Widgets Magazine 

20
Nov / 2026
Friday
Forex Rates:

1 aed = 19.19 inr ● 1 aud = 50.27 inr ● 1 eur = 79.92 inr ● 1 gbp = 90.97 inr ● 1 kwd = 231.92 inr ● 1 qar = 19.36 inr ● 1 sar = 18.79 inr ● 1 usd = 70.49 inr ●

EDITOR'S PICK


ശബരിമല ദർശനത്തിനായുള്ള വെർച്വൽ ക്യൂ ബുക്കിംഗ് നവംബർ 30 വരെ പ്രതിദിനം 5000 പേർക്ക് കൂടി അനുവദിക്കാൻ തിരുവിതാംകൂർ ദേവസ്വം ബോർഡ് തീരുമാനം...


അക്വാൻ തീവ്ര ചുഴലിക്കാറ്റ് കരയിലേക്ക്..... ബംഗാൾ ഉൾക്കടലിൽ രൂപം കൊണ്ട് അക്വാൻ തീവ്ര ചുഴലിക്കാറ്റ് ഇന്ന് ഉച്ചയോടെ കര തൊടുമെന്ന് കാലാവസ്ഥ വകുപ്പ്... 69 ട്രെയിനുകൾ റദ്ദാക്കി, ഒഡീഷ തീരങ്ങളിൽ അതീവ ജാഗ്രതാ നിർദേശം


തമിഴ്നാട് കൊളത്തൂർ എം.എൽ.എയും ടി.വി.കെ നേതാവുമായ വി.എസ്. ബാബു അന്തരിച്ചു...


പാകിസ്താൻ കേന്ദ്രീകരിച്ച് പ്രവർത്തിക്കുന്ന ഭീകരസംഘടനകൾക്കെതിരെ കടുത്ത നിലപാടുമായി ഇന്ത്യയും ജപ്പാനും...


മരണമുഖത്ത് നിന്ന് 43 ജീവൻ തിരിച്ചുപിടിച്ച മനഃസാന്നിധ്യം; വർഷങ്ങൾക്കിപ്പുറവും ഇന്റർനെറ്റ് സല്യൂട്ട് ചെയ്യുന്ന രാമനാട്ടുകരക്കാരൻ ആദിത്യയുടെ കഥയറിയാം!...

 കുറഞ്ഞ ചെലവില്‍ ഒരുദിവസ യാത്രയ്ക്ക് മാലിപ്പുറവും ഞാറയ്ക്കലും

07 DECEMBER 2017 04:00 PM IST
മലയാളി വാര്‍ത്ത

കുറഞ്ഞ ചെലവില്‍ ഒരു ദിവസം മുഴുവന്‍ കുടുംബവുമൊത്ത് ആഘോഷമാക്കാന്‍ സാധിക്കുന്ന ടൂറിസ്റ്റ് സ്‌പോട്ടുകള്‍ ഉണ്ടെന്നറിയാമോ? 325 രൂപയ്ക്ക് ഒരു ദിവസം മുഴുവന്‍ നീണ്ടുനില്‍ക്കുന്ന കാഴ്ചകളും അനുഭവങ്ങളും നല്‍കുന്ന വളരെ രസകരമായ രണ്ടു സ്ഥലങ്ങളുണ്ട് എറണാകുളം ജില്ലയില്‍. വൈപ്പിന്‍കരയിലാണ് ഇവ. മത്സ്യഫെഡിന്റെ മാലിപ്പുറം ഫിഷ്ഫാമും ഞാറയ്ക്കല്‍ ഫിഷ് ഫാമും. ഇവിടെ നിങ്ങളുടെ മനസ്സ് മാത്രമല്ല, വയറും നിറയും. രാവിലെ 10 മുതല്‍ വൈകിട്ട് 5 വരെയാണ് പ്രവര്‍ത്തന സമയം.

