ഒളിംപിക്‌സ് ഫുട്‌ബോളില്‍ അര്‍ജന്റീന-ഫ്രാന്‍സ് ക്വാര്‍ട്ടര്‍ ഫൈനല്‍ പോരാട്ടം ആഗസ്റ്റ് മൂന്നിന്
ഒളിംപിക്‌സ് ഫുട്‌ബോളില്‍ അര്‍ജന്റീന-ഫ്രാന്‍സ് ക്വാര്‍ട്ടര്‍ ഫൈനല്‍ പോരാട്ടം ആഗസ്റ്റ് മൂന്നിന്.: ലോകകപ്പ് ഫൈനലിന്റെ തനിയാവര്‍ത്തനത്തിന് ഒരുങ്ങി ഒളിംപിക്‌സ് ഫുട്‌ബോളില്‍ അര്‍ജന്റീന-ഫ്രാന്‍സ് ക്വാര്‍ട്ടര്‍ ഫൈനല്‍ പോരാട്ടം. ഓഗസ്റ്റ് മൂന്നിന് പുലര്‍ച്ചെ ഇന്ത്യന്‍ സമയം രാത്രി 12.30നാണ് അര്‍ജന്റീന-ഫ്രാന്‍സ് ക്വാര്‍ട്ടര്‍ പോരാട്ടം.
ഓഗസ്റ്റ് രണ്ടിന് തുടങ്ങുന്ന ക്വാര്‍ട്ടര്‍ പോരാട്ടങ്ങളില്‍ ഗ്രൂപ്പില്‍ അര്‍ജന്റീനയെ അട്ടിമറിച്ച മൊറോക്കോ-അമേരിക്കയെയും സ്‌പെയിന്‍ ജപ്പാനെയും ഈജിപ്ത്-പരാഗ്വേയെയും നേരിടുകയും ചെയ്യും.
ഗ്രൂപ്പില്‍ മൂന്ന് കളികളും ജയിച്ച് ഒരു ഗോള്‍ പോലും വഴങ്ങാതെയാണ് തിയറി ഹെന്റി പരിശീലിപ്പിക്കുന്ന ഫ്രാന്‍സ് ക്വാര്‍ട്ടറിലെത്തിയതെങ്കില്‍ ആദ്യ മത്സരത്തില്‍ മൊറോക്കോയോട് അപ്രതീക്ഷിത തോല്‍വി വഴങ്ങിയശേഷം തുടര്‍ ജയങ്ങളുമായാണ് ഹാവിയര്‍ മഷെറാനോ പരിശീലിപ്പിക്കുന്ന അര്‍ജന്റീന ക്വാര്‍ട്ടറിലെത്തിയത്.
ഗ്രൂപ്പിലെ അവസാന മത്സരത്തില്‍ ഫ്രാന്‍സ് ന്യൂസിലന്‍ഡിനെ എതിരില്ലാത്ത മൂന്ന് ഗോളിന് തകര്‍ത്തപ്പോള്‍ അര്‍ജന്റീന യുക്രൈനെ മറുപടിയില്ലാത്ത രണ്ട് ഗോളിന് വീഴ്ത്തുകയായിരുന്നു.
"
https://www.facebook.com/Malayalivartha
