ഐഎസ്ആര്ഒ മുന് ചെയര്മാന് യു.ആര്.റാവു അന്തരിച്ചു
ബഹിരാകാശ ശാസ്ത്രജ്ഞനും ഐഎസ്ആര്ഒ മുന് ചെയര്മാനുമായ യു.ആര്.റാവു (85) അന്തരിച്ചു. ബെംഗളൂരുവിലെ വസതിയില് പുലര്ച്ചെ 2.30 ഓടെയായിരുന്നു അന്ത്യം. ഇന്ത്യയുടെ പ്രഥമ ഉപഗ്രഹമായ ആര്യഭട്ടയുടെ വിക്ഷേപണത്തില് നിര്ണായക പങ്കുവഹിച്ചിട്ടുണ്ട്. 1984 മുതല് 1994 വരെ നീണ്ട പത്തുവര്ഷക്കാലം ഐഎസ്ആര്ഒ ചെയര്മാനായി പ്രവര്ത്തിച്ചു.
ചന്ദ്രയാന് 1, മംഗള്യാന് എന്നീ ദൗത്യങ്ങളുടെയും ബുദ്ധികേന്ദ്രമായി പ്രവര്ത്തിച്ചത് റാവു ആയിരുന്നു. ഇന്ത്യന് ബഹികാരാശമേഖലയ്ക്ക് മികച്ച സംഭാവന നല്കിയ റാവുവിനെ 1976ല് പത്മ ഭൂഷണും 2017ല് പത്മ വിഭൂഷണും നല്കി രാജ്യം ആദരിച്ചു.
നിലവില് അഹമ്മദാബാദിലെ ഫിസിക്കല് റിസര്ച്ച് ലാബോറട്ടറി കൗണ്സില് ചെയര്മാനായും തിരുവനന്തപുരത്തെ ഇന്ത്യന് ഇന്സ്റ്റിട്ട്യൂട്ട് ഓഫ് സയന്സ് ചാന്സലറായും പ്രവര്ത്തിക്കുകയായിരുന്നു.
കര്ണാടകയിലെ അദമരുവില് ജനിച്ച റാവു എംജികെ മേനോന്, സതീഷ് ധവാന്, വിക്രം സാരാഭായി എന്നിവരോടൊപ്പം നിര്ണായക ദൗത്യങ്ങളില് പങ്കുവഹിച്ചു.
പിഎസ്എല്വി, ക്രയോജനിക് സാങ്കേതിക വിദ്യ ഉപയോഗിച്ചുള്ള ജിഎസ്എല്വി എന്നീ റോക്കറ്റുകളുടെ വികസനത്തിലും പങ്കുകാരനായിരുന്നു.
https://www.facebook.com/Malayalivartha