രഞ്ജി ട്രോഫിയില് ഉത്തര്പ്രദേശിനെതിരായ മത്സരത്തില് ലീഡ് പ്രതീക്ഷിച്ച് മൂന്നാം ദിനം ബാറ്റിങ് തുടങ്ങിയ കേരളത്തിന്റെ ഒന്നാം ഇന്നിങ്സ് 243 റണ്സില് അവസാനിച്ചു
രഞ്ജി ട്രോഫിയില് ഉത്തര്പ്രദേശിനെതിരായ മത്സരത്തില് ലീഡ് പ്രതീക്ഷിച്ച് മൂന്നാം ദിനം ബാറ്റിങ് തുടങ്ങിയ കേരളത്തിന്റെ ഒന്നാം ഇന്നിങ്സ് 243 റണ്സില് അവസാനിച്ചു.
രണ്ടാം ദിനം കളിയവസാനിക്കുമ്പോള് ആറിന് 220 എന്ന നിലയിലായിരുന്നു കേരളം. ലീഡ് പ്രതീക്ഷിച്ച് മൂന്നാം ദിനം ബാറ്റിങ് തുടങ്ങിയ കേരളത്തിന്റെ ഒന്നാം ഇന്നിങ്സ് 243 റണ്സില് അവസാനിച്ചു. കേവലം 23 റണ്സ് കൂട്ടിച്ചേര്ത്തപ്പോള് കേരളത്തിന് ശേഷിക്കുന്ന നാല് വിക്കറ്റും നഷ്ടമായി. നേരത്തെ, ഒന്നാം ഇന്നിങ്സില് ഉത്തര്പ്രദേശ് 302 റണ്സ് നേടിയിരുന്നു.
വിക്കറ്റ് കീപ്പര് ബാറ്റര് വിഷ്ണു വിനോദാണ് ഒന്നാം ഇന്നിങ്സില് കേരളത്തിന്റെ ടോപ്സ്കോറര്. വിഷ്ണു വിനോദ് 74 റണ്സ് നേടി. സച്ചിന് ബേബി (38), ശ്രേയസ് ഗോപാല് (36), ക്യാപ്റ്റന് സഞ്ജു സാംസണ് (35) എന്നിവര് ഭേദപ്പെട്ട പ്രകടനമാണ് കാഴ്ചവെച്ചത്.
ഉത്തര്പ്രദേശിനുവേണ്ടി അങ്കിത് രാജ്പുത് അഞ്ചു വിക്കറ്റം കുല്ദീപ് സിങ് യാദവ് മൂന്ന് വിക്കറ്റും നേടി. യാഷ് ദയാല്, സൗരഭ് കുമാര് എന്നിവര് ഓരോ വിക്കറ്റുംനേടി.
"
https://www.facebook.com/Malayalivartha