യുഎസ്. ഓപ്പണ്‍ ടെന്നീസ് പുരുഷ സിംഗിള്‍സ് കിരീടം ഇറ്റാലിയന്‍ താരം യാനിക് സിന്നറിന്. ഫൈനല്‍ മത്സരത്തില്‍ യു.എസിന്റെ ടെയ്‌ലര്‍ ഫ്രിറ്റ്‌സിനെ പരാജയപ്പെടുത്തിയാണ് സിന്നര്‍ കിരീടം സ്വന്തമാക്കിയത്.

ഈ വര്‍ഷത്തില്‍ തന്നെ ഓസ്‌ട്രേലിയന്‍ ഓപ്പണ്‍ കിരീടവും താരം വിജയിച്ചിരുന്നു. സ്‌കോര്‍: (63,64, 75). ആവേശം നിറഞ്ഞ ഫൈനലില്‍ ആദ്യസെറ്റ് 63ന് സിന്നര്‍ സ്വന്തമാക്കി. പിന്നീട്, മത്സരം കടുത്തെങ്കിലും 64ന് രണ്ടാംസെറ്റും ഇറ്റാലിയന്‍ താരംതന്നെ പിടിച്ചെടുത്തു. മൂന്നാം സെറ്റില്‍ ഒരുഘട്ടത്തില്‍ ഫ്രിറ്റ്‌സ് മുന്നിലെത്തി.

എന്നാല്‍, ലോക ഒന്നാംനമ്പര്‍ താരത്തില്‍ നിന്നും സെറ്റ് പിടിച്ചെടുക്കാന്‍ ഫ്രിറ്റ്‌സിനായില്ല. ഇതോടെ, 7-5 സ്‌കോറോടെ മൂന്നാംസെറ്റും യുഎസ് ഓപ്പണ്‍ കിരീടവും സിന്നറിന് സ്വന്തം. നേരത്തെ, ഓസ്ട്രേലിയന്‍ ഓപ്പണ്‍ ടെന്നീസിലെ പുരുഷ സിംഗിള്‍സ് ഫൈനലില്‍ അന്ന് റഷ്യയുടെ ഡാനില്‍ മെദ്വദേവിനെ തോല്‍പ്പിച്ചായിരുന്നു സിന്നര്‍ ആദ്യ ഗ്രാന്‍ഡ്സ്ലാം കിരീടം നേടിയത്.