വളരെ എളുപ്പത്തില് തയ്യാറാക്കാവുന്ന ഒരു വിഭവമാണ് നെയ് ചോര്. നെയ് ചോര് എന്നാണ് പേരെങ്കിലും ഇതില് ആവശ്യത്തിന് മാത്രമേ നെയ് ചേര്‌ക്കേണ്ടതുള്ളൂ. സാധാരണയായി നെയ് ചോറുണ്ടാക്കാന് ചെറിയ അരിയാണ് ഉപയോഗിക്കുക. അരിയുടെ അളവ് കൂട്ടുന്നതിനനുസരിച്ച് വെള്ളത്തിന്റെ അളവും ശ്രദ്ധിക്കുക. നെയ് ചോര് എങ്ങനെ ഉണ്ടാക്കാം എന്ന് നോക്കാം.
ആവശ്യമായ ചേരുവകള്:
അരി (ജീരകശാല നെയ്‌ച്ചോര് അരി) 1 ഗ്ലാസ്
വെള്ളം ഒന്നര ഗ്ലാസ്
നെയ്യ് 3 ടേബിള് സ്പൂണ്
സവാള അരിഞ്ഞത് കാല് കപ്പ്
ഏലയ്ക്ക2
കറുവപ്പട്ട3
ഗ്രാമ്പു5
അണ്ടിപ്പരിപ്പ്
മുന്തിരി
ഉപ്പ് ആവശ്യത്തിന്
പാകം ചെയ്യുന്ന വിധം:

ആദ്യം അരി പച്ചവെള്ളത്തില് കഴുകി എടുക്കുക. പാത്രം അടുപ്പില് വച്ച് ചൂടാക്കിയ ശേഷം അതിലേക്ക് മൂന്ന് ടേബിള് സ്പൂണ് നെയ്യൊഴിക്കുക. നെയ് ചൂടാകുമ്പോള് ഗ്രാമ്പു, കറുവപട്ട, ഏലക്കാ എന്നിവ ചേര്ക്കുക. ഇവ ചെറുതായി ചൂടായതിന് ശേഷം അതിലേയ്ക്ക് ഒന്നര ഗ്ലാസ് വെള്ളം ഒഴിക്കുക. ആവശ്യത്തിന് ഉപ്പ് ചേര്ക്കുക. വെള്ളം തിളച്ച് വരുമ്പോള് ഇതിലേയ്ക്ക് അരി ഇട്ട് മൂടിവയ്ക്കുക. അഞ്ച് മിനിറ്റ് കഴിയുമ്പോള് ഒന്ന് ചെറുതായി ഇളക്കണം. വെള്ളം വറ്റി അരി വെന്തു കഴിഞ്ഞാല് അടുപ്പില് നിന്നും ഇറക്കി വയ്ക്കാം. ഒരു പാത്രത്തില് നെയ്യ് ഒഴിച്ച് മുന്തിരിയും അണ്ടിപ്പരിപ്പും, അരിഞ്ഞ സവാളയും വറുത്തെടുത്ത് (ചെറിയ ബ്രൗണ് നിറത്തില്) ചോറിന് മുകളില് വിതറുക.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha