തന്റെ ഇപ്പോഴത്തെ ക്ലബ്ബായ പി.എസ്.ജി.യില്‍ തുടരാനുള്ള എംബാപ്പയുടെ തീരുമാനം റയലിനെ മാത്രമല്ല യൂറോപ്പിനെ തന്നെ ചുറ്റിക്കുകയാണ്. റയലുമായി കരാറിന്റെ വക്കിലെത്തിയ ശേഷമാണ് എംബാപ്പേ തീരുമാനം മാറ്റിയത്. ഇതുവരെ യൂറോപ്പില്‍ കേട്ടുകേഴ് വി പോലുമില്ലാത്ത വമ്പന്‍ പ്രതിഫലമാണ് എംബാപ്പയെ പിടിച്ചു നിര്‍ത്താന്‍ പി.എസ്.ജി വാഗ്ദാനം ചെയ്തിരിക്കുന്നത്.

തുക എത്രയെന്ന കാര്യം ഇപ്പോഴും രഹസ്യമാണ്. എംബാപ്പയെ അവസാന നിമിഷം കൈവിട്ടുപോയ റയലും സ്പാനിഷ് ലീഗ് അധികൃതരും പി.എസ്.ജി യ്ക്ക് എതിരെ രംഗത്ത് വന്നിരിക്കുകയാണ്. പി.എസ്.ജി യുടെ നീക്കം യൂറോപ്യന്‍ ഫുട്‌ബോളിന്റെ സാമ്പത്തിക സന്തുലിതാവസ്ഥ തകര്‍ക്കുമെന്നാണ് അവരുടെ പരാതി. ഇക്കാര്യം ചൂണ്ടിക്കാട്ടി യുവേഫയ്ക്ക് പരാതി നല്‍കാനും ഒരുങ്ങുകയാണവര്‍. പി.എസ്.ജി യുടേത് നെറികെട്ട നീക്കമായിപ്പോയെന്നും റയലിന് ആക്ഷേപമുണ്ട്.    

          ഈ സിസണോടെ പി.എസ്.ജി യില്‍ കരാര്‍ അവസാനിക്കുന്നതിനാല്‍ ക്ലബ്ബില്‍ തുടരാന്‍ താല്‍പര്യമില്ലെന്ന് പ്രഖ്യാപിച്ച എംബാപ്പേ റയലുമായി ഏറെക്കുറെ ധാരണയില്‍ എത്തിയതായിരുന്നു. ഫ്രീ ടാര്‍സ്ഫര്‍ ആയതിനാല്‍ റയലിന് പി.എസ്.ജി യുമായി ചര്‍ച്ച നടത്തേണ്ടതുമില്ലായിരുന്നു. എംബാപ്പയുടെ തീരുമാനം മാത്രം മതിയായിരുന്നു.

പി.എസ്.ജി യുടെ ഉടമ നാസര്‍ അല്‍ ഖൈലൈഫിയുടെ അവസരോചിതമായ ഇടപെടലാണ്  കാര്യങ്ങള്‍ പി.എസ്.ജി യ്ക്ക് അനുകൂലമാക്കിയത്. പ്രതിഫലരം വര്‍ധിപ്പിച്ചതിനു പുറമേ നൂറുദശലക്ഷം യൂറോയുടെ ബോണസും എംബാപ്പേയ്ക്ക് നല്‍കും. എന്തായാലും എംബാപ്പയുടെ കൂടുമാറ്റം റയലിന്റെ സ്വപ്‌നങ്ങള്‍ക്കു മേലുള്ള കനത്ത അടിയായി.