എറണാകുളത്തുനിന്നു വരുന്നവര്‍ ഹൈക്കോര്‍ട്ട് ജംക്ഷനിലെത്തി അവിടെ നിന്ന് വൈപ്പിനിലൂടെ പോകുന്ന പറവൂര്‍ മുനമ്പം ബസിലോ ഗുരുവായൂര്‍ ബസിലോ കയറി വളപ്പ് എന്ന സ്‌റ്റോപ്പില്‍ ഇറങ്ങുക. അവിടുന്ന് കുറച്ചു ദൂരെയാണ് ഫാം. ഓട്ടോറിക്ഷയിലാണ് പോകുന്നതെങ്കില്‍ 60 രൂപ മുതല്‍ 75 രൂപ വരെ ചാര്‍ജ് ഈടാക്കുന്നതാണ്.

മാലിപ്പുറം ഫിഷ്ഫാമിന്റെ ഏറ്റവും മുന്‍ഭാഗത്ത് നിന്ന് ബോട്ടിലാണ് ഈ മീന്‍ വളര്‍ത്തുന്ന സ്ഥലത്തേക്ക് പോകുന്നത്. അത് ഏകദേശം ഒരു 15 മിനിറ്റ് ദൈര്‍ഘ്യമുളള ഒരു ബോട്ട് യാത്രയാണ്. മനോഹരമായിട്ടുളള യാത്ര. കാരണം നമ്മള്‍ വേറൊരു ലോകത്തിലൂടെ സഞ്ചരിക്കുന്നപോലെ, വീതികൂടിയ തോടിന്റെ നടുഭാഗത്തൂടെയാണ് ബോട്ട് പോകുന്നത്. ഇരുവശത്തും ധാരാളം മനോഹരമായിട്ടുളള വൃക്ഷങ്ങളും ഒക്കെയുണ്ട്. അതിന്റെ ഉള്‍ഭാഗത്തിലൂടെ പോകുമ്പോള്‍ വേറൊരു ലോകത്തിലൂടെ യാത്ര ചെയ്യുന്ന ഒരു പ്രതീതിയാണുണ്ടാകുക.

മാലിപ്പുറം ഫിഷ്ഫാമിലേക്ക് വരുമ്പോള്‍ എന്‍ട്രന്‍സില്‍ 200 രൂപയുടെ ടിക്കറ്റാണ് എടുക്കേണ്ടത്. ഫാമിലെത്തിയാല്‍ ഒരു വെല്‍കം ഡ്രിങ്ക് കിട്ടും. ചായയോ കാപ്പിയോ കൂള്‍ ഡ്രിങ്ക്‌സോ ആവാം. കേരളത്തില്‍ ഒരുസ്ഥലത്തും കാണാന്‍ സാധിക്കാത്ത അത്ര മനോഹരമായ കാഴ്ചയാണ് ഫാമിലെ മീന്‍ചാട്ടം. നമുക്ക് നേരിട്ട് കാണുവാനുളള ഒരവസരമാണിത്. നമ്മള്‍ ഒരു പക്ഷേ സിനിമകളിലൊക്കെ മാത്രമേ ഇങ്ങനെ മനോഹരമായ കാഴ്ച കണ്ടിട്ടുണ്ടാവൂ. മീന്‍ വളര്‍ത്തുന്ന സ്ഥലത്ത് നമ്മെ സ്പീഡ് ബോട്ടില്‍ കൊണ്ടുപോകും. അവിടെയുള്ള പൂമീനുകള്‍ വെള്ളത്തില്‍നിന്നു കുതിച്ചുചാടുന്നത് ആസ്വദിക്കാം.

