ഓസ്‌ട്രേലിയക്കെതിരായ ഏകദിന, ട്വന്റി20 ക്രിക്കറ്റ് പരമ്പരയ്ക്കുള്ള ഇന്ത്യന്‍ വനിതാ ടീം പ്രഖ്യാപിച്ചു. ഹര്‍മന്‍പ്രീത് കൗര്‍ ക്യാപ്റ്റനും സ്മൃതി മന്ദാന വൈസ് ക്യാപ്റ്റനുമാണ്. ട്വന്റി 20 ടീമില്‍ മലയാളി റൗണ്ടര്‍ മിന്നുമണിയുണ്ട്.

മുംബൈയില്‍ 28, 30, ജനുവരി രണ്ട് തീയതികളിലാണ് ഏകദിന പരമ്പര. ട്വന്റി20 മത്സരങ്ങള്‍ ജനുവരി 5, 7 , 9 തീയതികളിലാണ്. വയനാട് മാനന്തവാടി സ്വദേശിയായ മിന്നുമണി ബംഗ്ലാദേശ് പരമ്പരയിലാണ് ആദ്യമായി ഇന്ത്യന്‍ ടീമിലെത്തിയത്.


വലംകൈയന്‍ ഓഫ് സ്പിന്നര്‍ മൂന്നു കളിയില്‍ അഞ്ച് വിക്കറ്റെടുത്ത് തിളങ്ങി. ഏഷ്യന്‍ ഗെയിംസ് സ്വര്‍ണം നേടിയ ടീമിലും ഇംഗ്ലണ്ട് പരമ്പരയിലും ഉള്‍പ്പെട്ടു. പക്ഷേ, കളിക്കാന്‍ അവസരം കിട്ടിയില്ല. ഇംഗ്ലണ്ടിനെതിരെ ഇന്ത്യന്‍ എ ടീമിനെ ഇരുപത്തിനാലുകാരിയാണ് നയിച്ചത്.