വന്‍ പ്രൊജക്ടുകള്‍ക്ക് മുന്നോടിയായി മോഹന്‍ലാല്‍ ഭൂട്ടാനിലേക്ക്
മോഹന്‍ലാല്‍ ഭൂട്ടാനിലേക്ക് തിരിക്കുന്നു. വി.എ.ശ്രീകുമാര്‍ മേനോന്‍ ഒരുക്കുന്ന 'ഒടിയ'ന്റെ ചിത്രീകരണം വാരാണസിയില്‍ തുടങ്ങും മുന്‍പേ ഒരാഴ്ചത്തെ വിശ്രമത്തിനായാണ് ലാല്‍ ഭൂട്ടാനിലേക്ക് തിരിക്കുന്നത്. ഈ വര്‍ഷവും അടുത്ത വര്‍ഷവുമായി മോഹന്‍ലാലിന്റെ വമ്പന്‍ പ്രൊജക്ടുകളാണ് അണിയറയില്‍ ഒരുങ്ങുന്നത്.
ലാല്‍ ജോസ് സംവിധാനം ചെയ്യുന്ന 'വെളിപാടിന്റെ പുസ്തകം' ആണ് മോഹന്‍ലാലിന്റേതായി ഇനി പുറത്തിറങ്ങാന്‍ ഒരുങ്ങുന്ന ചിത്രം. അമൃത ടിവിയിലെ പരമ്ബരയായ 'ലാല്‍സലാ'മിന്റെ ഷൂട്ടിങിലാണ് മോഹന്‍ലാല്‍ ഇപ്പോള്‍. ഏതാനും ദിവസങ്ങള്‍ക്കുള്ളില്‍ ഭൂട്ടാനിലേയ്ക്ക് പുറപ്പെടും എന്നാണ് മോഹന്‍ലാലിന്റെ അടുത്ത വൃത്തങ്ങള്‍ നല്‍കുന്ന വിവരം.
കുടുംബത്തോടൊപ്പമായിരിക്കും യാത്ര. തുടര്‍ന്ന് ഒടിയന്റെ ചിത്രീകരണത്തിനായി വാരണാസിയിലേക്ക് പറക്കും. വളരെ വേറിട്ട വേഷമാണ് ചിത്രത്തില്‍ ലാല്‍ അവതരിപ്പിക്കുന്നതെന്നാണ് അറിയുന്നത്. ഒടിയന്റെ മോഷന്‍ പോസ്റ്റര്‍ ഇതിനോടകം തന്നെ ശ്രദ്ധിക്കപ്പെട്ടിരുന്നു.
സിനിമ പ്രേമികള്‍ക്ക് പ്രതീക്ഷനല്‍കുന്ന ആവേശമുണര്‍ത്തിയ മൂന്ന് പ്രോജക്ടുകളാണ് അടുത്തകാലത്ത് മോഹന്‍ലാലിന്റേതായി പ്രഖ്യാപിക്കപ്പെട്ടത്. ചിത്രീകരണം പൂര്‍ത്തിയാക്കിയ വെളിപാടിന്റെ പുസ്തകമാണ് ഉടന്‍ തിയറ്ററുകളില്‍ എത്തുന്ന ചിത്രം. ശേഷം മോഹന്‍ലാല്‍ ബി ഉണ്ണികൃഷ്ണന്‍ കൂട്ടുകെട്ടില്‍ ഒരുക്കിയ വില്ലന്‍ റിലീസ് ചെയ്യും. ദേശീയ അവാര്‍ഡ് നേടിയ തിരക്കഥാകൃത്തും പത്രപ്രവര്‍ത്തകനുമായ ഹരികൃഷ്ണന്റേതാണ് ഒടിയന്റെ രചന. മഞ്ജു വാര്യരാണ് നായിക. കരുത്തുറ്റ പ്രതിനായകനായി പ്രകാശ് രാജും എത്തുന്നു.
https://www.facebook.com/Malayalivartha
