നൊവാക് ജോക്കോവിച്ചിന് പരുക്ക്.... ഫ്രഞ്ച് ഓപ്പണില് നിന്ന് പിന്മാറി
05 JUNE 2024 10:08 AM IST
മലയാളി വാര്ത്ത
നിലവിലെ ചാമ്പ്യന് നൊവാക് ജോക്കോവിച്ച് പരിക്കുകാരണം ഫ്രഞ്ച് ഓപ്പണില്നിന്ന് പിന്മാറി. പുരുഷ സിംഗിള്സില് തിങ്കളാഴ്ച അഞ്ചു സെറ്റു നീണ്ട മത്സരത്തില് അര്ജന്റീനയുടെ ഫ്രാന്സിസ്കോ സെറിന്ഡോളോയെ തോല്പ്പിച്ച് ജോക്കോ ക്വാര്ട്ടറിലെത്തിയിട്ടുണ്ടായിരുന്നു.
മൂന്നാം റൗണ്ടില് ഇറ്റലിയുടെ ലോറെന്സോ മുസെറ്റിയുമായുള്ള മത്സരവും അഞ്ചുസെറ്റ് നീണ്ടു. ബുധനാഴ്ച ക്വാര്ട്ടറില് നോര്വേയുടെ കാസ്പര് റൂഡിനെ നേരിടാനിരിക്കേയാണ് ടൂര്ണമെന്റില്നിന്ന് പിന്മാറുന്നതായി പ്രഖ്യാപിച്ചത്.
വലതുകാല്മുട്ടിലെ പരിക്കുകാരണമാണ് പിന്മാറിയതെന്ന് സംഘാടകര് വ്യക്തമാക്കി. 25-ാം ഗ്രാന്സ്ലാം കിരീടം ലക്ഷ്യമിട്ടാണ് സെര്ബിയന് താരം ഇക്കുറി ഫ്രഞ്ച് ഓപ്പണിനെത്തിയത്. പിന്മാറിയതോടെ, ജോക്കോയ്ക്ക് ഒന്നാംറാങ്ക് നഷ്ടമാകും. ഇറ്റലിയുടെ യാന്നിക് സിന്നര് ഒന്നാം സ്ഥാനത്തെത്തുകയും ചെയ്യും.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
