ഇന്ത്യക്ക് പാരിസ് ഒളിംപിക്സില്‍ ആറാം മെഡല്‍.... പുരുഷ വിഭാഗം 57 കിലോഗ്രാം ഫ്രീസ്‌റ്റൈല്‍ ഗുസ്തിയില്‍ പോര്‍ട്ടറിക്കോ താരത്തിനെതിരെ അമന്‍ സെഹ്‌റാവത് വെങ്കല മെഡല്‍ നേടി. ഗംഭീര ആധിപത്യത്തോടെ 13-5നാണ് അമന്‍ വിജയം കരസ്ഥമാക്കിയത്.

പ്രീ ക്വാര്‍ട്ടറിലും ക്വാര്‍ട്ടറിലും തകര്‍പ്പന്‍ വിജയങ്ങളോടെ മുന്നേറിയ അമന്‍, സെമിയില്‍ തോറ്റതോടെയാണ് വെങ്കല പോരാട്ടത്തിന് ഇറങ്ങിയത്. നേരത്തെ സെമി ഫൈനലില്‍ ലോക ഒന്നാം നമ്പര്‍ താരവും ലോക ചാമ്പ്യനുമായ ജപ്പാന്റെ ഹിഗൂച്ചിയാണ് 21ക്കാരനായ അമനെ പരാജയപ്പെടുത്തിയത്.