പുതിയ ധനമന്ത്രിയെ കാത്തിരിക്കുന്നത് വലിയ വെല്ലുവിളികള്
സ്വതന്ത്ര ഇന്ത്യയുടെ ചരിത്രത്തില് ആകെ രണ്ട് വനിതകളാണ് ധനമന്ത്രിമാര് ആയത്. രണ്ടാം മോദി മന്ത്രിസഭയില് നിര്മല സിതാരാമന് ധനമന്ത്രി ആയതോടെയാണ് രണ്ട് വനിത ധനമന്ത്രിമാര് ചരിത്രത്തിലിടം പിടിക്കുന്നത്. ഇതിന് മുമ്പ് ഇന്ദിരഗാന്ധിയാണ് ഇന്ത്യയുടെ ധനമന്ത്രി ആയത്. 1970 - 1971 കാലഘട്ടത്തില് ഇന്ദിരാഗാന്ധി പ്രധാനമന്ത്രിയായിരുന്നപ്പോള് ധനകാര്യ വകുപ്പ് കൂടി കൈകാര്യം ചെയ്തിട്ടുണ്ട്. എന്നാല്, ആദ്യമായാണ് ധനകാര്യ വകുപ്പിന് മാത്രമായി ഒരു വനിതാമന്ത്രിയെ ചുമതലപ്പെടുത്തുന്നത്.
ഇതിന് മുന്പ് ഇന്ദിരഗാന്ധിയ്ക്ക് ശേഷം പ്രതിരോധ വകുപ്പ് കൈകാര്യം ചെയ്ത വനിത എന്ന നേട്ടവും നിര്മ്മല സീതാരാമന് സ്വന്തമാക്കിയിരുന്നു. എന്നാല്, ആദ്യമായാണ് പ്രതിരോധ വകുപ്പിന് മാത്രമായി ഒരു വനിതാ മന്ത്രിയെ കഴിഞ്ഞ തവണ പ്രഖ്യാപിച്ചത്. മനോഹര് പരീക്കറിന് ശേഷമാണ് നിര്മ്മല സീതാരാമന് കഴിഞ്ഞ തവണ പ്രതിരോധ വകുപ്പ് ഏറ്റെടുത്തത്. ഇന്ദിരയ്ക്ക് ശേഷം ഈ രണ്ട് മന്ത്രാലയങ്ങളുടെയും ചുമതലയുള്ള സൂപ്പര് ലേഡിയായിരിക്കുകയാണ് നിര്മ്മല സീതാരാമന്.
രണ്ടാം മോദി സര്ക്കാരില് ധനമന്ത്രി പദം അലങ്കരിക്കുമ്പോള്, ഇന്ത്യയുടെ രണ്ടാമത്തെ വനിതാ ധനമന്ത്രിയെന്ന പട്ടവും നിര്മ്മലയ്ക്ക് സ്വന്തമാകുകയാണ്. പ്രതിരോധ രംഗത്തേക്കാള് കടുത്ത വെല്ലുവിളികളാണ് ധനമന്ത്രിയായി, പാര്ലമെന്റിന്റെ നോര്ത്ത് ബ്ളോക്കിലേക്ക് എത്തുമ്പോള് നിര്മ്മലയെ കാത്തിരിക്കുന്നത്. പുതിയ സര്ക്കാരിന്റെ ബഡ്ജറ്റ് അവതരണം തന്നെയാണ് അതില് ഏറ്റവും പ്രധാനം.