രണ്ടു കിലോ മുതല്‍ ആറു കിലോ വരെ ഭാരമുളളവയാണ് ഈ മീനുകള്‍. നമ്മുടെ ബോട്ടിന്റെ ഉള്‍ഭാഗത്തേക്കുപോലും ഈ മീന്‍ ചാടിവന്നേക്കാം. ആ യാത്രയുടെ ദൈര്‍ഘ്യം പത്തുമിനിറ്റാണ്. അതിന് അഡീഷനല്‍ ചാര്‍ജുണ്ട്. ഒരു ബോട്ട് മുഴുവനായിട്ട് എടുത്താല്‍ അതില്‍ മൂന്നു പേര്‍ക്കു കയറാം. 250 രൂപയാണ് ചാര്‍ജ്. ഒറ്റയ്ക്കാണെങ്കില്‍ ഒരാള്‍ക്ക് 75 രൂപയാവും.

മീന്‍ചാട്ടം കണ്ടതിനുശേഷം തിരിച്ച് നമ്മള്‍ പഴയസ്ഥലത്തേക്ക് നടന്നാണ് വരുന്നത്. പത്തു മിനിറ്റോളം പാടവരമ്പത്തൂടെ നടന്നുവരണം. പകല്‍ സമയത്ത് അത്യാവശ്യം വെയിലുണ്ട്. വിശ്രമിക്കണമെങ്കില്‍ ആവാം. അല്ലെങ്കില്‍ പെഡല്‍ ബോട്ട് ഉപയോഗിക്കാം, അര മണിക്കൂറാണ് അതിന്. അതും 200 രൂപയുടെ പാക്കേജില്‍ ഉള്‍പ്പെടുന്നു. മീന്‍പിടിത്തം ഇഷ്ടമാണെങ്കില്‍, 20 രൂപ നല്‍കിയാല്‍ ഒരു ചൂണ്ടയും മറ്റു മീന്‍പിടിത്ത സാമഗ്രികളും ലഭിക്കും. എത്ര സമയം വേണമെങ്കിലും ചൂണ്ടയിട്ട് മീന്‍ പിടിക്കാം. ആ മീന്‍ വേണമെങ്കില്‍ വീട്ടില്‍ കൊണ്ടുപോകാം. മീനിന്റെ തൂക്കമനുസരിച്ച് വില കൊടുക്കണമെന്നു മാത്രം. എന്നാലും 325 രൂപയില്‍ കൂടുതല്‍ വാങ്ങില്ല.

മാലിപ്പുറത്ത് 200 രൂപയുടെ പാക്കേജില്‍ വരുമ്പോള്‍ ലഭിക്കുന്ന ഒരു കാര്യം വിഭവസമൃദ്ധമായിട്ടുളള ഒരു ഊണാണ്. ഉച്ചയ്ക്ക് മീന്‍ വറുത്തതും മീന്‍ കറിയും വെജിറ്റബിള്‍ കറികളും അച്ചാറും എല്ലാംകൂട്ടി രുചികരമായിട്ടുളള ഒരു ഊണ്. ഒരു ഐസ്‌ക്രീമും നിങ്ങള്‍ക്ക് ലഭിക്കും. ഭക്ഷണപ്രിയരായിട്ടുളള ആളുകള്‍ക്ക് കഴിക്കാന്‍ പറ്റുന്ന നിരവധി സ്‌പെഷല്‍ വിഭവങ്ങള്‍ ഇവിടെ ലഭ്യമാണ്. ഞണ്ട് റോസ്റ്റ്, കരിമീന്‍ പൊളളിച്ചത്, കരിമീന്‍ വറുത്തതും കറിവച്ചതും, കക്കയിറച്ചി, കൂന്തല്‍ െ്രെഫ എന്നിവ ചില ഭക്ഷണയിനങ്ങള്‍ മാത്രം. ഇതിനെല്ലാം വിലയും തുച്ഛമാണ്. 90 രൂപ മുതല്‍ 140 രൂപ വരെ മാത്രമാണ് ഇവിടത്തെ ഓരോ സ്‌പെഷലിന്റെയും റേറ്റ് വരുന്നത്. കുടുംബശ്രീയുടെ തന്നെ സഹായസംഘത്തിലെ അംഗങ്ങളായ സംഘമിത്രചേച്ചിയും സംഘവുമാണ് ഈ രുചികരമായ ഭക്ഷണം പാകം ചെയ്തു തരുന്നത്.

