സംസ്ഥാന സീനിയര് ബാസ്കറ്റ്ബാള് ചാമ്പ്യന്ഷിപ്പിന്റെ വനിത വിഭാഗം സെമിഫൈനലില് നിലവിലെ ജേതാക്കളായ തിരുവനന്തപുരം കോട്ടയത്തെ നേരിടും
സംസ്ഥാന സീനിയര് ബാസ്കറ്റ്ബാള് ചാമ്പ്യന്ഷിപ്പിന്റെ വനിത വിഭാഗം സെമിഫൈനലില് നിലവിലെ ജേതാക്കളായ തിരുവനന്തപുരം കോട്ടയത്തെ നേരിടും.
രണ്ടാം സെമിയില് ഏറ്റുമുട്ടുക പാലക്കാടും ആലപ്പുഴയും . പുരുഷ സെമിയില് തൃശൂരും തിരുവനന്തപുരവും തമ്മിലാണ് ആദ്യ കളി. രണ്ടാം സെമിയില് എറണാകുളം കോട്ടയത്തെ നേരിടും. കടവന്ത്ര റീജ്യനല് സ്പോര്ട്സ് സെന്ററില് നടക്കുന്ന ചാമ്പ്യന്ഷിപ്പില് പുരുഷ ക്വാര്ട്ടര് ഫൈനലില് തൃശൂര് പത്തനംതിട്ടയെ (64 48) തോല്പിച്ചു.
വനിതകളുടെ ആദ്യ ക്വാര്ട്ടര് ഫൈനലില് കെ.എസ്.ഇ.ബി താരങ്ങള് അണിനിരന്ന തിരുവനന്തപുരം 67 -20ന് പത്തനംതിട്ടയെ തോല്പിക്കുകയായിരുന്നു. ഇന്ത്യന് താരം അനീഷ ക്ലീറ്റസ് 20 പോയന്റുമായി ടോപ് സ്കോററായി. രണ്ടാം ക്വാര്ട്ടര് ഫൈനലില് കോട്ടയം കോഴിക്കോടിനെയാണ് പരാജയപ്പെടുത്തിയത് (79 43). കോളജ് താരങ്ങളുമായി ഇറങ്ങിയ തൃശൂര് ആലപ്പുഴയോട് രണ്ട് പോയന്റിന് തോല്ക്കുകയായിരുന്നു (59 57). വനിതകള് അവസാന ക്വാര്ട്ടര് ഫൈനലില് കേരള പൊലീസ് താരങ്ങളടങ്ങിയ പാലക്കാട് എറണാകുളത്തെ (73 54) പരാജയപ്പെടുത്തി.
പാലക്കാടിന്റെ ചിപ്പി മാത്യു (22) ആണ് ടോപ് സ്കോറര്. പുരുഷന്മാരിലെ ആദ്യ ക്വാര്ട്ടര് ഫൈനലില് തൃശൂര് പത്തനംതിട്ടയെ തോല്പിച്ചു (64 48). പാലക്കാടിനെ (52 38) തോല്പിച്ച് തിരുവനന്തപുരം സെമിയിലെത്തുകയായിരുന്നു.
https://www.facebook.com/Malayalivartha
