പാരിസ് ഒളിമ്പിക്‌സിന്റെ തയ്യാറെടുപ്പായി മാറുന്ന ദോഹ ഡയമണ്ട് ലീഗില്‍ ഇന്ത്യയുടെ ഒളിമ്പിക്‌സ് പ്രതീക്ഷയായ നീരജ് ചോപ്രയും പങ്കെടുക്കും. മേയ് 10നാണ് സീസണിലെ ആദ്യ ഡയമണ്ട് ലീഗിന് ഖത്തര്‍ വേദിയാകുന്നത്.

2023 ഏഷ്യന്‍ ഗെയിംസിനുശേഷം ചോപ്രയുടെ ആദ്യ അന്താരാഷ്ട്ര പോരാട്ടമായിരിക്കും ദോഹയിലേക്ക്. നിലവിലെ ഒളിമ്പിക്‌സ്, ലോകചാമ്പ്യന്‍ എന്ന തിളക്കവുമായാണ് ചോപ്ര ആഗസ്റ്റ് ഒന്നിന് ആരംഭിക്കുന്ന പാരീസ് ഒളിമ്പിക്‌സിന് തയാറെടുക്കുന്നത്. കഴിഞ്ഞ ഏതാനും മാസങ്ങളായി പരിശീലനവും വിശ്രമവുമായി തയ്യാറെടുപ്പിലായിരുന്നു .

2022 ദോഹ ഡയമണ്ട് ലീഗില്‍ ഒന്നാമതെത്തിയ ചോപ്ര, കഴിഞ്ഞവര്‍ഷം രണ്ടാം സ്ഥാനത്തായിരുന്നു. മുന്‍ ലോകചാമ്പ്യന്‍ ജര്‍മനിയുടെ ആന്‍ഡേഴ്സണ്‍ പീറ്റേഴ്സ്, ചെക്ക് റിപ്പബ്ലിക്കിന്റെ യാക്കൂബ് വാഡ് ലേ , ജര്‍മനിയുടെതന്നെ യൂറോപ്യന്‍ ചാമ്പ്യന്‍ ജൂലിയന്‍ വെബര്‍ തുടങ്ങിയവരെല്ലാം ഖത്തര്‍ സ്പോര്‍ട്സ് ക്ലബില്‍ മത്സരിക്കാനുണ്ടാകും.