ക്രിസ്റ്റ്യാനോയും സിനദിന്‍ സിദാനും പിടിയിങ്ങുമ്പോള്‍ റയല്‍ മാഡ്രിഡ് ഇത്ര വലിയ വീഴ്ചയിലേക്ക് പതിക്കുമെന്ന് ഫുട്ബാള്‍ ലോകം ഒരിക്കലും കരുതിയിരുന്നില്ല . തുടര്‍ച്ചയായി മൂന്ന് വര്‍ഷം ചാമ്പ്യന്‍ പദവിയിലിരുന്ന സ്പാനിഷ് ശക്തികള്‍ ഒടുവില്‍ ദയനീയമായി ചാമ്പ്യന്‍സ് ലീഗില്‍ നിന്നും പുറത്തായി.

റയല്‍ മാഡ്രിഡിനെ 4-1ന് പരാജയപ്പെടുത്തി അയാക്‌സ് ക്വാര്‍ട്ടറില്‍ പ്രവേശിച്ചു.ഒന്നാം പാദമത്സരത്തില്‍ അയാക്‌സിന്റെ തട്ടകത്തില്‍ 21ന് ജയിച്ച ആത്മവിശ്വാസത്തില്‍ പന്ത് തട്ടാനിറങ്ങിയ റയലിന്റെ മുഴുവന്‍ കണക്കുകൂട്ടലുകളെയും തെറ്റിച്ചുകൊണ്ടാണ് അയാക്‌സ് മത്സരം തുടങ്ങിയത്.

മത്സരത്തിന്റെ 7ാം മിനിറ്റില്‍ ഹക്കിം സിയേച്ചിലൂടെ ആഥിതേയരുടെ വലകുലുക്കി അയാക്‌സ്. മത്സരം വരുതിയിലാക്കാന്‍ കെണഞ്ഞ് പരിശ്രമിക്കുന്നതിനിടയില്‍ വീണ്ടും ഡേവിഡ് നെരസ് റയല്‍ വലകുലുക്കി. 20 മിനിറ്റിനുള്ളില്‍ റയല്‍ രണ്ട് ഗോളിന് പിറകില്‍. ലൂക്കാസ് വാസ്‌ക്കസും വിനീഷ്യസ് ജൂനിയറും മികച്ച മുന്നേറ്റങ്ങള്‍ നടത്തി പ്രതീക്ഷ നല്‍കിയെങ്കിലും ഉടനെ തന്നെ പരിക്ക് കാരണം ഇരുവരും കളംവിട്ടു. 62ാം മിനിറ്റില്‍ ടാടിക്കിന്റെ ഉഗ്രന്‍ ഷോട്ടിലൂടെ അയാക്‌സിന്റെ മൂന്നാമത്തെ ഗോളും പിറന്നു.

72ാം മിനിറ്റില്‍ കൊര്‍ട്ടോവയെ കാഴ്ച്ചക്കാരനാക്കി സ്‌കോണിന്റെ ഫ്രീ കിക്ക് ഗോളോടെ ചാമ്പ്യന്മാര്‍ പരാജയം ഉറപ്പിച്ചു. 70ാം മിനിറ്റില്‍ അസന്‍സിയോയാണ് റയലിന്റെ ആശ്വാസ ഗോള്‍ കണ്ടെത്തിയത്.