വീഴ്ത്തിയ സ്നേഹ റാണയും രണ്ടു വിക്കറ്റ് വീതം വീഴ്ത്തിയ രാജേശ്വരി ഗെയ്ക്വാദും ഹര്മന്പ്രീത് കൗറും ചേര്ന്നാണ് ആസ്ട്രേലിയന് ബാറ്റിങ് നിരയെ തകര്ത്തത്.
https://www.facebook.com/Malayalivartha