പാകിസ്ഥാനെതിരെ മൂന്ന് മത്സരങ്ങളടങ്ങുന്ന ഏകദിന പരമ്പരയില്് ഓസ്ട്രേലിയയുടെ നായകനാകുക പാറ്റ് കമ്മിന്സ്
പാകിസ്ഥാനെതിരെ മൂന്ന് മത്സരങ്ങളടങ്ങുന്ന ഏകദിന പരമ്പരയില് ഓസ്ട്രേലിയയുടെ നായകനാകുക പാറ്റ് കമ്മിന്സ്
പാകിസ്ഥാനെതിരെ മൂന്ന് മത്സരങ്ങളടങ്ങുന്ന ഏകദിന പരമ്പരയില് പാറ്റ് കമ്മിന്സ് ഓസ്ട്രേലിയയുടെ നായകനാകും. മിച്ചല് മാര്ഷ് വ്യക്തിപരമായ കാരണങ്ങളാല് ഇടവേള എടുത്തതും ടീമില് ട്രാവിസ് ഹെഡിന്റെ അസാന്നിധ്യവും ഓസ്ട്രേലിയയക്ക് തിരിച്ചടിയാകും.
മിച്ചല് മാര്ഷും ട്രാവിസ് ഹെഡും പിതൃത്വ അവധിയിലാണ്. ഇരുവര്ക്കും പരമ്പരയിലെ മൂന്ന് മത്സരങ്ങളും നഷ്ടമാകും. മുതുകിലെ ശസ്ത്രക്രിയയുമായി ബന്ധപ്പെട്ട് യുവ ഓള്റൗണ്ടര് കാമറൂണ് ഗ്രീനും ടീമിലില്ല. ഇംഗ്ലണ്ടിനെതിരെ ശക്തമായ പ്രകടനം നടത്തിയ അലക്സ് കാരിയും ടീമിലില്ല.
അതേസമയം 2023 ലോകകപ്പിന് ശേഷം ഏകദിന മത്സരങ്ങളില് ഓസ്ട്രേലിയക്കായി കളിക്കാത്ത പരിചയസമ്പന്നനായ ഓള്റൗണ്ടര് മാര്ക്കസ് സ്റ്റോയിനിസിന്റെ തിരിച്ചുവരവിലാണ് ടിമിന്റെ പ്രതീക്ഷ. പരമ്പരയിലെ ഏക വിക്കറ്റ് കീപ്പറായി ജോഷ് ഇംഗ്ലിസ് ടീമിലുണ്ട്. മൂന്ന് മത്സരങ്ങളടങ്ങിയ പരമ്പരയ്ക്ക് നവംബര് 4ന് മെല്ബണ് ക്രിക്കറ്റ് ഗ്രൗണ്ടിലാണ് തുടക്കമാകുന്നത്. അവസാന മത്സരം നവംബര് 10ന് ഒപ്റ്റസ് സ്റ്റേഡിയത്തിലാണ് .
"
https://www.facebook.com/Malayalivartha
