75ാമത് സന്തോഷ് ട്രോഫി ഫുട്ബോളിന് ശനിയാഴ്ച മലപ്പുറത്ത് തുടക്കം. മഞ്ചേരി പയ്യനാട്, മലപ്പുറം കോട്ടപ്പടി സ്റ്റേഡിയങ്ങളിലാണ് മത്സരങ്ങള്‍. കേരളത്തിന്റെ കളികളും സെമിഫൈനല്‍, ഫൈനല്‍ പോരാട്ടങ്ങളും പയ്യനാട് സ്റ്റേഡിയത്തിലാണ്.

ശനിയാഴ്ച ആദ്യമത്സരത്തില്‍ രാവിലെ 9.30-ന് പശ്ചിമബംഗാള്‍ പഞ്ചാബിനെയും രണ്ടാം മത്സരത്തില്‍ രാത്രി എട്ടിന് ആതിഥേയരായ കേരളം രാജസ്ഥാനെയും നേരിടും.

ടൂര്‍ണമെന്റില്‍ ആറുവട്ടം ജേതാക്കളായ കേരളം എ ഗ്രൂപ്പില്‍ പശ്ചിമബംഗാള്‍, പഞ്ചാബ്, മേഘാലയ, രാജസ്ഥാന്‍ എന്നീ ടീമുകള്‍ക്കെതിരേ മത്സരിക്കും. നിലവിലെ ചാമ്പ്യന്മാരായ സര്‍വീസസ്, കര്‍ണാടക, മണിപ്പുര്‍, ഒഡിഷ, ഗുജറാത്ത് എന്നീ ടീമുകളാണ് ബി ഗ്രൂപ്പില്‍. ഫൈനല്‍ മേയ് രണ്ടിന്.


അതേസമയം കേരള ഇരുപതംഗ ടീമിനെ മിഡ്ഫീല്‍ഡറായ കെഎസ്ഇബി താരം ജിജോ ജോസഫ് നയിക്കും. 15 പുതുമുഖങ്ങളാണ് ടീമില്‍ ഇടം നേടിയിരിക്കുന്നത്.



മിഥുന്‍ വി, ഹജ്മല്‍ എസ് എന്നിവരാണ് ഗോള്‍കീപ്പര്‍മാര്‍. ടീമിലെ 5 കളിക്കാര്‍ 21 വയസില്‍ താഴെയുള്ളവരാണ്. ബിനോ ജോര്‍ജ്ജാണ് കേരള ടീമിന്റെ മുഖ്യ പരിശീലകന്‍. ഏപ്രില്‍ 16 മുതല്‍ മെയ് 2 വരെയാണ് ടൂര്‍ണമെന്റ്.

2014ല്‍ ആണ് അവസാനമായി സന്തോഷ് ട്രോഫിക്ക് കേരളം ആതിഥേയത്വം വഹിച്ചത്. അന്ന് ഫൈനലില്‍ ഷൂട്ടൗട്ടില്‍ സര്‍വ്വീസസിനോടാണ് കേരളം അടിയറവ് പറഞ്ഞത്. ഇത്തവണ കേരളത്തിന്റെ ആദ്യ മത്സരം ഏപ്രില്‍ 16ന് രാജസ്ഥാനോടാണ്.

രണ്ട് ഗ്രൂപ്പുകളായി തിരിച്ചാണ് ഇത്തവണ മത്സരങ്ങള്‍ നടക്കുക. ഒരു ഗ്രൂപ്പില്‍ അഞ്ച് ടീമുകള്‍ ഉണ്ടായിരിക്കും. ഒരു ടീമിന് നാല് മത്സരങ്ങളായിരിക്കും ഉണ്ടാവുക. ആദ്യ രണ്ട് സ്ഥാനക്കാര്‍ സെമി ഫൈനലിലേക്ക് നേരിട്ട് യോഗ്യത നേടും.

ഗ്രൂപ്പ് എ: മേഘാലയ, പഞ്ചാബ്, പശ്ചിമ ബംഗാള്‍, രാജസ്ഥാന്‍, കേരളം.
ഗ്രൂപ്പ് ബി: ഗുജറാത്ത്, കര്‍ണാടക, ഒഡീഷ, സര്‍വീസസ്, മണിപൂര്‍.