ഊണ് കഴിഞ്ഞിട്ട് ഒന്ന് വിശ്രമിക്കണമെങ്കില്‍ മാലിപ്പുറം ഫിഷ്ഫാമിന്റെ മുന്‍വശത്ത് മനോഹരമായ കണ്ടല്‍ക്കാടുണ്ട്. വളരെ ഭംഗിയായിട്ട് മല്‍സ്യഫെഡ് സജ്ജീകരിച്ചിട്ടുണ്ട്. ഇതിനുള്ളില്‍ നല്ല ക്ലൈമറ്റാണ്. സൂര്യപ്രകാശം അല്‍പം പോലും ഈ കണ്ടല്‍ക്കാടിന്റെ ഉള്‍ഭാഗത്തേക്ക് പതിക്കില്ല. എസി റൂമില്‍ കയറിയ പ്രതീതി. വിശ്രമിക്കാന്‍ ചെറിയ കസേരകളുണ്ട്. കുട്ടികള്‍ വരുമ്പോള്‍ ഉല്ലസിക്കാന്‍ ചെറിയൊരു പാര്‍ക്ക് അവിടെ റെഡിയാണ്. ഒന്നോ രണ്ടോ മണിക്കൂര്‍ വേണമെങ്കില്‍ ഈ കണ്ടല്‍ക്കാടിനുള്ളില്‍ ചിലവഴിക്കാം. വിശ്രമിക്കാന്‍ കഴിയുന്ന മറ്റൊരു സ്ഥലം ഫിഷ് ഫാമിന്റെ ചുറ്റുമായി സ്ഥിതിചെയ്യുന്ന ചെറിയ ഹട്ടുകളാണ്.

മാലിപ്പുറത്തെ കാഴ്ചകള്‍ കഴിഞ്ഞാല്‍ വേണമെങ്കില്‍ ഞാറയ്ക്കലേക്ക് പോകാം. മാലിപ്പുറത്ത് നിന്നും ഞാറയ്ക്കലേക്ക് മൂന്നു കിലോമീറ്ററാണ് ദൂരം. രണ്ടു റോഡുകള്‍ ആണുളളത്. ഒന്ന് ബീച്ച്മാര്‍ഗം. അല്ലെങ്കില്‍ മെയിന്റോഡ് വഴി ആശുപത്രിപ്പടി സ്‌റ്റോപ്പിലെത്തി ഫാമിലേക്കു പോകാം. ഫാമിന് എതിര്‍വശത്ത് മനോഹരമായ ഒരു ബീച്ചുണ്ട് ചാപ്പാബീച്ച്. വൃത്തിയും ഭംഗിയുമുളള ബീച്ചാണിത്. 125 രൂപയാണ് എന്‍ട്രി ഫീ.

മാലിപ്പുറത്തില്ലാത്ത രണ്ട് പ്രത്യേകതകള്‍ ഞാറയ്ക്കലിലുണ്ട്. ജലാശയത്തിന്റെ നടുവിലാണ് രണ്ടു ഹട്ടുകളും കൊട്ടവഞ്ചിയും. ഇവിടെ മീന്‍ വളര്‍ത്തുന്ന ജലാശയത്തിന്റെ നടുവിലാണ് രണ്ടു ഹട്ടുകള്‍ സ്ഥിതി ചെയ്യുന്നത്. വള്ളത്തിലാണ് അങ്ങോട്ടു പോകേണ്ടത്. 15 പേര്‍ക്ക് ഇരിക്കാനാവുന്ന ഹട്ടില്‍ നാലുഭാഗത്തുനിന്നും കാറ്റുവീശും. ചില സഞ്ചാരികള്‍ എത്തിക്കഴിഞ്ഞാല്‍ രാവിലെ മുതല്‍ വൈകുന്നേരം വരെ വേറെ ഒരു കാഴ്ചകളും കാണാതെ ഈ ഹട്ടില്‍ മാത്രം സമയം ചിലവഴിക്കാറുണ്ട്. 350 രൂപയുടെ ഫുള്‍ പാക്കേജില്‍ വന്നാല്‍ ഭക്ഷണവും ചായയുമുള്‍പ്പെടെ ഇവിടെ ലഭിക്കും.

