ടീമിലിടം നേടി സഞ്ജു.... അഫ്ഗാനിസ്ഥാനെതിരായ ടി20 പരമ്പരയ്ക്കുള്ള ഇന്ത്യന്‍ ടീമിനെ പ്രഖ്യാപിച്ചു.... 16 അംഗ സംഘത്തെയാണ് പ്രഖ്യാപിച്ചത്, രോഹിത് ശര്‍മ, വിരാട് കോഹ്‌ലി എന്നിവര്‍ ഇടവേളയ്ക്ക് ശേഷം ടി20 ടീമില്‍ തിരിച്ചെത്തി
ടീമിലിടം നേടി സഞ്ജു.... അഫ്ഗാനിസ്ഥാനെതിരായ ടി20 പരമ്പരയ്ക്കുള്ള ഇന്ത്യന്‍ ടീമിനെ പ്രഖ്യാപിച്ചു.... 16 അംഗ സംഘത്തെയാണ് പ്രഖ്യാപിച്ചത്, രോഹിത് ശര്‍മ, വിരാട് കോഹ്‌ലി എന്നിവര്‍ ഇടവേളയ്ക്ക് ശേഷം ടി20 ടീമില്‍ തിരിച്ചെത്തി.
മലയാളി താരം സഞ്ജു സാംസണ്‍ ടീമിലിടം പിടിച്ചു. രോഹിത് ശര്‍മ ടീമിനെ നയിക്കും. സഞ്ജുവിനൊപ്പം ജിതേഷ് ശര്‍മയാണ് ടീമിലെ മറ്റൊരു വിക്കറ്റ് കീപ്പര്‍. ടി20 ലോകകപ്പ് നടക്കാനിരിക്കെ ടീമില്‍ സ്ഥാനമുറപ്പിക്കാനുള്ള സുവര്‍ണാവസരമാണ് സഞ്ജുവിന്.
ടീമിലേക്ക് ഇഷാന്‍ കിഷനെ പരിഗണിച്ചില്ല. രവീന്ദ്ര ജഡേജ ടീമില്‍ ഇല്ല. പരിക്കേറ്റ് പുറത്തിരിക്കുന്ന ഹര്‍ദിക് പാണ്ഡ്യ, സൂര്യകുമാര്‍ യാദവ്, കെഎല്‍ രാഹുല്‍, ശ്രേയസ് അയ്യര്‍ എന്നിവരും ടീമില്‍ ഇല്ല. ഇബ്രാഹിം സാദ്രാന്റെ നേതൃത്വത്തിലുള്ള അഫ്ഗാന്‍ ടീമിനെ കഴിഞ്ഞ ദിവസം പ്രഖ്യാപിച്ചിരുന്നു. ഈ മാസം 11 മുതലാണ് മൂന്ന് മത്സരങ്ങളടങ്ങിയ പരമ്പര. 14, 17 തീയതികളിലാണ് ശേഷിക്കുന്ന പോരാട്ടം.
ടീം: രോഹിത് ശര്‍മ (ക്യാപ്റ്റന്‍), ശുഭ്മാന്‍ ഗില്‍, യശസ്വി ജയ്‌സ്വാള്‍, വിരാട് കോഹ്‌ലി, തിലക് വര്‍മ, റിങ്കു സിങ്, ജിതേഷ് ശര്‍മ, സഞ്ജു സാംസണ്‍, ശിവം ഡുബെ, വാഷിങ്ടന്‍ സുന്ദര്‍, അക്ഷര്‍ പട്ടേല്‍, രവി ബിഷ്‌ണോയ്, കുല്‍ദീപ് യാദവ്, അര്‍ഷ്ദീപ് സിങ്, അവേശ് ഖാന്‍, മുകേഷ് കുമാര്‍.
https://www.facebook.com/Malayalivartha
