സച്ചിന് കഴിയാത്ത റെക്കോര്ഡ് നേട്ടവുമായി ലോകേഷ് രാഹുല്, ആദ്യ ഏകദിനത്തില് സിംബാബ് വേയ്ക്കെതിരെ ഇന്ത്യക്ക് അനായാസ ജയം
കന്നി ഏകദിനത്തില് സെഞ്ചുറിയടിക്കുന്ന ആദ്യ ഇന്ത്യക്കാരനെന്ന റെക്കോര്ഡ് നേടി ലോകേഷ് രാഹുല് സിംബാബ്വേയ്ക്കെതിരായ ഏകദിന ക്രിക്കറ്റ് പരമ്പരയില് ഇന്ത്യയെ വിജയത്തിലെത്തിച്ചു. അന്താരാഷ്ട്ര മത്സരങ്ങളില് ആദ്യ മത്സരത്തില് തന്നെ സെഞ്ചുറി എന്ന അപൂര്വ്വ നേട്ടവുമായി ലോകേഷ് രാഹുല് ഇന്ത്യന് വിജയത്തിനു മാറ്റു കൂട്ടി. പുതുമുഖമായ ലോകേഷ് രാഹുലിന്റെ ബാറ്റില് നിന്ന് ലോംഗ് ഓണിലൂടെ പടുകൂറ്റന് സിക്സര് പറത്തിയാണ് രാഹുല് ചരിത്രനേട്ടം സ്വന്തമാക്കിയത്.ക്രിക്കറ്റിന്റെ ദൈവം സച്ചിന് പോലും നേടാന് കഴിയാത്ത സ്വപ്നതുല്ല്യമായ റെക്കോര്ഡിനു ഉടമയായ ലോകേഷ് രാഹുല് തന്നെയാണ് കളിയിലെ കേമന്.
ഓപ്പണിങ് ബാറ്റ്സ്മാന് ലോകേഷ് രാഹുലിന്റെ കന്നി സെഞ്ചുറിയും പേസര് ജസ്പ്രീത് ബുംറയുടെ മാസമ്രിക ബൗളിങ്ങുമാണ് ഇന്ത്യക്ക് അനായാസ ജയം നേടിക്കൊടുത്തത്.പ്രമുഖര്ക്കു വിശ്രമം നല്കിയതിനാല് ലെഗ് സ്പിന്നര് യുത്സവേന്ദ്ര ചാഹാല്, കര്ണാടക മലയാളി കരുണ് നായര്, ലോകേഷ് രാഹുല് എന്നിവര് കന്നി മത്സരത്തിനിറങ്ങി.
സിംബാബ്വേക്കെതിരെ നടന്ന ആദ്യ ഏകദിന മത്സരത്തില് രാഹുലിന്റെ ബാറ്റില് നിന്നും പിറന്ന സെഞ്ച്വറിക്ക് ഏഴ് ഫോറുകളുടേയും ഒരു സിക്സറിന്റേ പിന്ബലമുണ്ടായിരുന്നു. അരങ്ങേറ്റ മല്സരത്തില് ഏറ്റവും കൂടുതല് റണ്സ് നേടുന്ന താരമെന്ന ബഹുമതിയും ലോകേഷിനാണ്. അരങ്ങേറ്റ മത്സരത്തില് ഒരിന്ത്യക്കാരന്റെ ഏറ്റവും ഉയര്ന്ന സ്കോര് കര്ണാടകക്കാരന് തന്നെയായ റോബിന് ഉത്തപ്പയുടെ പേരിലായിരുന്നു. 2006ല് ഇംഗ്ലണ്ടിനെതിരെ നേടിയ 86 റണ്സ് ആയിരുന്നു ഇത് വരെയുള്ള ഏറ്റവും ഉയര്ന്ന സ്കോര്.
ടോസ് നേടിയ ഇന്ത്യന് നായകന് എം.എസ്. ധോണി സിംബാബ്വേയെ ബാറ്റിങ്ങിനു വിടുകയായിരുന്നു. 28 റണ് വഴങ്ങി നാലു വിക്കറ്റെടുത്ത ജസ്പ്രീത് ബുംറയുടെ മാസ്മരിക ബൗളിങ്ങില് വീണ സിംബാബ്വേ 49.5 ഓവറില് 173 റണ്ണിന് ഓള്ഔട്ടായി. മറുപടി ബാറ്റ് ചെയ്ത ഇന്ത്യക്ക് ഏഴ് റണ്ണെടുത്ത കരുണ് നായരെ ആദ്യമേ നഷ്ടമായി. പിന്നീടു വന്ന അമ്പാട്ടി റായിടുവിനെ കൂട്ട് പിടിച്ച് ലോകേഷ് ഇന്ത്യയെ വിജയത്തിലെത്തിക്കുകയായിരുന്നു. 115 പന്തില് ഒരു സിക്സറും ഏഴ് ഫോറുമടക്കമാണ് രാഹുല് കന്നി മത്സരത്തില് തന്നെ കന്നി സെഞ്ചുറിയടിച്ചത്. ജയിക്കാന് മൂന്ന് റണ് വേണമെന്നിരിക്കേ ഹാമില്ട്ടണ് മസകാഡ്സയുടെ പന്ത് സിക്സറിനു പറത്തിയാണ് രാഹുല് ഇന്ത്യയെ വിജയത്തിലെത്തിച്ചത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
