ഇംഗ്ലണ്ടിനെ ഒന്നിനെതിരെ രണ്ട് ഗോളുകള്‍ക്ക് കീഴടക്കി യൂറോ ചാമ്പ്യന്‍മാരായി സ്‌പെയിന്‍
ഇംഗ്ലണ്ടിനെ ഒന്നിനെതിരെ രണ്ട് ഗോളുകള്‍ക്ക് കീഴടക്കി യൂറോ ചാമ്പ്യന്‍മാരായി സ്‌പെയിന്‍. നിക്കോ വില്യംസും മികേല്‍ ഒയര്‍സബാലുമാണ് സ്പെയിനിന്റെ സ്‌കോറര്‍മാര്‍. കോള്‍ പാല്‍മര്‍ ഇംഗ്ലണ്ടിനായി ഒരു ഗോള്‍ മടക്കി. ഇംഗ്ലണ്ടിന്റെ തുടര്‍ച്ചയായ രണ്ടാം യൂറോ ഫൈനല്‍ തോല്‍വിയാണിത്.
ഇത്തവണത്തെ യൂറോയില്‍ ശൈലിമാറ്റവുമായി ഒരു പറ്റം യുവനിരയുമായെത്തിയ സ്‌പെയിന്‍ അര്‍ഹിച്ച കിരീടം തന്നെയാണ് ലഭിച്ചത്. ആദ്യപകുതിയില്‍ ഇരുടീമും നിരവധി മുന്നേറ്റങ്ങള്‍ നടത്തിയെങ്കിലും വലകുലുക്കാന്‍ കഴിഞ്ഞില്ല. ആദ്യ പകുതിയില്‍ ആധിപത്യം സ്‌പെയിനായിരുന്നു. 70 ശതമാനമാണ് ഇടവേളയ്ക്ക് പിരിയുമ്പോള്‍ സ്പെയിനിന്റെ ബാള്‍ പൊസഷന്‍. പാസിംഗിലും മുന്നിട്ടു നിന്ന അവര്‍ 6 കോര്‍ണറുകളും നേടിയെടുത്തു.
പ്രതിരോധത്തിലും ഒപ്പം കൗണ്ടര്‍ അറ്റാക്കിലുമായിരുന്നു ഇംഗ്ലണ്ടിന്റെ ശ്രദ്ധ. തുടക്കം മുതലേ സ്‌പെയിന്‍ കളിയുടെ കടിഞ്ഞാണ്‍ കൈക്കലാക്കിയിരുന്നു.
https://www.facebook.com/Malayalivartha
