അര്‍ജ്ജിന്റീനയ്ക്ക് പുതിയ മെസി...! പേര് അലക്‌സാണ്ടര്‍ ഗാര്‍നാച്ചോ, പുതിയ മെസിയെ കിട്ടിയ സന്തോഷത്തിൽ അര്‍ജ്ജന്റീനയിലെ ഫുട്ബോള് ആരാധകര്‍ ഇളകി മറിയുന്നു, അര്‍ജ്ജന്റീനയിലെ മാധ്യമങ്ങളില്‍ ഇപ്പോള്‍ മെസിയല്ല ഗാര്‍നാച്ചോയാണ് താരം...!!
പുതിയ മെസിയെ കിട്ടിയ സന്തോഷത്തിലാണ് അര്‍ജ്ജന്റീനയിലെ ഫുട്ബോള് ആരാധകര്‍. മെസി കളം വിടുന്നതോടെ ഒരു മികച്ച മുന്നേറ്റ നിരക്കാരന്റെ അഭാവം അര്‍ജ്ജന്റീനയെ ഉലയ്ക്കും. അവിടേയ്ക്കാണ് പുതിയ മെസി വരുന്നത്. പേര് അലക്‌സാണ്ടര്‍ ഗാര്‍നാച്ചോ. 2004- ജൂലൈ ഒന്നിന് ജനിച്ച ഗാര്‍നാച്ചോയ്ക്ക് പ്രായം കഷ്ടിച്ച് പതിനേഴു മാത്രം.
എങ്കിലും ഖത്തര്‍ ലോകകപ്പിനുള്ള പരിശീലന ക്വ്യാമ്പിലേക്ക് കോച്ച് ലയണല്‍ സ്‌കലോനി ഈ സ്‌കൂള്‍ വിദ്യാര്‍ഥിയെ വിളിച്ചിട്ടുണ്ട്. ഇപ്പോള്‍ അര്‍ജ്ജന്റീനയിലെ മാധ്യമങ്ങളില്‍ മെസിയല്ല ഗാര്‍നാച്ചോയാണ് താരം. കുട്ടിയുടെ കഴിവുകള്‍ വാഴ്ത്താന്‍ ഒരു മാതിരിയുള്ള വശേഷണ പദങ്ങളെല്ലാം അവര്‍ ഉപയോഗിച്ചു കഴിഞ്ഞു.
മെസിയുടെ കാര്‍ബണ്‍കോപ്പി എന്നാണ് ഒരു വിശേഷണം. സാക്ഷാല്‍ മെസിയും അവനെ വാഴ്ത്താന്‍ വാക്കുകള്‍ക്ക് പാടുപെടുകയാണ്. പതിനേഴുവയസില്‍ തന്നെ ഒരു സമ്പൂര്‍ണ ഫുട്‌ബോളര്‍ക്കു വിശേഷിച്ച് മുന്നേറ്റ നിരക്കാരന് വേണ്ടെതല്ലാം ഗാര്‍നാച്ചോവില്‍ തികഞ്ഞിരിക്കുന്നു എന്നാണ് മെസിയുടെ വിലയിരുത്തല്‍. ഇനി അര്‍ജ്ജന്റീനയ്ക്ക് തിരിഞ്ഞു നോക്കേണ്ടി വരില്ലെന്നും മെസി പറയുന്നു.
ഇപ്പോള്‍ മാഞ്ചസ്റ്റര്‍ യുണൈറ്റഡിന്റെ സീനിയര്‍ ടീമില്‍ അംഗമാണ് ഗാര്‍നാച്ചോ. പ്രീമിയര്‍ ലീഗില്‍ നോര്‍വിച്ച് സിറ്റി, ലിവര്‍പൂള്‍, അഴ്‌സണ്‍ എന്നിവര്‍ക്കതിരെ യുണൈറ്റഡ് കളിക്കുമ്പോള്‍ പകരക്കാരുടെ ബഞ്ചില്‍ ഗാര്‍നാച്ചോ ഉണ്ടായിരുന്നു. ചെല്‍സിക്കെതിരെയുള്ള മല്‍സരത്തിന്റെ തൊണ്ണൂറ്റി ഒന്നാം മിനിറ്റില്‍ ആദ്യമല്‍സരം കളിക്കാനുള്ള അവസരവും ലഭിച്ചു.