ഗ്രൂപ്പ് എ മത്സരക്രമം; (തിയതി, മത്സരം, സമയം, സ്റ്റേഡിയം എന്നീ ക്രമത്തില്‍)
ഏപ്രില്‍ 16: പശ്ചിമ ബംഗാള്‍-പഞ്ചാബ്, രാവിലെ 9.30, കോട്ടപ്പടി ഫുട്‌ബോള്‍ സ്റ്റേഡിയം.എപ്രില്‍ 16: കേരളം-രാജസ്ഥാന്‍, രാത്രി എട്ട്, മഞ്ചേരി പയ്യനാട് ഫുട്‌ബോള്‍ സ്റ്റേഡിയം.എപ്രില്‍ 18: രാജസ്ഥാന്‍-മേഘാലയ, വൈകിട്ട് നാല്, കോട്ടപ്പടി ഫുട്‌ബോള്‍ സ്റ്റേഡിയം.എപ്രില്‍ 18: കേരളം-പശ്ചമ ബംഗാള്‍, രാത്രി എട്ട്, മഞ്ചേരി പയ്യനാട് ഫുട്‌ബോള്‍ സ്റ്റേഡിയം.ഏപ്രില്‍ 20: പഞ്ചാബ്-രാജസ്ഥാന്‍, വൈകിട്ട് നാല്, കോട്ടപ്പടി ഫുട്‌ബോള്‍ സ്റ്റേഡിയം.ഏപ്രില്‍ 20: കേരളം-മേഘാലയ, രാത്രി എട്ട്, മഞ്ചേരി പയ്യനാട് ഫുട്‌ബോള്‍ സ്റ്റേഡിയം.ഏപ്രില്‍ 22: പശ്ചിമ ബംഗാള്‍-മേഘാലയ, വൈകിട്ട് നാല്, കോട്ടപ്പടി ഫുട്‌ബോള്‍ സ്റ്റേഡിയം.ഏപ്രില്‍ 22: കേരളം-പഞ്ചാബ്, രാത്രി എട്ട്, മഞ്ചേരി പയ്യനാട് ഫുട്‌ബോള്‍ സ്റ്റേഡിയം.ഏപ്രില്‍ 24: രാജസ്ഥാന്‍-പശ്ചിമ ബംഗാള്‍, വൈകിട്ട് നാല്, കോട്ടപ്പടി ഫുട്‌ബോള്‍ സ്റ്റേഡിയം.ഏപ്രില്‍ 24: മേഘാലയ-പഞ്ചാബ്, രാത്രി എട്ട്, മഞ്ചേരി പയ്യനാട് ഫുട്‌ബോള്‍ സ്റ്റേഡിയം.

ഏപ്രില്‍ 17: ഒഡിഷ-കര്‍ണാടക, രാവിലെ 9.30, കോട്ടപ്പടി ഫുട്‌ബോള്‍ സ്റ്റേഡിയം.എപ്രില്‍ 17: മണിപൂര്‍-സര്‍വീസസ്, രാത്രി എട്ട്, മഞ്ചേരി പയ്യനാട് ഫുട്‌ബോള്‍ സ്റ്റേഡിയം.എപ്രില്‍ 19: രാജസ്ഥാന്‍-മേഘാലയ, വൈകിട്ട് നാല്, കോട്ടപ്പടി ഫുട്‌ബോള്‍ സ്റ്റേഡിയം.എപ്രില്‍ 19: മണിപൂര്‍-ഒഡീഷ, രാത്രി എട്ട്, മഞ്ചേരി പയ്യനാട് ഫുട്‌ബോള്‍ സ്റ്റേഡിയം.ഏപ്രില്‍ 21: ഗുജറാത്ത്-മണിപൂര്‍, വൈകിട്ട് നാല്, കോട്ടപ്പടി ഫുട്‌ബോള്‍ സ്റ്റേഡിയം.ഏപ്രില്‍ 21: കര്‍ണാടക-സര്‍വീസസ്, രാത്രി എട്ട്, മഞ്ചേരി പയ്യനാട് ഫുട്‌ബോള്‍ സ്റ്റേഡിയം.ഏപ്രില്‍ 23: കര്‍ണാടക-മണിപൂര്‍, വൈകിട്ട് നാല്, കോട്ടപ്പടി ഫുട്‌ബോള്‍ സ്റ്റേഡിയം.ഏപ്രില്‍ 23: ഒഡീഷ-ഗുജറാത്ത്, രാത്രി എട്ട്, മഞ്ചേരി പയ്യനാട് ഫുട്‌ബോള്‍ സ്റ്റേഡിയം.ഏപ്രില്‍ 25: സര്‍വീസസ്-ഒഡീഷ, വൈകിട്ട് നാല്, കോട്ടപ്പടി ഫുട്‌ബോള്‍ സ്റ്റേഡിയം.ഏപ്രില്‍ 25: ഗുജറാത്ത്-കര്‍ണാടക, രാത്രി എട്ട്, മഞ്ചേരി പയ്യനാട് ഫുട്‌ബോള്‍ സ്റ്റേഡിയം.

സെമി ഫൈനല്‍;
ഏപ്രില്‍ 28: ഗ്രൂപ്പ് എ ജേതാക്കള്‍-ഗ്രൂപ്പ് ബി റണ്ണേഴ്സ് അപ്പ്, രാത്രി എട്ട്, മഞ്ചേരി പയ്യനാട് ഫുട്‌ബോള്‍ സ്റ്റേഡിയം.ഏപ്രില്‍ 29: ഗ്രൂപ്പ് ബി ജേതാക്കള്‍-ഗ്രൂപ്പ് എ റണ്ണേഴ്സ് അപ്പ്, രാത്രി എട്ട്, മഞ്ചേരി പയ്യനാട് ഫുട്‌ബോള്‍ സ്റ്റേഡിയം.

ഫൈനല്‍

മേയ് രണ്ട്, രാത്രി എട്ട്, മഞ്ചേരി പയ്യനാട് ഫുട്‌ബോള്‍ സ്റ്റേഡിയത്തില്‍ .