സന്തോഷ് ട്രോഫിയില് തുടര്ച്ചയായ രണ്ടാം ജയം തേടി കേരളം ഇന്നിറങ്ങും..... അരുണാചലില് രാത്രി 7ന് തുടങ്ങുന്ന മത്സരത്തില് ഗോവയാണ് എതിരാളികള്
സന്തോഷ് ട്രോഫിയില് തുടര്ച്ചയായ രണ്ടാം ജയം തേടി കേരളം ഇന്നിറങ്ങും. അരുണാചലില് രാത്രി 7ന് തുടങ്ങുന്ന മത്സരത്തില് ഗോവയാണ് എതിരാളികള്. മികച്ച മാര്ജിനിലുള്ള ജയമാണ് കേരളം ലക്ഷ്യമിടുന്നതെന്ന് പരിശീലകന് സതീവന് ബാലന് .
കാലാവസ്ഥയും കൃത്വിമ പുല്തകിടിയും ഒരുക്കിയ വെല്ലുവിളികള് മറികടന്ന് അസമിനെ തകര്ത്ത് സന്തോഷത്തുടക്കം നേടിയ കരുത്തിലാണ് കേരളം ബൂട്ട് കെട്ടുന്നത്.എതിരാളികള് ചില്ലറക്കാരല്ല. യോഗ്യത റൗണ്ടില് കേരളത്തെ തോല്പിച്ച ഒരേയൊരു ടീമായ ഗോവ. യോഗ്യത റൗണ്ടിലെ ടീമില് നിന്ന് മാറ്റങ്ങളുമായാണ് ഫൈനല് റൗണ്ടിന് എത്തിയതെങ്കിലും ആദ്യ മത്സരത്തില് ഗോവയെ അരുണാചാല് സമനിലയില് തളച്ചു.
ജയം അനിവാര്യമായതിനാല് ഗോവ പൊരുതി കളിക്കുമെന്ന് ഉറപ്പ്. നിജോ ഗില്ബര്ട്ട് നയിക്കുന്ന കേരളം തുടര്ച്ചയായ രണ്ടാം ജയത്തോടെ നൗക്കൗണ്ട് റൗണ്ടിലേക്ക് അടുക്കാനാണ് ശ്രമിക്കുന്നത്.അസമിനെ ഒന്നിനെതിരെ മൂന്ന് ഗോളുകള്ക്കാണ് കേരളം തകര്ത്തത്.
https://www.facebook.com/Malayalivartha
