ഇന്ത്യ സങ്ങിനെ കണ്ടു പഠിക്കണം..ഇന്ത്യന് ഫുട്ബോളിനെ നശിപ്പിക്കുന്നത് പരിശീലകപ്പൊട്ടന്മാര്
ദക്ഷിണ കൊറിയന് താരം സങ് ഹ്യു മിനെ ഇന്ത്യ കണ്ടു പഠിക്കണം. യൂറോപ്പിനും ലാറ്റിനമേരിക്കന് രാജ്യങ്ങള്ക്കും മുന്നില് പഞ്ചപുച്ഛമടക്കി നില്ക്കേണ്ടവരല്ല ഏഷ്യയിലെ കളിക്കാരെന്നു തെളിയിച്ചിരിക്കുകയാണ് സങ് എന്ന ഇംഗ്ലീഷ് പ്രീമര് ലീഗിലെ ടോട്ടനത്തിന്റെ ദക്ഷിണ കൊറയന് താരം. ക്രിസ്റ്റ്യാനോ റൊണാള്ഡോ ഉള്പ്പടെ ലോകത്തെ ഏറ്റവും മികച്ച മുന്നേറ്റക്കാര് കളിക്കുന്ന ഇംഗ്ലീഷ് പ്രീമിയര് ലീഗിലാണ് ഈ നേട്ടമെന്നോര്ക്കണം. 23 ഗോള് നേടിക്കൊണ്ടാണ് സങ് എന്ന ഇരുപത്തിയൊമ്പതുകാരന് ഗോള്ഡന് ബൂട്ട് നേടിക്കൊണ്ട് ഏഷ്യയുടെ കൊടി ആകാശത്തോളം ഉയര്ത്തിയത്.
ചരിത്രത്തിലാദ്യമായാണ് ഒരു ഏഷ്യന് കളിക്കാരന് ഇംഗ്ലീഷ് പ്രീമിയര് ലീഗില് ടോപ് സ്കോറര് ആകുന്നത്. 21 ഗോളുമായി ലിവര്പൂളിന്റെ മുഹമ്മദ് സലായക്കു പിന്നിലായിരുന്നു സങ്. ഞാറാഴ്ച നടന്ന അവസാന മല്സരത്തില് നോര്വിച്ച് സിറ്റിക്കെതിരെ രണ്ടു ഗോള് നേടിക്കൊണ്ടാണ് സലയ്ക്ക് മുന്നിലെത്തിയത്. അവസാന മല്സരത്തില് വൂള്സ് ബെര്ഗിനെതിരെ സല ഗോള് നേടാതിരുന്നെങ്കില് സങ്ങിന് ഗോള്ഡ്ന് ബൂട്ട് പങ്കിടേണ്ടി വരുമായിരുന്നില്ല. എന്തായാലും സങ്ങിന്റെ നേട്ടം ഏഷ്യന് ഫുട്ബോളിന് കൂടുതല് ആത്മവിശ്വാസം പകരുമെന്ന കാര്യത്തില് സംശയമില്ല.
2002-ലെ ഖത്തര് ലോകകപ്പിലേക്കും ദക്ഷിണകൊറിയ യോഗ്യത നേടിയിട്ടുണ്ട്. അവര് കളിക്കാനൊരുങ്ങുന്ന പത്താമത്തെ ലോകകപ്പാണിത്. 2002-ലെ ലോകകപ്പില് രാജ്യം നാലാം സ്ഥാനത്ത് വന്നിരുന്നു. ഇക്കുറി ഒരു പക്ഷേ ചരിത്രം സൃഷ്ടിച്ചേക്കാം. ദുബായില് നടന്ന ലോകകപ്പിന്റെ അവസാന യോഗ്യതാ മല്സരത്തില് സിറിയയെ കൊറിയ രണ്ടു ഗോളിന് തോല്പ്പിച്ചപ്പോള് അവിടേയും ഒരു ഗോള് സങ്ങിന്റെ വകയായിരുന്നു. 2015-ല് ടോട്ടനത്തിലെത്തിയ സങ് അവര്ക്കുവേണ്ടി 232-മല്സരങ്ങളില് നിന്ന് 93 ഗോള് നേടിയിട്ടുണ്ട്. 2010 മുതല് ദക്ഷിണ കൊറിയയുടെ സീസിയര് ടീമില് കളിക്കാനാരംഭിച്ചു. ഇതുവരെ 98 മല്സരങ്ങല് കളിച്ചു. 31 ഗോളുകള് നേടി.
നമ്മുടെ നാട്ടിലും സങ്ങിനേപ്പോലുള്ള മിടുക്കന്മാരുണ്ട്. ശിലായുഗത്തിലെ പരിശീലന രീതികള് കൊണ്ടു നടക്കുന്ന ഇന്ത്യയിലെ പരിശീലകരെന്ന പൊട്ടന്മാരാണ് അവരെ കാലാകാലങ്ങളായി നശിപ്പിച്ചു കൊണ്ടിരിക്കുന്നത്. ഇപ്പോഴും നമ്മള് ദുര്ബലരായ ഭൂട്ടാനോടും ശ്രലങ്കയോടും നേപ്പാളിനോടും കളിച്ചാണ് മേനി നടിക്കുന്നത്. ഇക്കാര്യങ്ങള് മനസിലാക്കുന്നതു വരെ ഇന്ത്യന് സൂപ്പര് ലീഗിലെ പത്താങ്കിട മല്സരങ്ങള് കണ്ട് നമുക്ക് രോമാഞ്ചം കൊള്ളാം. തല്ക്കാലം സങ് നമുക്കൊരു സ്വപ്നമായിത്തന്നെ നില്ക്കട്ടെ.
https://www.facebook.com/Malayalivartha