കളിക്കാന്‍ മൂന്നു മിനിറ്റേ കിട്ടിയുള്ളു എങ്കിലും ചുടുല നീക്കങ്ങള്‍ കൊണ്ട് ചെല്‍സി പ്രതിരോധത്തെ ഉലച്ച ഗാര്‍നാച്ചോ തന്റെ ക്ലാസ് എന്താണെന്ന് ആരാധകരേയും ഫുട്ബോള് നിരൂപകന്മാരേയും ബോധ്യപ്പെടുത്തി. അടുത്ത സീസണില്‍ ഇതിഹാസ താരം റൊണ്‍ഡോയ്‌ക്കൊപ്പം കളിക്കാനാകുമെന്ന പ്രതീക്ഷയിലാണ് ഗാര്‍നാച്ചോ.
ലോകപ്പ് ടീമില്‍ ഇടം കിട്ടിയാല്‍ മെസിയോടൊപ്പവും കളിക്കാനാകും. ഇക്കഴിഞ്ഞ എഫ്. എ യൂത്ത് കപ്പില്‍ എവര്‍ട്ടനെതിരെ ഗാര്‍നാച്ചോ നേടിയ അത്ഭുത ഗോള്‍ ഫുട്ബോള് ലോകത്തെ വസ്മയിപ്പിച്ചിരുന്നു. ആ മാസത്തിലെ മാഞ്ചസ്റ്ററിന്റെ മികച്ച ഗോളായി അത് തെരഞ്ഞെടുക്കുകയും. ചെയ്തു. സ്‌പെയിനിലാണ് ഗാര്‍നാച്ചോ ജനിച്ചതും വളര്‍ന്നതും. അമ്മയുടെ നാടാണ് അര്‍ജ്ജന്റീന.
സ്‌പെയിനിന്റെ ദേശീയ യൂത്ത് ടീമിലും അംഗമായിരുന്നു. അത്‌ലറ്റിക്കോ മാഡ്രിഡിന്റെ യൂത്ത് ടീമില്‍ നിന്നാണ് മാഞ്ചസ്റ്റര്‍ യുണൈറ്റഡില്‍ എത്തുന്നത്. അഞ്ചുലക്ഷം യൂറോയായിരുന്നു പ്രതിഫലം. അമ്മയുടെ നാടിനു വേണ്ടി കളിക്കാനാണ് താന്‍ ആഗ്രഹിക്കുന്നതെന്ന് ഗാര്‍നാച്ചോ പറയുന്നു.
ദേശീയ ടീമില്‍ ഇടം കിട്ടിയാല്‍. ഇതിഹാസതാരങ്ങളായ മറഡോണയ്ക്കും മെസിക്കും കിട്ടാത്ത ഭാഗ്യമായിരിക്കും ഗാര്‍നച്ചോവിന് കിട്ടുക. മറഡോണ 1982-ല്‍ ഇരുപത്തിരണ്ടാം വയസിലാണ് ആദ്യ ലോകകപ്പു കളിക്കുന്നത്. മെസി 2005-ല്‍ പത്തൊമ്പതാം വയസിലിും. മുന്നേറ്റനിരയിലെ മികച്ച വാഗ്ദ്ധാനമായിക്കരുതുന്ന ഗാര്‍നച്ചോവൈന്ന ഭാവി മെസിയുടെ ലോകകപ്പ് അരങ്ങേറ്റം കാണാന്‍ ആവേശത്തോടെ കാത്തിരിക്കുകയാണ് അര്‍ജ്ജന്റീനയിലെ ആരാധകര്‍. നമുക്കും കാത്തിരിക്കാം.
https://www.facebook.com/Malayalivartha