കൊട്ടവഞ്ചിയും തുഴവഞ്ചിയും ഉണ്ട്. ഒരാള്‍ക്ക് അര മണിക്കൂര്‍ കൊട്ടവഞ്ചി ഉപയോഗിക്കാം. അതും 125 രൂപയുടെ പാക്കേജിലുളളതാണ്. ചൂണ്ടയിടാനുള്ള സൗകര്യവുമുണ്ട്. കിടന്നു വിശ്രമിക്കാന്‍ സാധിക്കുന്ന ഊഞ്ഞാലുകള്‍ ഫിഷ് ഫാമിന് ചുറ്റുമുണ്ട്. സ്‌പെഷല്‍ വിഭവങ്ങളുള്‍പ്പെടെയുള്ള ഭക്ഷണവും ഇവിടെ ലഭ്യമാണ്. നമ്മുടെ ആവശ്യമനുസരിച്ച് ഭക്ഷണം നേരത്തെ ബുക്ക് ചെയ്യാം. ഇഷ്ടാനുസരണം ഇവിടുത്തെ ഷീലചേച്ചിയുടെ നേതൃത്വത്തില്‍ ഒരുപറ്റം കുടുംബശ്രീ ചേച്ചിമാര്‍ വളരെ രുചികരമായിട്ടുള്ള ഭക്ഷണം പാകം ചെയ്തു തരും. പ്ലാന്‍ ചെയ്ത് ഭക്ഷണം ബുക്കുചെയ്താല്‍ ഇത്രയും തുച്ഛമായ വിലയില്‍ രുചികരമായ ഭക്ഷണം വേറെ ലഭിക്കില്ല.

രണ്ടു ഫാമുകളിലും സന്ദര്‍ശനം ബുക്ക് ചെയ്യാം.

ഞാറയ്ക്കല്‍: 9497031280, 9526041209.

മാലിപ്പുറം: 9526041267

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
Most Read
latest News

എസിസി റൈസിങ് സ്റ്റാർസ് ഏഷ്യാ കപ്പ് ഏകദിന ടൂർണമെന്റിൽ ഇന്ത്യ എ ഇന്ന് ആദ്യ മത്സരത്തിനിറങ്ങും...  (13 minutes ago)

സിപിഐ എം മുൻ അരൂർ ഏരിയാ സെക്രട്ടറിയും കർഷകത്തൊഴിലാളി യൂണിയൻ നേതാവുമായ കെ പ്രഭാകരൻ അന്തരിച്ചു...  (28 minutes ago)

കണ്ണീർക്കാഴ്ചയായി... സ്കൂട്ടറിനു പിന്നിൽ കണ്ടെയ്‌നർ ട്രക്കിടിച്ച് യുവതിക്ക് ദാരുണാന്ത്യം...  (51 minutes ago)

കാവേരി നദിയിൽ നിന്ന് 11 ടി.എം.സി. ജലം വിട്ടുനൽകാൻ കർണാടകയ്ക്ക് നിർദ്ദേശം നൽകണമെന്നാവശ്യപ്പെട്ട് തമിഴ്നാട് സർക്കാർ സമർപ്പിച്ച രണ്ട് അപേക്ഷകളും തള്ളി സുപ്രീം കോടതി  (1 hour ago)

