അലങ്കാരമത്സ്യമായ വാള്‍വാലന്‍
വാലില്‍ വാളുമായി ഒരു അലങ്കാരമത്സ്യം. ലോകമെമ്പാടുമുള്ള അക്വേറിയം പ്രേമികളുടെ ഇഷ്ടഭാജനമാണ് മധ്യ അമേരിക്കന്‍ വംശജനായ വാള്‍വാലന്‍ അഥവാ സ്വോര്‍ഡ് ടെയില്‍.ആണ്‍മീനുകളുടെ വാല്‍ച്ചിറകിന്റെ അടിവശത്ത് കൂര്‍ത്ത് വാള്‍പോലെ കാണപ്പെടുന്ന ഭാഗമാണ് ഈ മത്സ്യത്തിന്റെ പേരിന് കാരണം. സ്വരക്ഷയ്‌ക്കോ മറ്റുള്ള മത്സ്യങ്ങളെ ആക്രമിക്കുന്നതിനോ ഉള്ള ആയുധമല്ല ഈ വാള്‍. ആണ്‍മീനുകള്‍ക്ക് \'പൊലിമ\'കൂട്ടാനുള്ള ഒരു ശരീരഭാഗം മാത്രം. ഇണചേരുന്ന വേളയില്‍ പെണ്ണിനെ ചുറ്റിപ്പിടിക്കാനും ഈ വാള്‍ ഉപയോഗിക്കും.തുടക്കക്കാര്‍ക്ക് വളര്‍ത്താന്‍ പറ്റിയ ഒന്നാന്തരം മത്സ്യമാണ് വാള്‍വാലന്‍. അക്വേറിയത്തില്‍ ഈ മത്സ്യം പരമാവധി 1012 സെ.മീ. വരെ വളരും.
വാള്‍വാലന്മാര്‍ പൊതുവേ ശാന്തസ്വഭാവക്കാരാണ്. എന്നാല്‍, ഇണചേരല്‍ സമയത്ത് ചിലപ്പോള്‍ ഇവ അക്രമാസക്തരാവാറുണ്ട്. കൃത്രിമാഹാരം നല്കി ഈ മീനിനെ വളര്‍ത്താമെങ്കിലും സസ്യജന്യ ഭക്ഷ്യവസ്തുക്കള്‍ (വേവിച്ച ചീര, കാബേജ്, ആല്‍ഗകള്‍ തുടങ്ങിയവ) നിര്‍ബന്ധമായും നല്കണം. സ്വാഭാവിക നിറം ഒലീവ് പച്ചയാണ്. എന്നാല്‍, ഇപ്പോള്‍ ചുവപ്പ്, വെള്ള, പച്ച, മഞ്ഞ, കറുപ്പ്, ഓറഞ്ച് തുടങ്ങി വിവിധ വര്‍ണങ്ങളില്‍ കമ്പോളത്തില്‍ ലഭ്യമാണ്. വാല്‍ച്ചിറകിന്റെ മുകള്‍ഭാഗവും കീഴ്ഭാഗവും വളഞ്ഞ് അര്‍ധചന്ദ്രാകൃതിയില്‍ കാണപ്പെടുന്ന \'മൂണ്‍ ടെയില്‍ സ്വോര്‍ഡ്\' താരപരിവേഷമുള്ള ഇനമാണ്.
https://www.facebook.com/Malayalivartha
