ഇരട്ടക്കിരീട നേട്ടവുമായി..... ബുണ്ടസ്ലീഗ കിരീട നേട്ടത്തിനു പിന്നാലെ ജര്മന് കപ്പിലും മുത്തമിട്ട് ബയേര്ലെവര്കുസന്
ബുണ്ടസ്ലീഗ കിരീട നേട്ടത്തിനു പിന്നാലെ ജര്മന് കപ്പിലും മുത്തമിട്ട് ബയേര്ലെവര്കുസന്. ഗ്രാനിറ്റ് സാക്ക നേടിയ തകര്പ്പന് ഗോളില് രണ്ടാം ഡിവിഷന് ക്ലബായ കൈസര്സ്ലോട്ടനെ 1-0ത്തിന് കീഴടക്കിയാണ് ലെവര്കുസന്റെ വിജയം. ചരിത്രത്തില് ആദ്യമായാണ് ലെവര്കുസന് ആഭ്യന്തര ഫുട്ബാളില് ഇരട്ടക്കിരീട നേട്ടത്തിലെത്തുന്നത്.
ബെര്ലിനിലെ ഒളിമ്പിക് സ്റ്റേഡിയത്തില് നടന്ന മത്സരത്തിന്റെ 16-ാം മിനിറ്റിലായിരുന്നു സാക്കയുടെ വിധിനിര്ണായക ഗോള്. ഇടവേളക്ക് പിരിയാനായി ഒരു മിനിറ്റു മാത്രം ബാക്കിയിരിക്കേ ഡിഫന്ഡര് ഒഡിലോണ് കൊസൂനു രണ്ടാം മഞ്ഞക്കാര്ഡ് കണ്ട് പുറത്തായശേഷം പത്തു പേരുമായി കളിച്ചാണ് ലെവര്കുസന് പിടിച്ചുനിന്നത്. ആളെണ്ണം കുറഞ്ഞിട്ടും പക്ഷേ, മത്സരത്തില് സാബി അലോന്സോയുടെ ശിഷ്യന്മാര്ക്കായിരുന്നു മേധാവിത്വം. കളിയുടെ നിയന്ത്രണം രണ്ടാം പകുതിയിലും കാലില് കൊരുത്ത ലെവര്കുസനെതിരെ ആഞ്ഞുകയറാനായി കൈസര്സ്ലോട്ടന് കഴിഞ്ഞതേയില്ല.
വലിയ നേട്ടമാണ് ഈ ഡബ്ളെന്ന് ലെവര്കുസന് കോച്ച് സാബി അലോന്സോ മത്സരശേഷം പ്രതികരിച്ചു. 'ഈ നേട്ടം ഞങ്ങള് എക്കാലവും ഓര്ത്തുവെക്കും. തങ്ങളുടെ കഴിവില് ടീം അടിയുറച്ചു വിശ്വസിക്കുന്നുവെന്നതാണ് പ്രധാനം. പത്തുപേരുമായി പോരാടാന് അവര് തയാറായിരുന്നു. അതില് ഞാന് അഭിമാനിക്കുന്നു. ഈ സീസണില് എന്തൊക്കെയാണ് സംഭവിച്ചതെന്ന് ഉള്ക്കൊള്ളാനായി എനിക്കിനിയും സമയം വേണ്ടിവരും. ഇതൊരു സ്വപ്നസീസണായിരുന്നു. അവസാന ദിവസം ഇതുപോലെ ആഘോഷിക്കാന് കഴിഞ്ഞത് സവിശേഷമായി കരുതുന്നുവെന്ന് അലോന്സോ.
"
https://www.facebook.com/Malayalivartha