ഡ്രൈവിങ്ങിനിടെ മൊബൈല്ഫോണ് ഉപയോഗം; കര്ശന നിലപാടുമായി മോട്ടോര് വാഹനവകുപ്പ്
സംസ്ഥാനത്ത് ഡ്രൈവിങ്ങിനിടെ മൊബൈല് ഫോണ് ഉപയോഗിച്ചതിന്റെ പേരില് കഴിഞ്ഞ നാലുമാസത്തിനിടെ 777 പേരുടെ ലൈസന്സാണ് റദ്ദാക്കിയത്. ഗതാഗത നിയമങ്ങള് ലംഘിക്കുന്നതിനെതിരെ കര്ശന നടപടികള് സ്വീകരിക്കുന്നതിന്റെ ഭാഗമായാണ് മോട്ടോര് വാഹന വകുപ്പിന്റെ പുതിയ നടപടി. കുറഞ്ഞത് മൂന്നു മാസമാണ് ലൈസന്സ് റദ്ദാക്കുക. ഈ വര്ഷം ജനുവരി മുതല് ഏപ്രില് വരെയുള്ള നാലുമാസ കാലയളവിനിടെ മാത്രം മോട്ടോര് വാഹന വകുപ്പ് 9577 ലൈസന്സുകളാണ് റദ്ദാക്കിയത്. നടപടി നേരിട്ടതില് ഏറ്റവും മുന്നില് നില്ക്കുന്നത് ഫോണ് വിളിച്ച് വാഹനം ഓടിച്ചതിനാണ്.
മദ്യപിച്ചു വാഹനമോടിച്ച 584 പേരുടെയും അമിതവേഗത്തിനു 431 പേരുടെയും ലൈസന്സ് റദ്ദാക്കി. അമിതഭാരം കയറ്റിയതിന് 177 പേരുടെയും സിഗ്നല് തെറ്റിച്ചതിന് 53 പേരുടെയും ലൈസന്സുകളാണ് റദ്ദാക്കിയത്. 2018 ല് വിവിധ കാരണങ്ങളാല് 17,788 ലൈസന്സുകളാണ് റദ്ദാക്കിയത് . 2017 ല് ഇത് 14,447 ആയിരുന്നു. 2017ലും 2018ലും ഏറ്റവുമധികം ലൈസന്സുകള് റദ്ദാക്കിയത് മദ്യപിച്ചു വാഹനമോടിച്ചതിന്റെ പേരിലായിരുന്നു. അതേസമയം അമിതവേഗം, അമിതഭാരം കയറ്റല് എന്നിവയുടെ പേരിലുള്ള കേസുകള് കുറഞ്ഞു. നിയമലംഘനത്തിന്റെ തോതനുസരിച്ചാണ് ലൈസന്സ് റദ്ദാക്കുന്നതിന്റെ കാലാവധി നിശ്ചയിക്കുന്നത്.
https://www.facebook.com/Malayalivartha