ശബരിമല ദർശനത്തിനായുള്ള വെർച്വൽ ക്യൂ ബുക്കിംഗ് നവംബർ 30 വരെ പ്രതിദിനം 5000 പേർക്ക് കൂടി അനുവദിക്കാൻ തിരുവിതാംകൂർ ദേവസ്വം ബോർഡ് തീരുമാനം...  (2 hours ago)

കേരളത്തിന്റെ പൈതൃകവും വിനോദസഞ്ചാരപ്പെരുമയും ദേശീയതലത്തിൽ അടയാളപ്പെടുത്തുന്ന ജടായു ശിൽപ്പത്തിന് പ്രത്യേക തപാൽ കവർ പുറത്തിറക്കി ഇന്ത്യ പോസ്റ്റ്  (2 hours ago)

സംസ്ഥാന സർക്കാരിന്റെ പരമോന്നത സാഹിത്യ ബഹുമതിയായ എഴുത്തച്ഛൻ പുരസ്‌കാരം മേതിൽ രാധാകൃഷ്ണന് 28ന് നൽകും  (2 hours ago)

ന്യൂസിലൻഡിനെതിരായ ഒന്നാം ക്രിക്കറ്റ് ടെസ്റ്റിന്റെ രണ്ടാം ദിനം... മികച്ച ബാറ്റിങുമായി ഇന്ത്യ...  (2 hours ago)

സംസ്ഥാനത്ത് ഇന്നും സ്വർണവിലയിൽ വൻ ഇടിവ്... പവന് 3760 രൂപയുടെ കുറവ്    (3 hours ago)

സങ്കടക്കാഴ്ചയായി... ഇളയ മകന്റെ വിവാഹം നാളെ നടക്കാനിരിക്കെ പിതാവിന്റെ അപ്രതീക്ഷിത വിയോഗം കുടുംബത്തെയും നാടിനെയും കണ്ണീരിലാഴ്ത്തി...  (3 hours ago)

ഡൽഹിയിലെ ലജ്പത് നഗറിൽ നാലുനില കെട്ടിടത്തിന്റെ ബേസ്മെന്റിലുണ്ടായ തീപിടിത്തം... ഒരു മരണം  (3 hours ago)

ബംഗാൾ ഉൾക്കടലിൽ രൂപം കൊണ്ട് അക്വാൻ തീവ്ര ചുഴലിക്കാറ്റ് ഇന്ന് ഉച്ചയോടെ കരയിലേക്ക്; കാറ്റിന്റെ വേഗത മണിക്കൂറിൽ 90 മുതൽ 110 കിലോമീറ്റർ വരെയാകാൻ സാധ്യത' തീരങ്ങളിൽ അതീവ ജാഗ്രതാ നിർദേശം  (3 hours ago)

പൾസ് പോളിയോ ഇമ്യൂണൈസേഷന്റെ ഭാഗമായി സംസ്ഥാനത്ത്‌ അഞ്ചുവയസ്സിന്‌ താഴെയുള്ള 12.92 ലക്ഷം കുഞ്ഞുങ്ങൾക്ക്‌ ഞായറാഴ്‌ച തുള്ളിമരുന്ന്‌ നൽകും  (4 hours ago)

സംസ്ഥാനത്ത് പല ഇടങ്ങളിലായി ഇഡി റെയ്ഡ്... അഞ്ച് ജില്ലകളിലെ വിവിധ കേന്ദ്രങ്ങളിലാണ് രാവിലെ മുതൽ ഇ.ഡി ഉദ്യോഗസ്ഥര്‍ റെയ്ഡ് ആരംഭിച്ചത്  (4 hours ago)

കർഷകർ വീണ്ടും പ്രതിസന്ധിയിൽ... റബ്ബർ വിലയിൽ കുത്തനെയുള്ള ഇടിവ് കർഷകരെ വീണ്ടും പ്രതിസന്ധിയിലാക്കി  (4 hours ago)

Malayali Vartha Recommends