ഫിഡെ ചെസ് ഒളിംപ്യാഡില്‍ ചരിത്രനേട്ടത്തിന് അരികെ ഇന്ത്യ... നിലവില്‍ പോയിന്റ് പട്ടികയില്‍ രണ്ടാം സ്ഥാനത്തുളള ചൈനയെക്കാള്‍ രണ്ട് പോയിന്റ് മുന്‍പില്‍ ഇന്ത്യ
ഫിഡെ ചെസ് ഒളിംപ്യാഡില്‍ ചരിത്രനേട്ടത്തിന് അരികെ ഇന്ത്യ... നിലവില്‍ പോയിന്റ് പട്ടികയില്‍ രണ്ടാം സ്ഥാനത്തുളള ചൈനയെക്കാള്‍ രണ്ട് പോയിന്റ് മുന്‍പില്‍ ഇന്ത്യ.
പത്താം റൗണ്ടില്‍ അമേരിക്കയുടെ ലീനിയര്‍ ഡൊമിങ്‌സ് പെരസിനെ കീഴടക്കിയ ഇന്ത്യയുടെ അര്‍ജുന്‍ എരിഗാസിയുടെ വിജയമാണ് നിര്‍ണായകമായത്. ഇന്ത്യയുടെ ഗുകേഷ് ദൊമ്മരാജു (ഡി ഗുകേഷ്) യുഎസിന്റെ ഫാബിയാനോ കരുവാനയെ പരാജയപ്പെടുത്തി ഇന്ത്യയ്ക്ക് നിര്‍ണായക മുന്നേറ്റത്തിന് കളമൊരുക്കിയിട്ടുണ്ടായിരുന്നു.
ഉയര്‍ന്ന റാങ്കിലുളള കരുവാനയെ പരാജയപ്പെടുത്താനായി കഴിഞ്ഞത് നവംബറില്‍ നടക്കുന്ന ലോക ചാമ്പ്യന്‍ഷിപ്പിന് തയ്യാറെടുക്കുന്ന ഗുകേഷിന് കൂടുതല്‍ ആത്മവിശ്വാസം നല്‍കിയേക്കും.
കളി പകുതിയിലെത്തി നില്‍ക്കെ ഗുകേഷ് നടത്തിയ നിര്‍ണായക നീക്കം കരുവാനയെ സമ്മര്‍ദ്ദത്തിലാക്കുകയായിരുന്നു. ഇതിന് പിന്നാലെ അമേരിക്കന്‍ താരം വരുത്തിയ പിഴവുകളും ഗുകേഷ് കൃത്യമായി മുതലെടുത്തതോടെ കളി ഇന്ത്യയുടെ യുവതാരം കൈപ്പിടിയിലൊതുക്കി. ഫൈനല്‍ റൗണ്ടില്‍ ഇന്ത്യ സ്ലൊവേനിയയെയും ചൈന അമേരിക്കയെയുമാണ് നേരിടുക.
"
https://www.facebook.com/Malayalivartha
