മുന് ഇന്ത്യന് വിക്കറ്റ് കീപ്പര് ബാറ്റര് ദിനേശ് കാര്ത്തിക് ദക്ഷിണാഫ്രിക്കന് ടി20 ലീഗിലേക്ക്....
മുന് ഇന്ത്യന് വിക്കറ്റ് കീപ്പര് ബാറ്റര് ദിനേശ് കാര്ത്തിക് ദക്ഷിണാഫ്രിക്കന് ടി20 ലീഗിലേക്ക്. ദക്ഷിണാഫ്രിക്കന് ടി20 ലീഗിന്റെ മൂന്നാം സീസണില് പാര്ള് റോയല്സിന് വേണ്ടി ദിനേശ് കാര്ത്തിക് കളിക്കും. ഇതുമായി ബന്ധപ്പെട്ട് താരം കരാറില് ഒപ്പുവെയ്ക്കുകയും ചെയ്തു.
ജനുവരി 9നാണ് മൂന്നാം സീസണ് ആരംഭിക്കുന്നത്. ആദ്യമായാണ് ഒരു ഇന്ത്യന് ക്രിക്കറ്റ് താരം ദക്ഷിണാഫ്രിക്കന് ലീഗിന്റെ ഭാഗമാകുന്നത്. ജൂണിലാണ് 39കാരന് ക്രിക്കറ്റിന്റെ എല്ലാ ഫോര്മാറ്റില് നിന്നും വിരമിച്ചത്.
ഇതിന് ശേഷം ഐപിഎല് ടീമായ ബംഗളൂരു റോയല് ചലഞ്ചേഴ്സിന്റെ മെന്ററും ബാറ്റിങ് കോച്ചുമായി തുടരുന്നു. അതിനിടെയാണ് ദക്ഷിണാഫ്രിക്കന് ലീഗില് കളിക്കാന് താരത്തിന് ഓഫര് ലഭിച്ചത്. 'ദക്ഷിണാഫ്രിക്കയില് കളിച്ചതിന്റെയും സന്ദര്ശിച്ചതിന്റെയും ഒരുപാട് ഓര്മ്മകള് എനിക്കുണ്ട്. ഇങ്ങനെയൊരു അവസരം വന്നപ്പോള് എനിക്ക് വേണ്ടെന്ന് പറയാന് കഴിഞ്ഞില്ല. കാരണം മത്സര ക്രിക്കറ്റിലേക്ക് മടങ്ങിവന്ന് പാര്ള് റോയല്സിനെ വിജയത്തിലേക്ക് നയിക്കാന് കഴിയുന്നത് എന്നെ സംബന്ധിച്ച് ഏറെ സന്തോഷം നല്കുന്ന കാര്യമാണെന്നും ദിനേശ് കാര്ത്തിക് .
"
https://www.facebook.com/Malayalivartha
