സ്വാദൂറുന്ന ഇഡ്ഡലി ഫ്രൈ
ആവിയില്‍ പുഴുങ്ങി തയാറാക്കുന്ന ഇഡ്ഡലി ആരോഗ്യത്തിനു വളരെ നല്ല ഭക്ഷണമാണെന്ന് എല്ലാവര്‍ക്കുമറിയാം. കുട്ടികള്‍ക്കും മുതിര്‍ന്നവര്‍ക്കും വേണ്ടി പ്രഭാതഭക്ഷണമായി ഇഡ്ഡലി ഇടയ്ക്കിടെ തയാറാക്കുന്നത് അവരുടെ ആരോഗ്യസംരക്ഷണത്തിനു വളരെ ഉചിതവുമാണ്. രാവിലെ തയാറാക്കുന്ന ഇഡ്ഡലി അധികംവന്നാല്‍ അല്‍പം ചില കൂട്ടുകളൊക്കെ ചേര്‍ത്ത് രുചികരമായ ഒരു നാലുമണി വിഭവമാക്കാം.
ഉഴുന്നുപരിപ്പും സവാളയും തക്കാളിയും മല്ലിയിലയും കറിവേപ്പിലയും ചേരുന്നതുകൊണ്ടുതന്നെ ഈ ഇഡ്ഡലി വറുത്തത് ഗുണകരവുമാണ്. മല്ലിയിലയും കറിവേപ്പിലയും തക്കാളിയുമെല്ലാം വീട്ടില്‍തന്നെ കൃഷി ചെയ്യുന്നതായാല്‍ കീടനാശിനി ഭയമില്ലാതെ കഴിക്കാം. ഇഡ്ഡലി കഴിക്കാന്‍ ഇഷ്ടപ്പെടാത്ത ചെറിയ കുട്ടികള്‍ ഈ ഇഡ്ഡലി െ്രെഫ വളരെ താത്പര്യത്തോടെ കഴിക്കാം.
ചേരുവകള്‍
വെളിച്ചെണ്ണ : രണ്ടു ടീസ്പൂണ്‍ (അളവ് അവശ്യാനുസരണം മാറ്റാം)
കടുക് : ഒരു ടീസ്പൂണ്‍
ഉഴുന്നുപരിപ്പ് : ഒരു ടേബിള്‍സ്പൂണ്‍
വറ്റല്‍മുളക് : രണ്ടെണ്ണം
കറിവേപ്പില : ഒരു തണ്ട്
ജീരകം : കാല്‍ ടീസ്പൂണ്‍
സവാള : ഒരു ചെറുത് നുറുക്കിയത്
കാപ്‌സിക്കം : ഒന്നു നുറുക്കിയത്
തക്കാളി : രണ്ടെണ്ണം അരിഞ്ഞത്
മുളകുപൊടി : ഒരു ടീസ്പൂണ്‍
മല്ലിപ്പൊടി : ഒന്നര ടീസ്പൂണ്‍
മല്ലിയില അരിഞ്ഞത് : കുറച്ച്
ഇഡ്ഡലി : പന്ത്രണ്ട് എണ്ണം (ചതുരത്തിലോ ഇഷ്ടാനുസരണത്തിലുള്ള ആകൃതിയിലോ മുറിച്ചത്)
ഉപ്പ് : ആവശ്യത്തിന്
പാചകരീതി
ആദ്യം ചീനച്ചട്ടിയില്‍ എണ്ണ ചൂടാക്കുക. ഇതില്‍ കടുക്, ഉഴുന്നുപരിപ്പ്, ജീരകം, വറ്റല്‍മുളക്, കറിവേപ്പില എന്നിവ ഒന്നൊന്നായി ഇടുക. ഇവ മൂത്തുവരുമ്പോള്‍ സവാള അരിഞ്ഞതും ചേര്‍ത്ത്് വഴറ്റി അല്‍പം ഉപ്പും ചേര്‍ക്കുക. ഇതില്‍ കാപ്‌സിക്കയും ചേര്‍ത്ത് വഴറ്റണം. കാപ്‌സിക്കവും തക്കാളിയും വെന്തുകിട്ടാനായി കുറച്ചുസമയം പാത്രം മൂടിവച്ച് വേവിക്കുക. (ചെറിയ തീയില്‍ വളരെ ചെറിയ സമയം മതിയാകും). ഇനി മുളകുപൊടി, മല്ലിപ്പൊടി എന്നിവ ചേര്‍ത്ത് പച്ചച്ചുവ മാറുംവരെ വഴറ്റുക. ഏറ്റവുമൊടുവില്‍ ഇഡ്ഡലിക്കഷണങ്ങള്‍ ചേര്‍ത്ത് നന്നായി യോജിപ്പിച്ചെടുക്കുക. മല്ലിയില കുറച്ചു ചേര്‍ത്ത് യോജിപ്പിക്കുക. രുചിച്ചുനോക്കിയ ശേഷം ആവശ്യമെങ്കില്‍ കൂടുതല്‍ മല്ലിയില ചേര്‍ക്കാം. ഇഡ്ഡലി വറുത്തതിനു രുചി കൂട്ടാന്‍ അല്‍പം പഞ്ചസാരയോ ഒരു സ്പൂണ്‍ ടുമാറ്റോ സോസോ ചേര്‍ക്കാം. (വീട്ടില്‍ തയാറാക്കുന്ന ടുമാറ്റോ സോസാണ് ആരോഗ്യത്തിനു നല്ലത്).
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
