സൂപ്പര്‍ താരം ലയണല്‍ മെസ്സിയില്ലാതെ ഇറങ്ങിയ കോപ അമേരിക്ക മത്സരത്തില്‍ അര്‍ജന്റീനക്ക് തകര്‍പ്പന്‍ ജയം....
സൂപ്പര്‍ താരം ലയണല്‍ മെസ്സിയില്ലാതെ ഇറങ്ങിയ കോപ അമേരിക്ക മത്സരത്തില്‍ അര്‍ജന്റീനക്ക് തകര്‍പ്പന്‍ ജയം. ലൗതാറോ മാര്‍ട്ടിനെസിന്റെ ഇരട്ട ഗോളിലാണ് അര്‍ജന്റീന പെറുവിനെതിരെ ജയിച്ച് കയറിയത്.
47ാം മിനിറ്റിലായിരുന്നു മാര്‍ട്ടിനെസിന്റെ ആദ്യ ഗോള്‍ പിറന്നത്. 86ാം മിനിറ്റില്‍ മാര്‍ട്ടിനെസ് ഗോള്‍നേട്ടം രണ്ടാക്കി ഉയര്‍ത്തുകയും ചെയ്തു.
പെറു പ്രതിരോധത്തിലെ പിഴവ് കൃത്യമായി മനസിലാക്കി ഡി മരിയ നീട്ടി നല്‍കിയ പാസില്‍ നിന്നാണ് മാര്‍ട്ടിനെസിന്റെ ആദ്യ ഗോള്‍ പിറന്നത്.
രണ്ടാം പകുതിയുടെ തുടക്കത്തില്‍ തന്നെയായിരുന്നു ഗോള്‍. 86ാം മിനിറ്റില്‍ ബോക്‌സിന് തൊട്ട് മുന്നില്‍ നിന്ന് പന്ത് സ്വീകരിച്ച് രണ്ട് പെറു ഡിഫന്‍ഡര്‍മാരെ മറികടന്നായിരുന്നു രണ്ടാം ഗോള്‍. അര്‍ജന്റീനയുടെ മുന്നേറ്റത്തോടെയാണ് മത്സരം ആരംഭിച്ചത്. ഒന്നാം മിനിറ്റില്‍ തന്നെ ഗാര്‍നാച്ചോ അര്‍ജന്റീനക്കായി കോര്‍ണര്‍ നേടി. പിന്നീട് അര്‍ജന്റീനയുടെ മാലാഖ ഡി മരിയ നിരവധി ഗോളവസരങ്ങള്‍ തുറന്നെടുത്തുവെങ്കിലും പെറുവിയന്‍ പ്രതിരോധത്തില്‍ തട്ടി അതൊന്നും ഗോളായില്ല. ഇതോടെ ആദ്യ പകുതി ഗോള്‍രഹിതമായി തുടര്‍ന്നു.
രണ്ടാം പകുതിയുടെ തുടക്കത്തില്‍ തന്നെ ഗോളടിച്ച് അര്‍ജന്റീന കളിയുടെ നിയന്ത്രണമേറ്റെടുത്തു. ഗോള്‍ തിരിച്ചടിക്കാന്‍ പെറു പരമാവധി ശ്രമിച്ചെങ്കിലും വലകുലുക്കാനായി അവര്‍ക്കായില്ല. ഇതിനിടെ കളിയുടെ 71ാം മിനിറ്റില്‍ അര്‍ജന്റീനക്ക് അനുകൂലമായി പെനാല്‍റ്റിയും ലഭിച്ചു.
എന്നാല്‍, ലിയാന്‍ഡ്രോ പരേഡെസ് പെനാല്‍റ്റി പാഴാക്കി. നേരത്തെ തന്നെ കോര്‍ട്ടര്‍ ഫൈനലിലെത്തിയത് കൊണ്ട് അര്‍ജന്റീനയെ സംബന്ധിച്ചടുത്തോളം മത്സരം നിര്‍ണായകമായിരുന്നില്ല.
"
https://www.facebook.com/Malayalivartha
