രാജ്യത്തിന് അഭിമാനമായി നിഖാത്ത് സരിന്.... തുര്ക്കിയില് നടക്കുന്ന വനിതകളുടെ ലോക ബോക്സിങ് ചാമ്പ്യന്ഷിപ്പില് ചരിത്ര സ്വര്ണവുമായി ഇന്ത്യ.... ചാമ്പ്യന്ഷിപ്പില് 52 കിലോഗ്രാം വിഭാഗത്തില് മത്സരിച്ച ഇന്ത്യയുടെ നിഖാത്ത് സരിന് സ്വര്ണമണിഞ്ഞു
രാജ്യത്തിന് അഭിമാനമായി നിഖാത്ത് സരിന്.... തുര്ക്കിയില് നടക്കുന്ന വനിതകളുടെ ലോക ബോക്സിങ് ചാമ്പ്യന്ഷിപ്പില് ഇന്ത്യയ്ക്ക് ചരിത്ര സ്വര്ണം. ചാമ്പ്യന്ഷിപ്പില് 52 കിലോഗ്രാം വിഭാഗത്തില് മത്സരിച്ച ഇന്ത്യയുടെ നിഖാത്ത് സരിന് സ്വര്ണമണിഞ്ഞു. ജൂനിയര് വിഭാഗത്തിലെ മുന് ലോകചാമ്പ്യന് കൂടിയാണ് നിഖാത്ത് സരിന്.
വനിതാ ലോക ബോക്സിംഗില് ഇന്ത്യ നേടുന്ന പത്താം സ്വര്ണമാണിത്. ഇന്ത്യന് താരത്തിന് വനിതകളുടെ 52 കിലോ വിഭാഗത്തിലാണ് സ്വര്ണം. തായ്ലാന്ഡിന്റെ ജുതാമസ് ജിറ്റ്പോംഗിനെ പരാജയപ്പെടുത്തിയാണ് ലോക ബോക്സിംഗ് ചാമ്പ്യന്ഷിപ്പില് ഇന്ത്യന് താരം സ്വര്ണം നേടിയിരിക്കുന്നത്.
ഇന്നലെ നടന്ന ഫൈനലില് തായ്ലന്ഡിന്റെ ജുതാമാസ് ജിറ്റ്പോങ്ങിനെതിരേ നേടിയ ആധികാരിക ജയത്തോടെയാണ് (50), (3027, 2928, 2928, 3027, 2928) നിഖാത്ത് സരിന് സ്വര്ണ നേട്ടം കരസ്ഥമാക്കിയത്. വിധികര്ത്താക്കളെല്ലാം ഏകകണ്ഠേന നിഖാത്ത് സരിനെ വിജയിയായി തിരഞ്ഞെടുക്കുകയായിരുന്നു.
മേരി കോം, സരിത ദേവി, ജെന്നി ആര്.എല്, ലേഖ കെ.സി എന്നിവര്ക്ക് ശേഷം ലോക ചാമ്പ്യന്ഷിപ്പില് സ്വര്ണമെഡല് നേടുന്ന അഞ്ചാമത്തെ ഇന്ത്യന് വനിതാ ബോക്സറാണ് സരിന്. നേരത്തെ ബുധനാഴ്ച നടന്ന സെമിയില് ബ്രസീലിന്റെ കരോളിന് ഡി അല്മേഡയെ കീഴടക്കിയാണ് സരിന് കിരീടപോരാട്ടത്തിന് യോഗ്യത നേടിയത്. ആ മത്സരത്തിലും വിജയം ഏകപക്ഷീയമായിരുന്നു (50).
അന്താരാഷ്ട്ര ബോക്സിംഗ് അസോസിയേഷന് സംഘടിപ്പിക്കുന്ന ലോക ചാമ്പ്യന്ഷിപ്പ് ഇത്തവണ തുര്ക്കിയിലെ ഇസ്താംബൂളിലാണ് അരങ്ങേറിയത്.
ബോക്സിംഗില് ഇന്ത്യയ്ക്ക് സ്വര്ണം ലഭിക്കുന്നത് നാല് വര്ഷത്തെ ഇടവേളയ്ക്ക് ശേഷമാണ്. ഒടുവില് ഇന്ത്യയുടെ അഭിമാന താരം മേരി കോമാണ് ഈ വിഭാഗത്തില് സ്വര്ണം നേടിയത്.
അതേസമയം മെയ് എട്ടിന് തുടങ്ങിയ മത്സരം 20ന് അവസാനിക്കും.
"
https://www.facebook.com/Malayalivartha