യു.എസ് ഓപ്പണ് വേദിയില് നവോമി ഒസാകയുടെ പ്രതിഷേധം; പ്രതിഷേധം അമേരിക്കയില് കറുത്ത വര്ഗക്കാര്ക്ക് നേരേയുള്ള അക്രമത്തില്; വേറിട്ട ശബ്ദമായ ഒസാക്കക്കുവേണ്ടി കൈയടിച്ച് ലോകം
അമേരിക്കയില് കറുത്ത വര്ഗക്കാര്ക്ക് നേരേയുള്ള അക്രമത്തില് യുഎസ് ഓപ്പണ് വേദിയിലും പ്രതിഷേധമറിയിച്ച് വനിത ടെന്നിസ് താരം നവോമി ഒസാക. നേരത്തെ, വെസ്റ്റേണ് ആന്റ് സതേണ് ഓപ്പണില് നിന്നും ഒസാക പിന്മാറിയിരുന്നു. സെമിയിലെത്തിയ ശേഷമായിരുന്നു ഒസാക്കയുടെ പിന്മാറ്റം. ഇതിന് പിന്നാലെയാണ് യുഎസ് ഓപ്പണ് വേദിയിലും ഒസാക്ക വേറിട്ട ശബ്ദമാകുന്നത്. ജേക്കബ് ബ്ലെയ്ക്ക് എന്ന കറുത്ത വര്ഗക്കാരനു നേരെ അമേരിക്കന് പോലീസ് ഏഴ് തവണ വെടിയുതിര്ത്തതില് താരം പ്രതിഷേധം രേഖപ്പെടുത്തുകയായിരുന്നു. ഏഴ് മാസ്ക്കുകളില് പോലീസ് ക്രൂരതക്ക് ഇരയായവരുടെ പേര് എഴുതി ആയിരുന്നു ഒസാക്ക കളത്തിലെത്തിയത്. മത്സരശേഷം വംശീയതക്ക് എതിരെ പ്രതികരിക്കുകയും ചെയ്തു. ''ഇവിടെ നടക്കുന്ന സംഭവങ്ങള് ലോക മനസാക്ഷിയെ ഞെട്ടിപ്പിക്കുന്നതാണ്. പേരുകള് രേഖപ്പെടുത്താന് ഏഴ് മാസ്ക്കുകള് മതിയാവില്ല. ഞാന് ഫൈനലിലെത്തുമെന്നാണ് പ്രതീക്ഷ. അങ്ങനെയെങ്കില് ആക്രമണത്തിനിരയായ വ്യക്തികളുടെ പേരുകള് മുഴുവന് ഞാന് പുറത്തുവിടും.'' ഒസാക പറഞ്ഞു.
ആദ്യറൗണ്ട് മത്സരത്തിനാണ് ഒസാക ഇറങ്ങിയത്. ജാപ്പനീസ് താരം മിസാക്കി ഡോയിക്കെതിരായ മത്സരം ഒന്നിനെതിരെ രണ്ട് സെറ്റുകള്ക്ക് ഒസാക സ്വന്തമാക്കി. 62, 57, 62 എന്ന സ്കോറിനായിരുന്നു ഒസാകയുടെ ജയം. ടൂര്ണമെന്റിലെ നാലാം സീഡായ ഒസാക 2018ലെ യുഎസ് ഓപ്പണ് ജേതാവാണ്. കഴിഞ്ഞ വര്ഷം ഓസ്ട്രേലിയന് ഓപ്പണിലും ഒസാകയ്ക്കായിരുന്നു കിരീടം. പൂര്ണമായും ശാരീരിക ക്ഷമത കൈവരിച്ചിട്ടില്ലാത്ത ഒസാക നേരത്തെ സിന്സിനാറ്റി ഫൈനലില് നിന്നു വിട്ടുനിന്നിരുന്നു. അതേസമയം അമേരിക്കയുടെ യുവ താരം കൊകോ ഗൗഫ് ആദ്യ റൗണ്ടില് പുറത്തായി. 31 സീഡ് സെവസ്റ്റോയ്ക്ക് മുന്നിലായിരുന്നു ഗൗഫിന്റെ തോല്വി. സ്കോര് 63, 57, 64. പുരുഷ വിഭാഗത്തില് നോവാക് ജോക്കോവിച്ച്, ഡേവിഡ് ഗോഫിന് തുടങ്ങിയ പ്രമുഖരെല്ലാ രണ്ടാം റൗണ്ടില് കടന്നു.
നേരത്തെ ലോക പത്താം നമ്പര് താരം നവോമി ഒസാക്ക സതേണ് ആന്ഡ് വെസ്റ്റേണ് ടെന്നിസ് ടൂര്ണമെന്റില് നിന്നു പിന്വാങ്ങിയിരുന്നു. വിവാദം പടരുന്നതിനിടെ, ടൂര്ണമെന്റിലെ മത്സരങ്ങള് ഇന്നലെ നിര്ത്തിവച്ചുവെന്ന് അധികൃതര് അറിയിച്ചു. സെമിയില് എത്തിയതിനു പിന്നാലെയാണ് വംശീയ അനീതിയില് പ്രതിഷേധിച്ച് പിന്വാങ്ങുകയാണെന്ന് താരം സമൂഹ മാധ്യമത്തിലൂടെ അറിയിച്ചത്. ഹെയ്റ്റിക്കാരന്റെയും ജപ്പാന്കാരിയുടെയും മകളായ നവോമി, കായിക താരമെന്നതിലുപരി താന് കറുത്ത വര്ഗക്കാരിയാണെന്നും പ്രതിഷേധക്കുറിപ്പില് എഴുതി.കറുത്ത വര്ഗക്കാര്ക്കെതിരെ പൊലീസിന്റെ അക്രമം തടരുന്നതു കണ്ടുനില്ക്കാനാവില്ല. വെള്ളക്കാര്ക്കു മേധാവിത്തമുള്ള ടെന്നിസില് തന്റെ തീരുമാനം ഈ അനീതിക്കെതിരെ ചര്ച്ച തുടങ്ങിവച്ചാല് അതു ശരിയായ ദിശയിലേക്കുള്ള നീക്കമാകുമെന്നും നവോമി പറഞ്ഞു. ഞായറാഴ്ച തന്റെ മക്കളുടെ കണ്മുന്നിലാണ് ബ്ലേക്കിനു (29) പൊലീസിന്റെ വെടിയേറ്റത്.
https://www.facebook.com/Malayalivartha