ആഭ്യന്തര ക്രിക്കറ്റ് ടൂര്ണമെന്റായ ദുലീപ് ട്രോഫി ഇന്നു തുടങ്ങാനിരിക്കെ, ടീമില് ഇടം നേടി സഞ്ജു സാംസണ്
ആഭ്യന്തര ക്രിക്കറ്റ് ടൂര്ണമെന്റായ ദുലീപ് ട്രോഫി ഇന്നു തുടങ്ങാനിരിക്കെ, ടീമില് ഇടം നേടി സഞ്ജു സാംസണ്
ആഭ്യന്തര ക്രിക്കറ്റ് ടൂര്ണമെന്റായ ദുലീപ് ട്രോഫി ഇന്നു തുടങ്ങാനിരിക്കെ, മലയാളി താരം സഞ്ജു സാംസണിനും ടീമില് ഇടം. കാലിനു പരുക്കേറ്റ ജാര്ഖണ്ഡ് താരം ഇഷാന് കിഷനു പകരക്കാരനായാണ് ബിസിസിഐ സഞ്ജുവിനെ ടീമില് ഉള്പ്പെടുത്തിയത്.
ഇഷാന് കിഷന് പരുക്കുമൂലം കളിക്കുന്നില്ലെന്ന കാര്യവും, പകരം സഞ്ജു 'ഇന്ത്യ ഡി' ടീമില് കളിക്കുന്ന വിവരവും ബിസിസിഐ തന്നെയാണ് ഇന്നു പുലര്ച്ചെ അറിയിച്ചത്.
അതേസമയം, അവസാന നിമിഷം ടീമില് ഉള്പ്പെടുത്തിയതിനാല് ഇന്ന് ആരംഭിച്ച ഇന്ത്യ 'സി'യ്ക്കെതിരായ ആദ്യ മത്സരത്തില് സഞ്ജു കളിക്കുന്നില്ല. ശ്രീകര് ഭരതാണ് ടീമിന്റെ വിക്കറ്റ് കീപ്പര്. പരുക്കിന്റെ പിടിയിലുള്ള സൂര്യകുമാര് യാദവും പേസര് പ്രസിദ്ധ് കൃഷ്ണയും ദുലീപ് ട്രോഫിയിലെ ആദ്യ മത്സരങ്ങളില് കളിക്കില്ലെന്നും ബിസിസിഐ വ്യക്തമാക്കി.
ദുലീപ് ട്രോഫിയില് ശ്രേയസ് അയ്യര് ക്യാപ്റ്റനായ ഇന്ത്യ ഡി ടീമില് അംഗമായിരുന്നു ഇഷാന്. എന്നാല് ബുച്ചി ബാബു ഇന്വിറ്റേഷന് ടൂര്ണമെന്റില് ജാര്ഖണ്ഡിനായുള്ള മത്സരത്തിനിടെ പരുക്കേറ്റതാണ് ഇഷാന് തിരിച്ചടിയായത്.
"
https://www.facebook.com/Malayalivartha
