15ാമത് സന്തോഷ് ട്രോഫി... കേരളം ഫൈനലില്; മണിപ്പൂരോ ബംഗാളോ ആയിരിക്കും ഫൈനലില് കേരളത്തിന്റെ എതിരാളികള്
സന്തോഷ് ട്രോഫിയില് കേരളം ഫൈനലില് എത്തി. കേരളത്തിന്റെ 15ാമത് സന്തോഷ് ട്രോഫി ഫൈനല് ആണിത്.മൂന്നിനെതിരെ എഴ് ഗോളുകള്ക്കാണ് കര്ണാടകയെ കേരളം തകര്ത്തത്. കേരളത്തിനായി ജെസിന് 5 ഗോളുകളും അര്ജുനും ഷെഗിലും ഓരോ ഗോള് വീതം നേടി.
30ാം മിനിറ്റില് പകരക്കാരനായി ഇറങ്ങിയ ജെസിന്റെ ഹാട്രിക് പ്രകടനമാണ് കേരളത്തെ കളിയിലേക്ക് തിരിച്ചുകൊണ്ടുവന്നത്. 24ാം മിനിറ്റില് ഒരു ഗോളിന് പുറകിലായ ശേഷമാണ് കേരളം കളിയിലേക്ക് മടങ്ങിയെത്തിയത്. വെള്ളിയാഴ്ച നടക്കുന്ന ബംഗാള് മണിപ്പുര് സെമി ഫൈനല് വിജയികളെ തിങ്കളാഴ്ച നടക്കുന്ന ഫൈനലില് കേരളം നേരിടും.
മത്സരത്തില് കേരളം ആണ് മികച്ച രീതിയില് തുടങ്ങിയത്. കേരളത്തിന്റെ അറ്റാക്കുകളാലും സെറ്റ് പീസുകളാലും കര്ണാടക പെനാല്ട്ടി ബോക്സ് തിരക്കിലായെങ്കിലും ഗോള് ഒന്നും പിറന്നില്ല. എന്നാല് കേരളത്തിന്റെ ആധിപത്യം നടക്കുന്നതിന് ഇടയില് മൊത്തം സ്റ്റേഡിയത്തെ നിശബ്ദമാക്കി കൊണ്ട് കര്ണാകട 25ആം മിനുട്ടില് ആദ്യ ഗോള് നേടി. സൊലൈമലിയുടെ ഇടത് വിങ്ങിലൂടെയുള്ള കുതിപ്പിന് ശേഷം നല്കിയ ക്രോസ് ബാക്ക് പോസ്റ്റില് ഓടിയെത്തിയ സുധീര് ലക്ഷ്യത്തില് എത്തിച്ചു.
ഈ ഗോള് പിറന്നതിന് പിന്നാലെ ബിനോ ജോര്ജ്ജ്, ജെസിനെ കളത്തില് എത്തിച്ചു. ബിനോയുടെ തീരുമാനം തെറ്റിയില്ല. 35ആം മിനുട്ടില് ജെസിന്റെ ഫിനിഷ്. ഗോള് ലൈന് വിട്ട് വന്ന കെവിനു മുകളിലൂടെ ചിപ്പ് ചെയ്തായിരുന്നു ജെസിന് വല കുലുക്കിയത്.
42ആം മിനുട്ടില് ജെസിന് തന്നെ കേരളത്തിന്റെ രണ്ടാം ഗോളും നേടി. ഇത്തവണയും ഫിനിഷിങ് ടച്ച് അത്ഭുതപ്പെടുത്തുന്നതായിരുന്നു. കേരളം 21ന് മുന്നില്. അവിടെയും തീര്ന്നില്ല 45ആം മിനുട്ടില് താരം ഹാട്രിക്കും തികച്ചു. ബിനോയുടെ അത്ഭുത നീക്കം. ജെസിന്റെ അത്ഭുത പ്രകടനം. പിന്നാലെ ഷിഗിലും കൂടെ ഗോള് നേടിയതോടെ കേരളം ആദ്യ പകുതിയില് തന്നെ 41ന് മുന്നിലെത്തി.
രണ്ടാം പകുതിയുടെ തുടക്കത്തില് കമലേഷിന്റെ ഒരു ലോങ് റേഞ്ചര് കര്ണാടകയ്ക്ക് രണ്ടാം ഗോള് നല്കിയെങ്കിലും പിന്നാലെ ജെസിന് വിളയാട്ട് തുടര്ന്നു. 56ആം മിനുട്ടില് മൈതാനമധ്യത്ത് നിന്ന് തുടങ്ങിയ കുതിപ്പ് തന്റെ നാലാം ഗോളിലാണ് ജെസി അവസാനിപ്പിച്ചത്.
https://www.facebook.com/Malayalivartha