യുവേഫ ചാംപ്യന്‍സില്‍ ലീഗ്.... ആദ്യ പോരാട്ടത്തില്‍ നിലവിലെ ചാംപ്യന്‍മാരായ റയല്‍ മാഡ്രിഡിന് തകര്‍പ്പന്‍ ജയം....
യുവേഫ ചാംപ്യന്‍സില്‍ ലീഗ്... ആദ്യ പോരാട്ടത്തില്‍ നിലവിലെ ചാംപ്യന്‍മാരായ റയല്‍ മാഡ്രിഡിന് തകര്‍പ്പന്‍ ജയം. ഒന്നിനെതിരെ മൂന്ന്് ഗോളുകള്‍ക്ക് അവര്‍ ജര്‍മന്‍ ടീം സ്റ്റുഗാര്‍ട്ടിനെ വീഴ്ത്തി.
കിലിയന്‍ എംബാപ്പെ, അന്റോണിയോ റൂഡിഗര്‍, എന്‍ഡ്രിക്ക് എന്നിവര്‍ റയലിനായി ഗോളുകള്‍ നേടി. ഡെനിസ് ഉണ്ടാവാണ് സ്റ്റുഗാര്‍ട്ടിന്റെ ആശ്വാസ ഗോള്‍ വലയിലാക്കിയത്.
എസി മിലാന് ആദ്യ പോരാട്ടത്തില്‍ സ്വന്തം തട്ടകത്തില്‍ തോല്‍വി. ഇംഗ്ലീഷ് കരുത്തരായ ലിവര്‍പൂള്‍ 1-3നു മിലാനെ വീഴ്ത്തി. ഇബ്രാഹിമ കൊനാറ്റ, വിര്‍ജില്‍ വാന്‍ ഡെയ്ക്, ഡൊമിനിക് സബോസ്ലായ് എന്നിവരാണ് ലിവര്‍പൂളിനായി വല ചലിപ്പിച്ചത്.
മിലാന്റെ ആശ്വാസ ഗോള്‍ മൂന്നാം മിനിറ്റില്‍ ക്രിസ്റ്റ്യന്‍ പുസിലിചാണ് നേടിയത്. തുടക്കത്തില്‍ ഒരു ഗോള്‍ നേടി മുന്നിലെത്തിയിട്ടും മിലാന് 3 ഗോള്‍ വഴങ്ങി തോറ്റു. ഇറ്റാലിയന്‍ കരുത്തരായ യുവന്റസ് സ്വന്തം മൈതാനത്ത് പിഎസ്വി ഐന്തോവനെ വീഴ്ത്തി.
യുവന്റസിനായി കെനന്‍ യില്‍ഡിസ്, വെസ്റ്റോണ്‍ മക്ക്കെന്നി, നിക്കോളാസ് ഗോള്‍സാലസ് എന്നിവര്‍ ഗോള്‍ നേടുകയും ചെയ്തു.
https://www.facebook.com/Malayalivartha
