വനിതാ 200 മീറ്റര്‍ ഫൈനലില്‍ യുഎസ് താരം ഗബ്രിയല തോമസ് സ്വര്‍ണം നേടി. 21.83 സെക്കന്‍ഡിലാണ് യുഎസ് താരം ഓടിയെത്തിയത്. ടോക്കിയോ ഒളിംപിക്‌സിലെ വെങ്കല മെഡല്‍ ജേതാവാണ് ഗബ്രിയല തോമസ്. സെന്റ് ലൂസിയയുടെ ജൂലിയന്‍ ആല്‍ഫ്രഡിനാണ് വെള്ളി (22.08). കഴിഞ്ഞ ദിവസം 100 മീറ്റര്‍ ഓട്ടത്തില്‍ ജൂലിയന്‍ ആല്‍ഫ്രഡ് സ്വര്‍ണം നേടിയിട്ടുണ്ടായിരുന്നു.

യുഎസിന്റെ തന്നെ ബ്രിട്ടനി ബ്രൗണ്‍ വെങ്കല മെഡലും നേടി. വനിതകളുടെ 3000 മീറ്റര്‍ സ്റ്റീപ്പിള്‍ ചേസില്‍ ബഹ്‌റൈന്‍ താരം യാവി വിന്‍ഫ്രഡ് സ്വര്‍ണം നേടി. 8:52.76 മിനിറ്റില്‍ ഒളിംപിക് റെക്കോര്‍ഡിട്ടാണ് യാവി സ്വര്‍ണം നേടിയത്. യുഗാണ്ടന്‍ താരം പെറുറ്റ് ചെമുറ്റായ് വെള്ളിയും കെനിയയുടെ ഫെയ്ത് ചെറോറ്റിച് വെങ്കലവും കരസ്ഥമാക്കി.