കേന്ദ്ര ധനമന്ത്രിയായി നിര്മ്മല സീതാരാമന് നിയമിക്കപ്പെട്ടതിനോട് ഓഹരി വിപണി പ്രതികരിച്ചതേയില്ല. ജി.ഡി.പി വളര്ച്ചാനിരക്ക് സംബന്ധിച്ച ആശങ്ക മാത്രമായിരുന്നു നിക്ഷേപകരുടെ മനസില്. ജി.ഡി.പി ഇടിയുമെന്ന സൂചന നിറഞ്ഞു നിന്നതോടെ ഇന്നലെ ഒരുവേള റെക്കാഡുയരമായ 40,122 വരെ മുന്നേറിയ സെന്സെക്സ്, വ്യാപാരാന്ത്യം 117 പോയിന്റ് നഷ്ടവുമായി 39,714ലാണുള്ളത്. ഒരുവേള 12,000 കടന്ന നിഫ്റ്റി 11 പോയിന്റിടിഞ്ഞ് 11,922ലും വ്യാപാരം അവസാനിപ്പിച്ചു.
ഇന്ത്യയുടെ മൊത്ത ആഭ്യന്തര ഉത്പാദന (ജി.ഡി.പി) വളര്ച്ച 2018 - 19 വര്ഷത്തെ ജനുവരി മാര്ച്ച് പാദത്തില് 5.8 ശതമാനത്തിലേക്ക് നിലംപൊത്തി. കഴിഞ്ഞ അഞ്ചുവര്ഷത്തിനിടയിലെ ഏറ്റവും താഴ്ന്ന വളര്ച്ചയാണിത്. ഇതോടെ, ലോകത്തെ ഏറ്റവും വേഗം വളരുന്ന വലിയ സമ്പദ്വ്യവസ്ഥയെന്ന സ്ഥാനവും ഇന്ത്യയ്ക്ക് നഷ്ടമായി. ചൈന 6.4 ശതമാനം വളര്ന്നിരുന്നു.
അപ്രതീക്ഷിത നേട്ടങ്ങളുടെ പരമ്പരയാണ് നിര്മ്മ സീതാരാമന്റെ രാഷ്ട്രീയ ജീവിതം. 2003 05ല് മുന് കേന്ദ്രമന്ത്രിയും മുതിര്ന്ന ബി.ജെ.പി നേതാവുമായ സുഷമ സ്വരാജിനെ പരിചയപ്പെട്ടതാണ് നിര്മ്മലയുടെ ജീവിതത്തിലെ വഴിത്തിരിവ്. വാജ്പേയി സര്ക്കാരിന്റെ കാലത്ത് 2003 - 05ല് നിര്മ്മല ദേശീയ വനിതാ കമ്മിഷന് അംഗമായി. 2006ല്, അവര് ബി.ജെ.പിയില് ചേര്ന്നു. ദേശീയ നിര്വാഹക സമിതിയംഗമായി തെരഞ്ഞെടുക്കപ്പെട്ട നിര്മ്മല, പാര്ട്ടിയുടെ ദേശീയ വക്താവുമായി. ചുമതലകളെല്ലാം ഭംഗിയായി നിര്വഹിച്ചതോടെ, 2014ല് മോദി സര്ക്കാരിലെ വാണിജ്യമന്ത്രിസ്ഥാനം നിര്മ്മലയ്ക്ക് ലഭിച്ചു. 2017 സെപ്തംബറില് ഇന്ത്യയുടെ ആദ്യ മുഴുവന്സമയ വനിതാ പ്രതിരോധമന്ത്രി സ്ഥാനവും നിര്മ്മലയെ തേടിയെത്തി. പുല്വാമ ഭീകരാക്രമണത്തിന് തിരിച്ചടിയായി പാകിസ്താനിലെ ബാലക്കോട്ടില് വ്യോമസേന നടത്തിയ മിന്നലാക്രമണത്തിന് മേല്നോട്ടം വഹിച്ചത് നിര്മ്മ സീതാരാമനാണ്. റാഫാല് വിവാദമുണ്ടായപ്പോള് സര്ക്കാരിനെ പ്രതിരോധിച്ച് പാര്ലമെന്റില് തിളങ്ങിയതും നിര്മ്മലയാണ്. 22016 മുതല് കര്ണാടകയില് നിന്നുള്ള രാജ്യസഭാംഗമാണ് നിര്മ്മല.
https://www.facebook.com/Malayalivartha