കേരളാ ക്രിക്കറ്റ് ലീഗിലെ ആദ്യ സെഞ്ച്വറി കൊല്ലം സെയ്ലേഴ്സ് ക്യാപ്റ്റന്‍ സച്ചിന്‍ ബേബിക്ക്. സച്ചിന്റെ സെഞ്ച്വറിയുടെ മികവില്‍ കൊച്ചി ബ്ലൂ ടൈഗേഴ്സിനെ കൊല്ലം സെയ്ലേഴ്സ് ഏഴു വിക്കറ്റിന് തോല്‍പ്പിച്ചു.

50 പന്തില്‍ എട്ടു സിക്സറുകളും അഞ്ചു ബൗണ്ടറിയും ഉള്‍പ്പെടെ 105 റണ്‍സാണ് സച്ചിന്‍ ബേബി എടുത്തത്. ആദ്യം ബാറ്റ് ചെയ്ത കൊച്ചി ബ്ലൂ ടൈഗേഴ്‌സ് 158 റണ്‍സ് വിജയലക്ഷ്യമാണ് മുന്നോട്ടുവെച്ചത്.

എന്നാല്‍ മറുപടി ബാറ്റിങ്ങിനിറങ്ങിയ കൊല്ലം സെയ്ലേഴ്സ് 18.4 ഓവറില്‍ ലക്ഷ്യം കണ്ടു. നായകന്‍ സച്ചിന്‍ ബേബി 105 റണ്‍സുമായി പുറത്താകാതെ നിന്നു. സച്ചിനാണ് പ്ലെയര്‍ ഓഫ് ദ മാച്ച്. ആദ്യം ബാറ്റിങ്ങിനിറങ്ങിയ കൊച്ചി ടൈഗേഴ്‌സ് 20 ഓവറില്‍ എട്ടു വിക്കറ്റ് നഷ്ടത്തിലാണ് 158 റണ്‍സ് നേടിയത്.

സിജോമോന്‍ ജോസഫിന്റെ മികച്ച ബാറ്റിങ്ങാണ് കൊച്ചിന്‍ ബ്ലൂ ടൈഗേഴ്‌സിന് ഭേദപ്പെട്ട സ്‌കോര്‍ സമ്മാനിച്ചത്. സിജോമോന്‍ 33 പന്തില്‍നിന്നു മൂന്നു സിക്‌സറും മൂന്നു ബൗണ്ടറിയും ഉള്‍പ്പെടെ 50 റണ്‍സെടുക്കുകയും ചെയ്തു.